Te Israel Tobolu Bidi Dabe 20:22 - Godigo dwagi yai po buku

^22-23 Tama te Israel bidi te lotu wabo pesageba ma geasa pelama, tama augwaligo te Genuai Bidiba gela udubadi, te giliga dega sigulali. Augwaligo agaba hanalu wali, “Te dago dena ama dede te Benjamingo hani dabe dali ma hwįgowe, ma meni yaibawe?” Tama Genuai Bidigo augwaliba te po walali, “Dagego te augwali dali ma hwįgi pao,” wai. Tama tibaso, te Israel dabe te bomo ma selama, tama augwaligo te hwįgi pabo ami bidi dabe te hasia sogo te wasilali pesageba ma pelama, te ami bidi dabe ma wasilai dao.

Te Israel Tobolu Bidi Dabe 20:22 Referans Kwoze

Godigo Nogi Ugwaba Sabo Tęąbi Po Wabo Buku Dabe 64:5

Augwaligo augwa digi dąų waliyu, tama te dwai kolesaga ebo dao. Augwaligo te gasa bidi tola somainu yabo te bono gągą muabo po miani. Tama augwa te tama homu yali, “Te mena bidi me deligo te da me sugobeo,” wai.

2 Samuel 11:25

Devitgo te po agabolo wali, “Nage ma geasa pelama, tama te po Joapbolo pusa mao, te aga bomo elama hwįmainu ebo po. ‘Joap, nage te sęde te haliga sęgę me elamuo, magi baso meni, te mena bidi aga te hwįbode isabo, te aga me konegobeo. Nago te Amon dabe dali hwįbo sę bomo elama, tama augwali aiyaba elaluama, tama te taun hanu mu dola silao,’ te Joapgo homu dąų omainogo te po agabolo pusao,” Devitgo te po wali.

1 Samuel 30:6

Te Devitgo bidi dabego homugo te boi bidi dabego te augwaligo we me wai sela pali homu elama, tama augwa haliga sęgę elama, tama Devitba wado po wali. Tama tialima, augwaligo agaba te masigi sąnama, tama aga ela muaibao wali. Tama Devit aga genuai sęgę mu elaluali. Tama Devitgo gedu haluasa po, te aga Genuai Bidiba wali, tama Godigo aga homu kolesaga dąų walalio.

Te Israel Tobolu Bidi Dabe 20:17

Tama te Israel dabego te hwįabo bidi dabe te 400,000 bidi sisinani, te augwaligo te bainat hwągo hwįbo dao. Tama augwaligo te namba nedali te Benjamingo hani dabe dali me nedebeo.

Te Israel Tobolu Bidi Dabe 20:15

Te sogode augwaligo te tigidali hanude bidalubo bidi dabe sisinama te 26,000 bidi pedelai. Te bidi dabego te bainat hwągo hwįbo koneani bidi. Tama te Gibeago digi te pobase nogogo hwįbo bidi te 700 bidi elaluali. Augwaligo te kibu waligo nigai te masigi enebo naigo hwįbo mu koneani, tama augwaligo enebo masigi te daiba mu sabalu ebo dao.

Te Israel Tobolu Bidi Dabe 20:21

Tama te Benjamingo hani dabe te hanu tagalama, tama aselama, hwįagasalio. Te giliga dega sigulusiąbadi tama te Benjamingo hani bagego te Israel ami bidi dabe te bidi sese umabo 22,000 bidi ela muanio.