Te Israel Tobolu Bidi Dabe 20:21 - Godigo dwagi yai po buku

²¹ Tama te Benjamingo hani dabe te hanu tagalama, tama aselama, hwįagasalio. Te giliga dega sigulusiąbadi tama te Benjamingo hani bagego te Israel ami bidi dabe te bidi sese umabo 22,000 bidi ela muanio.

Te Israel Tobolu Bidi Dabe 20:21 Referans Kwoze

Te Israel Tobolu Bidi Dabe 20:25

Tama te Benjamingo hani dabego me te sogo Gibea hanu tagalama, tama te Israel dabe dali hwįagasali. Te sogo te Benjamingo hani ami bidi dabego te Israel dabe hwįbo sę koneani ami te bidi sese umabo te 18,000 bidi ela muani.

Hosea 10:9

Tialima, Genuai Bidigo te po wali, “Polobadu te Israel dabego te Gibeade enaba dwai sę yali, tama augwaligo te kolesaga tagalobeo. Tialima, te boi bidi dabego te Israelba hwįagaselama, tama te hwį hwį pali, te Gibeaba usu nigi paibao.

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Godigo Nogi Ugwaba Sabo Tęąbi Po Wabo Buku Dabe 77:19

Nage wali te tamu wę tomode bilali. Nago sunumi te genuai tamu ąį tomode elaluali. Tiali goli, dago te nago sągą pasalu me susiąbo dao.

Godigo Nogi Ugwaba Sabo Tęąbi Po Wabo Buku Dabe 33:16

Te hwįbode te we bidi hanigo kingo te boi bidi aiyaba elaluama, tama te genuai ami dabede naga te boi bidi dabe me sela sągobeo. Te ami dabe augwa bomogo digi te boi bidi aiyaba me elalugobeo.

Tuni Bidi Dabego Po Elalubo Buku Si 28:10

Tama me ma dagego Juda we bidi me Jerusalem we bidi dagego duga olo sę ebo we bidi gagalainu odasa asalio. Mena tama tialiwe? Dagego homugo dage Genuai Bidi duga Godigo gedude dage bugagia bidiba homu yaliwe?

Bomai Po 23:9

Tama Mosesgo po geninama weyu, te po wali, “Te dage hwįainogo pabo sogo da, tama dagego ami bidi dabe te pesage nigali tede bidibaso me, teda augwali te Godigo gedude dwai nai dabede wi homu yao.

Tigidali Nai Gagalama Nigali Side 49:27

“Benjamin da, te genuai uni yowi me deligo te hasa dabe elibo kolesaga konebo tiwai gilama yaibao. Te kigamu te aga te elali hasa tubo gilama yaibao. Tama pio aga te sali nai dabe dobaduaibao,” wali.

Te Israel Tobolu Bidi Dabe 20:20

Augwaligo te Benjamingo hani dali hwįgi pabo ami bidi dabe wasilama sisi elaluali.

Te Israel Tobolu Bidi Dabe 20:22

Tama te Israel bidi te lotu wabo pesageba ma geasa pelama, tama augwaligo te Genuai Bidiba gela udubadi, te giliga dega sigulali. Augwaligo agaba hanalu wali, “Te dago dena ama dede te Benjamingo hani dabe dali ma hwįgowe, ma meni yaibawe?” Tama Genuai Bidigo augwaliba te po walali, “Dagego te augwali dali ma hwįgi pao,” wai. Tama tibaso, te Israel dabe te bomo ma selama, tama augwaligo te hwįgi pabo ami bidi dabe te hasia sogo te wasilali pesageba ma pelama, te ami bidi dabe ma wasilai dao.

Godigo Nogi Ugwaba Sabo Tęąbi Po Wabo Buku Dabe 78:62

Agai te aga we bidi dabeba wado po olama, tama te boi bidi dabego augwali ela mumainogo yai dao.