Te Israel Tobolu Bidi Dabe 20:2 - Godigo dwagi yai po buku

² Tama te tigidali Israel hanigo polalubo bidi dabe te tigidali bage te Godiba sisinama po mibo madiba sabolali. Te bainatgo hwįbo ami bidi dabe te bidi sese umabo te 400,000 ami bidi dabe elaluali.

Te Israel Tobolu Bidi Dabe 20:2 Referans Kwoze

Te Israel Tobolu Bidi Dabe 8:10

Tama te Seba me, Salmuna me, te augwali sigo ami bidi dabe dali, augwali te bulu Karkorde bidaluali. Te bidi sese hauwa me badu te pąde 15,000 ami bidi dabe naga bidali, magi baso meni, te Israel dabe augwaligo te bidi sese hauwa umabo te 120,000 ami bidi dabe te elali.

Te Israel Tobolu Bidi Dabe 20:17

Tama te Israel dabego te hwįabo bidi dabe te 400,000 bidi sisinani, te augwaligo te bainat hwągo hwįbo dao. Tama augwaligo te namba nedali te Benjamingo hani dabe dali me nedebeo.

Te Israel Tobolu Bidi Dabe 20:15

Te sogode augwaligo te tigidali hanude bidalubo bidi dabe sisinama te 26,000 bidi pedelai. Te bidi dabego te bainat hwągo hwįbo koneani bidi. Tama te Gibeago digi te pobase nogogo hwįbo bidi te 700 bidi elaluali. Augwaligo te kibu waligo nigai te masigi enebo naigo hwįbo mu koneani, tama augwaligo enebo masigi te daiba mu sabalu ebo dao.

Te Israel me Juda Hani Sigo Tuni Bidigo Po Elalubo Buku Si 3:26

Te Moap king bidigo suali, ma te boi bidi dabego te aga pąde tama aiyaba elaluaibao homu ebaso, tialima te king agai te bainat ge hwą tulama, te boi hwįbo konea pai bidi naga te agai sali, te bidi dabe te bidi sese hauwa, te 700 ami bidi sai, tama augwali te taun tagalama, te Idom king bidi pageba painu yai, tiali goli augwaligo usu ebe.

2 Samuel 24:9

Te augwali sabolali sogode, tama Joap pelama, te bilali po tigidali te kingba waligi pali, “Israelde te ami sę yabo bidi te bidi sese umabo mu, te 800,000 bidi elaluali, tama te Judade te umabo bidi sese mu te 500,000 bidi elaluali,” Joapgo Devitbolo te po wali.

Te Israel Tobolu Bidi Dabe 20:3

Tama te Benjamingo hani dabego te tiwai po wabo odali, te gasa Israel hani dabe te Mispaba sisinigi pali po walio. Tama te Israel dabego te Livai bidiba hanalu wali, “Nago dabolo pusao. Te dwai kolesaga mena tama pedelaliwe?”

1 Samuel 11:8

Tama Solgo te tigidali bidi te Besek buluba sisinagasao olama, tama agai suali, te Juda dabe umabo bidi te 30,000 bidi, te gasa Israel dabe te 300,000 te buluba sisinai.

Josua 22:12

Augwaligo te po odama, tama tigidali te Silo buluba sisinama, tama augwaligo te hani sela dali boi hwįainogo sisi ilali.

2 Samuel 14:13

Tialima, megi da, te wego po hanilama te Devitba walali, “Magi baso naga digi nago te tobage dwai kolesaga te Godigo we bidi dabeba yai dawe? Naga digi nago te naga ogwa sela sąyu, ela gudulama, tama nago aga ma asomainu ebeo. Tama tialima, megi nago enaba te mani pogo, naga digi naga sęgę elalubo po ilali dao.