Te Israel Tobolu Bidi Dabe 20:17 - Godigo dwagi yai po buku

¹⁷ Tama te Israel dabego te hwįabo bidi dabe te 400,000 bidi sisinani, te augwaligo te bainat hwągo hwįbo dao. Tama augwaligo te namba nedali te Benjamingo hani dabe dali me nedebeo.

Te Israel Tobolu Bidi Dabe 20:17 Referans Kwoze

Tuni Bidi Dabego Po Elalubo Buku Deli 21:5

Tialima Joapgo te sę ela bilali po Devitba wagi pali, Israelde te hauwa umabo we bidi mu, te 1,100,000 bidigo te ami bidi sę yabo elaluali, te Juda bidi me te bidi sese umabo hauwa mu te 470,000 bidi dao.

1 Samuel 15:4

Solgo te po odali, tialima agai te ami bidi dabe i olama, te Telaim hanuba sisinani. Tama te Juda hani bidi 10,000 elaluali, tama te gasa Israel hani sibi dabego te 200,000 bidi elaluai.

1 Samuel 11:8

Tama Solgo te tigidali bidi te Besek buluba sisinagasao olama, tama agai suali, te Juda dabe umabo bidi te 30,000 bidi, te gasa Israel dabe te 300,000 te buluba sisinai.

Te Israel Tobolu Bidi Dabe 20:2

Tama te tigidali Israel hanigo polalubo bidi dabe te tigidali bage te Godiba sisinama po mibo madiba sabolali. Te bainatgo hwįbo ami bidi dabe te bidi sese umabo te 400,000 ami bidi dabe elaluali.

Israel Hanigo Namba 26:51

Tialima, te Israel dabe namba sese tama te 601,730 bidi dabe tama elaluali.

Te Israel Tobolu Bidi Dabe 20:18

Megi da, te Israel dabe te lotu wabo pesage te Betelba pelama, tama augwaligo te Genuai Bidiba hanalu wai, “Te da mena hani bolo te hasia pelama, te Benjamingo hani dabe dali hwįgi paibawe?” Tama Genuai Bidigo te po wali, “Te Juda hani bolo polasa pomainao,” wali.

Te Israel Tobolu Bidi Dabe 20:22

Tama te Israel bidi te lotu wabo pesageba ma geasa pelama, tama augwaligo te Genuai Bidiba gela udubadi, te giliga dega sigulali. Augwaligo agaba hanalu wali, “Te dago dena ama dede te Benjamingo hani dabe dali ma hwįgowe, ma meni yaibawe?” Tama Genuai Bidigo augwaliba te po walali, “Dagego te augwali dali ma hwįgi pao,” wai. Tama tibaso, te Israel dabe te bomo ma selama, tama augwaligo te hwįgi pabo ami bidi dabe te hasia sogo te wasilali pesageba ma pelama, te ami bidi dabe ma wasilai dao.