Te Israel Tobolu Bidi Dabe 20:15 - Godigo dwagi yai po buku

^15-16 Te sogode augwaligo te tigidali hanude bidalubo bidi dabe sisinama te 26,000 bidi pedelai. Te bidi dabego te bainat hwągo hwįbo koneani bidi. Tama te Gibeago digi te pobase nogogo hwįbo bidi te 700 bidi elaluali. Augwaligo te kibu waligo nigai te masigi enebo naigo hwįbo mu koneani, tama augwaligo enebo masigi te daiba mu sabalu ebo dao.

Te Israel Tobolu Bidi Dabe 20:15 Referans Kwoze

Israel Hanigo Namba 26:41

Tama te hani wąį a naga augwaligo te 45,600 bidi tama elaluali.

Te Israel Tobolu Bidi Dabe 20:35

Megi da tama te Genuai Bidigo augwali tau selama, tama augwaligo te Benjamingo hani bage dabe te aiyaba elaluali. Tama te sogode te Israel dabego te augwaligo ami bidi dabe te bidi sese umabo mu, te 25,100 bidi ela muani.

Te Israel Tobolu Bidi Dabe 20:25

Tama te Benjamingo hani dabego me te sogo Gibea hanu tagalama, tama te Israel dabe dali hwįagasali. Te sogo te Benjamingo hani ami bidi dabego te Israel dabe hwįbo sę koneani ami te bidi sese umabo te 18,000 bidi ela muani.

Te Israel Tobolu Bidi Dabe 20:14

Tama te Benjamingo hani tigidaligo te augwa hanu dabe tagalama, tama te Gibea hanuba sisinagasali, te Israel dabe dali hwįainogo yali.

Te Israel Tobolu Bidi Dabe 20:22

Tama te Israel bidi te lotu wabo pesageba ma geasa pelama, tama augwaligo te Genuai Bidiba gela udubadi, te giliga dega sigulali. Augwaligo agaba hanalu wali, “Te dago dena ama dede te Benjamingo hani dabe dali ma hwįgowe, ma meni yaibawe?” Tama Genuai Bidigo augwaliba te po walali, “Dagego te augwali dali ma hwįgi pao,” wai. Tama tibaso, te Israel dabe te bomo ma selama, tama augwaligo te hwįgi pabo ami bidi dabe te hasia sogo te wasilali pesageba ma pelama, te ami bidi dabe ma wasilai dao.