Te Israel Tobolu Bidi Dabe 2:7 - Godigo dwagi yai po buku

⁷ Te Josua bidibadi te sogo te Israel dabe augwaligo te Genuai Bidiba lotu po wali. Tama nosali te Josua isai madi me te augwaligo Genuai Bidiba lotu po me udali. Augwaligo tama tiwai sę me idubadi, te Genuai Bidigo ebo sę sulama, te Israel dabe tau sali bidi dabe me augwali isai.

Te Israel Tobolu Bidi Dabe 2:7 Referans Kwoze

Filipai 2:12

Eno abagi mu dede, Krais aga Godigo po mu wali pali. Tama tibaso, ena dage dali polobadu bidibadi dagego eno po wali pali tiwai gilama, te megi me, ena digibulu bidibadi te dagego bomo elama, te eno po bugagia wali pao. Te sęgę dao, olo sę mu menio. Tama tiyu, God dali duga homugo kęą pai we bidi mu bidiyu, tama te dage bidibo kolesaga wiegi yai mu sese pedalomainu bomo elama tiduao.

Josua 24:31

Te Josua bidibadi, te sogo da, te Israel dabego te Genuai Bidiba lotu po uduai. Tama nosali te Josua isai madi me te augwaligo Genuai Bidiba lotu po udali. Augwaligo tama tidubadi, te Genuai Bidigo te Israel dabe tau siyu ebo sę suali te genuai bidi dabe augwali me isali.

Tuni Bidi Dabego Po Elalubo Buku Si 24:2

Te pris Jehoiada bidibadi da, Joasgo Genuai Bidigo gedude wiegi yai kolesaga iyu yai dao.

Te Israel me Juda Hani Sigo Tuni Bidigo Po Elalubo Buku Si 12:2

Te Joas aga king bidibo sogo, tama agai Genuai Bidigo gedude te agai dwagi yai doloba pai kolesaga naga yali. Magi baso meni, te polalubo pris bidi Jehoiada agai aga te e tama dwagi yai kolesaga ola mabo sę yali.

Te Israel Tobolu Bidi Dabe 2:6

Tialima, polobadu Josuago te Israel dabe augwalibolo te sabo tǫ sigi piąo po wali. Tama deli deli bidi dabe pelama, te augwa sa muani tǫ selama, tama tede bidali.

Te Israel Tobolu Bidi Dabe 2:8

Josua, te Nungo ogwa, te Genuai Bidigo sę bidi, te agai kibu be 110 bidama, te aga isali.

Te Israel Tobolu Bidi Dabe 2:17

Tiali goli, te we bidi augwaligo te tobolu bidi dabego po me odobe. Augwaligo te Genuai Bidi tudiba munama, tama augwaligo te tibo godiba lotu po me udai, te bidigo aga we tagalama, te penani ebo weba pabo tiwai yali. Te augwa wąį dabe augwaligo te Godigo po wali pai, tiali goli te hani wai dabe polo hasegelama, tama augwaligo te tiwai kolesaga me ebeo.