Te Israel Tobolu Bidi Dabe 2:21 - Godigo dwagi yai po buku

²¹ tama eno te bidalubo boi bidi dabe pomainu me gudulugobeo, te Josua isai madi tiali.

Te Israel Tobolu Bidi Dabe 2:21 Referans Kwoze

Josua 23:13

teda dagego koneani, te Godigo te augwali munu me sela sągobeo. Menio. Te dagego boi bidi mu augwali pedelaibao. Te augwali te dage tulaluabo tǫ dedage tiwai elaluaibao. Tama augwaligo dage te keloago dene mayu, te bidi tudi badu elibo tiwai gilama dene mawaibao, tama te sesanigo bidi gedude enibo tiwai gilama yaibao. Tama te sęgę elalubadi, te dage tigidali te e wiegi yai tǫde polo isaibao, te dena Genuai Bidigo dagebolo mani tǫ.”

Te Israel Tobolu Bidi Dabe 2:3

Tama tialima, eno dagebolo megi obao, te eno dage pabo madi te bidi dabe augwali eno polasa me sela sągobeo, te dage augwaligo tǫba painogo ebo sogo tama tiaibao. Te augwali dagego boi bidi dabe bidaluaibao. Tama augwaligo tibo godigo te dagego konealubo po usu selama, mu dolaibao.” Genuai Bidigo Mobo Bidi Enselgo te po wali.

Esekiel 20:24

Eno te po wali, magi baso meni, augwaligo eno po sela sąwani. Tama augwaligo te Sabat side bomo yai po, me gasa bomai po dabe dali bolama, tama augwaligo te augwa wąį nǫų dabego tibo god dabeba lotu wabo homu bomonama mu yali,” wali.

Te Israel Tobolu Bidi Dabe 3:3

Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.

Josua 23:4

Megi te dagego bugagia odiąo! Te gasa hani dali tama te elalubo tǫ, te eno dagebolo somainogo sa muani. Eno te boi hwįnama aiyaba elaluali hani dali te tiwai naga yali. Tama dagego tǫ te wę Jordan sesege badu gagalasa pali, te giliga pedalubo madi, te Mediterenian Tamu Ąį badu, te giliga dega sigilubo pedai badu dąį igi pali.

Josua 23:5

God, dago Genuai Bidigo, te boi bidi dabe ela gudulama, tama dagede wi eyu pomainogo ilaibao. Tama te dagego augwaligo tǫ saibao, te Godigo bomo yai po dąų wali tiwai gilama yaibao.”

Te Israel Tobolu Bidi Dabe 1:1

Te Josua isai madi tama te Israel dabego te tiwai po te Genuai Bidibolo hanalu wali, “Te mena hani polasa peyu, tama te Kenan dabe dali boi hwįgi pogowe?” wali.

Te Israel Tobolu Bidi Dabe 3:1

Genuai Bidigo te Israel hani tomode te gasa we bidi hani meba te Israel we bidi dabe tomode bidimainogo tagalali, te Kenan tǫde, magi baso meni, agai homugo te Kenan dabe dali moni boi hwįani sogo te boi hwįsiąwani Israel bage te augwaligo bomo te sogo usu sela suainu, te Genuai Bidigo tama tiali.