Te Israel Tobolu Bidi Dabe 2:19 - Godigo dwagi yai po buku

¹⁹ Tiali goli, te tobolu bidi isibode, te we bidi augwaligo te augwa poloba yali kolesagaba ma begasa peyu yali. Tama augwaligo dwai kolesagago te augwa wąį polasa pali bidi dabego yali kolesaga te aiyaba elaluali. Augwaligo te gasa tibo god wali peyu, tama teba lotu wali. Augwaligo te bomo mu eyu, te augwa ebo dwai kolesaga wali mu pali. Augwa dwai sę tagalabo homu ebeo, tede hagela homu naga yali.

Te Israel Tobolu Bidi Dabe 2:19 Referans Kwoze

Te Israel Tobolu Bidi Dabe 8:33

Gideon isai madigi tama te Israel dabego Godiba lotu munu ma wabeo. Augwaligo te tibo god Balba naga lotu wali. Tama augwaligo te Balberit te augwa god elaluali.

Te Israel Tobolu Bidi Dabe 4:1

Ehut isai madi tama Israel dabego te Genuai Bidi Godigo gedude dwai sę ma ilali.

Matyu 23:32

Tama tibaso, megi da dage pelama, duga wąį dabego yali dwai kolesaga usu nigi pao.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 16:12

Tama dagego dwai kolesaga ebogo te duga wąį nǫų dabego dwai kolesaga yali aiyaba mu elalualio. Dage tigidaligo hagoma homu elama, te duga homude dwai kolesaga wali pali. Tama dagego eno po odobo hagela homu ebo dao.

Jeremaia 3:17

Te sogo te we bidi dabego te tiwai po waibao, ‘Jerusalem digi te Genuai Bidigo dugabo sia sai tiwai dao,’ waibao. Te tigidali kantri tǫde bidibo hani we bidi te Jerusalemba asiyu, te enaba genuai nogi magasaibao. Te munu ma augwa te hagoma isiąma, te augwa homude digi ebo dwai kolesaga wali munu me pelamu dao,” wali.

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.

1 Samuel 15:23

Magi baso meni. Te Godigo po sela sąbo kolesaga tobage te dwai pobi wabo kolesaga tobage ebao, tama te God dali hagoma ebo kolesaga te tibo god wali pabo kolesaga tiwai ebao. Te tobage kolesaga ebo te dwai kolesaga mu dao. Nago te Genuai Bidigo po tudiba muani, tama tiyu agai nage tudi ola mayu, tama nage king munu me bidigobeo dao,” Samuelgo te po wali.

Te Israel Tobolu Bidi Dabe 2:7

Te Josua bidibadi te sogo te Israel dabe augwaligo te Genuai Bidiba lotu po wali. Tama nosali te Josua isai madi me te augwaligo Genuai Bidiba lotu po me udali. Augwaligo tama tiwai sę me idubadi, te Genuai Bidigo ebo sę sulama, te Israel dabe tau sali bidi dabe me augwali isai.

Josua 24:31

Te Josua bidibadi, te sogo da, te Israel dabego te Genuai Bidiba lotu po uduai. Tama nosali te Josua isai madi me te augwaligo Genuai Bidiba lotu po udali. Augwaligo tama tidubadi, te Genuai Bidigo te Israel dabe tau siyu ebo sę suali te genuai bidi dabe augwali me isali.

Tigidali Nai Gagalama Nigali Side 6:11

Tiali goli, gasa we bidi dabe augwali tigidali te God gedude dolama bidali, tama dwai kolesaga me, te hwįbo kolesaga me, te tigidali habuba pągąna sigi pai.

Bomai Po 31:29

Eno koneani, ena isai digi dage we bidi dwai mu pedelaibao, tama eno dagebolo mani po me wali pogobeo. Te dagego dwai kolesaga hauwa mu yaibao. Tama dagego Genuai Bidi sębę mu ilaibao, tama agai dageba dwai sę dabe mu pedalomainu yaibao,” Mosesgo te Livai pris dabebolo te po wali.

Te Israel Tobolu Bidi Dabe 2:18

Tigidali sogo Genuai Bidigo te Israel dabego tobolu bidi me deli sa muani, te agai tonalua pidubadi, te aga isiboba usu niyu yali. Tama te tobolu bidi dabego te Israel dabe tau siyu, te boi bidi dabe aiyaba elaluali. Genuai Bidigo te augwali homu dene eyu, tau sali, magi baso meni, augwali te augwa yali sęde dene me sęgę te boi bidigo nogode siyu, gela weyu yali.

Te Israel Tobolu Bidi Dabe 2:20

Tama tibaso, Genuai Bidigo te dwai sębę mu te Israel dabe dali eyu, tama wado yali, tama agai te po wali, “Te we bidi augwaligo te augwa wąį dabebolo wali pao wali te dau wali po bolali. Te augwaligo eno po wali me pisąbaso,

Esekiel 20:30

“Megi da, dage Israelde eno po elalubao. Dagego te duga wąį nǫų dabego tibo god dabe wali pobao. Magi baso dagego augwaligo te dwai kolesaga wali pabo dawe?

Ma Dobola Sali 32:7

Tama Genuai Bidigo Mosesbolo te po wai, “Nage polo e bulu dude bidali tagalama, aba dulao. Te naga Isipde odasa asali we bidi dabe augwaligo dwai kolesaga hauwa megi ebao.

Te Israel Tobolu Bidi Dabe 10:13

Tiali goli, dagego ena tagalama, tama gasa tibo godiba lotu wali. Tama tibaso, te eno dage tau ma sogobeo.

Nehemia 9:28

“Tiali goli, te augwali bugagia ma dugulalu bidibo sogo, polo tama augwaligo dwai sę ebo kolesaga ma ebaso, tama nago te boi bidi dabego augwali aiyaba elalumainu elama, te augwali tonalubo sę yai. Tama te sogo me augwali homu ma begelama, tama augwaligo nageba hanalu, te augwali tau sao wai. Tama nage te dagalude bidiyu, te augwaligo i wabo odali. Hauwa sogo augwaligo te tiwai kolesaga naga iduali, tiali goli nago wiegi yai homugo olo mu tau sabo kolesaga augwaliba iduali, tama tigidali sogo nago augwali te boi bidi dabego nogode ma dobola sidu geai dao.”