Te Israel Tobolu Bidi Dabe 2:18 - Godigo dwagi yai po buku

¹⁸ Tigidali sogo Genuai Bidigo te Israel dabego tobolu bidi me deli sa muani, te agai tonalua pidubadi, te aga isiboba usu niyu yali. Tama te tobolu bidi dabego te Israel dabe tau siyu, te boi bidi dabe aiyaba elaluali. Genuai Bidigo te augwali homu dene eyu, tau sali, magi baso meni, augwali te augwa yali sęde dene me sęgę te boi bidigo nogode siyu, gela weyu yali.

Te Israel Tobolu Bidi Dabe 2:18 Referans Kwoze

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Bomai Po 32:36

“Tama Genuai Bidigo aga hani we bidigo bomo sia selama, deli deli bidi naga bidibo subaso da, teda agai augwali te deli deli bidi dabe hobede elama, tama augwali agai sę ebo bage augwali ma oda saibao.

Ma Dobola Sali 2:24

Tama Godigo augwaligo te gela wabo odoyu, tama Godigo te bomo yai po Abraham, me Aisak, me Jekop, augwali dali dąų wali, te agai koneai, tama agai te augwaligo wąįgo wai dabe augwali tau saibao te po wai, polobadu.

Hosea 11:8

“Dage Israel, te eno dage tagalu da me egobeo,” wali, “te ena dagede wi me pogobeo. Tama eno dage te bulu Atma me Seboim, te bulu si bidi hani mu silali tiwai gilama da me tegobeo,” wai. “Eno dage tigidali mu doloyu da me egobeo, magi baso meni, eno dage godolo homu mu ebo dao,” wali.

Te Israel me Juda Hani Sigo Tuni Bidigo Po Elalubo Buku Si 13:4

Tama tialima, te king Joahas agai te Genuai Bidi dolo gedu haluasa po wali, tama Genuai Bidigo te Joahasgo gedu haluasa wali po odali, magi baso meni, Genuai Bidigo konea pali, te Siria bage augwaligo te Israel bage aiyaba elaluama, mu dolobo sę ebaso.

Te Israel Tobolu Bidi Dabe 10:16

Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.

Tigidali Nai Gagalama Nigali Side 6:6

Tama Yawego te polobadu bidi de we si tǫgo nigilama, te dwagi yai homu pemene yali, te homu ma koneani. Tiali goli, agai te we bidi hani dabego homu suali, te augwaligo homu te dwai naide naga konebaso, tama tede homu dene eyu, agai te polobadu dwagi yai homu pemene yali tiwai gilama ma ebeo. Te meni.

Ma Dobola Sali 3:12

Tama Godigo te po wali, “Ena nage dali bidibao. Tama megi eno magi nai me deli nagebolo waselama ola mayu, tama nago kuna koneagameo, te ena digi eno nage te Israel we bidi augwalibolo tagala palobao. Te ola mabo sę e tama dao: te nago te we bidi Isip tǫ tagalama, odasa aselama, tama dagego enabolo e bulu dude digi lotu po waibao,” wali.

Jona 3:10

Tialima, augwaligo augwa dwai kolesaga ebo tagalali, tama Godigo augwaligo te tebo sę suai. Godigo agai homu hasegelama, tama agai te sę yaibao wali, tama te dwai dene mabo sę agai me ebeo.

Godigo Nogi Ugwaba Sabo Tęąbi Po Wabo Buku Dabe 90:13

Genuai Bidi, nisu naga nago haliga sębę ebo me elaludaibawe? Nago naga sę bidi da homu dene yao.

Godigo Nogi Ugwaba Sabo Tęąbi Po Wabo Buku Dabe 12:5

Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

Israel Hanigo Namba 10:9

Te boi bidi dabego dagego tǫba dage dali hwįainu asobaso da, teda dagego te biugel elama, bidi dabe hodolama, hwįgi pomainao, te boi bidi dabe dali. Dagego te tama tiyu da, teda ena God, dagego Genuai Bidi, eno dage homu koneama, tama te boi bidi dabe dolaibao, te augwaligo dage aiyaba elalugobeo.

Te Israel Tobolu Bidi Dabe 2:19

Tiali goli, te tobolu bidi isibode, te we bidi augwaligo te augwa poloba yali kolesagaba ma begasa peyu yali. Tama augwaligo dwai kolesagago te augwa wąį polasa pali bidi dabego yali kolesaga te aiyaba elaluali. Augwaligo te gasa tibo god wali peyu, tama teba lotu wali. Augwaligo te bomo mu eyu, te augwa ebo dwai kolesaga wali mu pali. Augwa dwai sę tagalabo homu ebeo, tede hagela homu naga yali.

Ma Dobola Sali 32:14

Tama Mosesgo te tiwai gedu haluasa po obaso, tama Genuai Bidi aga homu ma hasegelama, tama aga te we bidi dolainu yali nai te aga we bidiba me tagala palobeo.

Te Israel Tobolu Bidi Dabe 3:9

Tama te Israel dabe augwaligo Genuai Bidiba gela obaso, tama Genuai Bidigo te bidi me deli sa munama, te augwali te gavman tuni bidigo bomo dologode bidibo tagalumainu yali. Te bidi aga te Otniel aga te hwįbo madiba pelama, tama Genuai Bidigo te bidigo te Mesopotemia gavman tuni bidi aiyaba elalumainu ilali.

Te Israel Tobolu Bidi Dabe 6:12

Tama Genuai Bidigo Mobo Bidi ensel agaba pedelama, tama te po wai, “Nage te boi hwįabo bomai bidi dao, te Genuai Bidi nage dali bidibao!” Te po wai.

Te Israel Tobolu Bidi Dabe 6:16

Tama Genuai Bidigo agabolo te po wai, “Nago ebo usu yaibao, magi baso meni, te eno nage tau saibao. Te nago Midian dabe eliyu, te bidi deli elibo te tiwai yaibao.” Te po wai.

Te Israel Tobolu Bidi Dabe 11:32

Tialima, Jepta te wę nogelama, tama te Amon dabe dali hwįainu teba sabolali. Tama Genuai Bidigo aga tau selama, tama te Amon dabe aiyaba elaluai dao.