Te Israel Tobolu Bidi Dabe 2:14 - Godigo dwagi yai po buku

¹⁴ Tama Genuai Bidigo sębę eyu, tama dwai homu mu elama, tama agai te hwįbo boi bidi dabe me, te nai wi sabo bidi me te aselama, te Israel dabe dali hwįagasomainu ilali, tama augwaligo doado bage dabe me wi sagasomainu yali. Tama Genuai Bidigo te bidalubo boi bidi dabego te augwali aiyaba elalumainu ilali. Tama te Israel dabe augwali bomo elama, dolalu hwįaiyu ebo usu me isiąwai dao.

Te Israel Tobolu Bidi Dabe 2:14 Referans Kwoze

Te Israel me Juda Hani Sigo Tuni Bidigo Po Elalubo Buku Si 17:20

Tama tibaso, Genuai Bidigo te Israel hani we bidi dabe augwali agai tudiba mu sąyani. Tama agai sębę mu eyu, tama agai te boi bidi dabe tagala palama, tama te boi bidi dabego te Israel hani dali boi hwįnama, te Israel bidi dabe me badu ela muyu, ela pali. Tiali goli, te Israel hani bidi dabe augwaligo te dwai kolesaga ebo sę me tagalobe, tama tibaso te Genuai Bidigo hagela mu eyu, tama augwali aga dali me bidisiąmainogo eyu, te agai augwali augwa buludu digibulu mu sela sąnama, bidigi pao wali.

Bomai Po 32:30

Magi baso mu boi bidi dabe deli deligo te 1,000 Israel dabe dolama tagalaliwe? Tama ma, magi baso te boi bidi sigo te 10,000 Israel dabe aiyaba elalualiwe? Te po page da e tama dao. Te augwa Genuai Bidi Godigo augwali hagela polo yali. Augwa bomai Godigo augwali tudi ola mani.

Te Israel Tobolu Bidi Dabe 10:7

Tama tibaso, Genuai Bidigo te Israel dabe dali haliga sębę elama, tama agai te Filistia dabe me te Amon dabe aselama, te augwali dali boi hwįagaselama, te augwali aiyaba elalumainu ilali.

Te Israel Tobolu Bidi Dabe 4:2

Tama tibaso, Genuai Bidigo te Kenan gavman tuni bidi Jabingo te augwali aiyaba elalumainu ilali. Te tuni bidigo te Hasor hanu tonaluali. Tama aga sę tonalubo te polalubo bidi Sisera te aga ami bidi dabego ofisa bidi dao. Aga te bulu Hasoret Hagoim tede bidali.

Tuni Bidi Dabego Po Elalubo Buku Si 36:16

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.

Jeremaia 37:10

Te dagego Babilon dabe dali hwįnama, te augwaligo ami tigidali aiyaba elaluama, te dagego augwali ami bidi dabe hauwa ela mugi sogo da, teda tagalao, te hwįnama tigi dabe dolali ami dabe te augwa ugwa bede bidaluama, tialima, te bagego digi hogodama asiyu, te taun isigo ulubo usigi da,” te po wai dao.

Aisaia 50:1

Genuai Bidigo te Israel we bidi dabeba te tiwai po wali, “Taun Jerusalem te duga ida tiwai elalubao. Dagego homugo eno aga tudiba mubao homu eyu, te bidigo we sabo kolesaga bolama, te sai we mu sela sąbo tiwai homu eba, agawe? Te dagego tama homu ebaso da, teda te tama po wali pepa mena elalubawe, eno aga mu sela sąwaniwe? Tama me, te eno bidi me delide negeli sali me elalubeo. Te tama homu dagego magi baso ebawe, eno wai dabe eno dage te gasa bidi dabeba te olo sę ebo bidi tiwai ilama, tagala paliyu, eno te negeli sali dodolabo mone saliwe? Mu menio. Te dagego dwai sę hauwa ena haliga sębę ilibaso, eno te Jerusalem tudiba munama, tama eno dage te gasa bidi dabego nogoba muai dao.”

Godigo Nogi Ugwaba Sabo Tęąbi Po Wabo Buku Dabe 44:12

Nago te naga we bidi te gasa haniba tagala palama, tama nago augwalide dwasianu mone mu sai. Nago te augwalide gasa ugwadu daganobo profit mone me sabeo.

Tuni Bidi Dabego Po Elalubo Buku Si 15:5

Te polobadu Israel dabe augwali God dali digibulu mu bidali sogo da, teda haniani dwai dwai kolesaga dabe pedelama, tama te tigidali kantride we bidi dabe bidibo page dolai dao. Tialima te bidi dabe augwali augwa bulu tagalama, tama augwali gasa buluba me painu ebadi, te dwai bidi dabego augwali elama, augwali doliyu yai dao.

Te Israel Tobolu Bidi Dabe 1:34

Tiali goli, te Amor dabego bomo eyu, tama te Dango hani dabego augwali te odogo tǫde ela gudulubo usu meni yai. Tama tibaso te Dango hani dabe meba bulu duba holama bidali. Tama te Amor dabego te augwali te tǫ maluba dulumainu me ebeo.

Te Israel Tobolu Bidi Dabe 1:19

Genuai Bidigo te Juda dabe tau sobaso tama augwaligo bulu du elalubo tǫ dabe sali. Tiali goli, augwaligo te wę sanide bidalubo bidi dabe sela sąyabo te usu meni yai, magi basowe, te bidi dabe augwaligo te hwįbo nai dabe karis ain elaluali.

Bomai Po 28:58

“Te dagego Godigo tigidali po e bukude elalubo te po dabe sese bugagia wali pelama, tama dagego Genuai Bidi dago Godigo nogi bugagia ugwaba sela musiąwani da, te tama tiaibao.

Bomai Po 28:25

“Tama Genuai Bidigo te boi bidi dabego dage aiyaba elalumainogo yaibao. Dage augwali dali hwįainogo deli sunumidu paibao. Tiali goli, dage augwalide wi soayu, sunumi hauwadu wi soaibao. Tama te tigidali tǫde we bidigo dagede te sę dabe pedalobo sulama, tama augwali noma dwai mu saibao.

Bomai Po 28:20

“Te dagego Genuai Bidiba tudi ola menama, dwai sę dabe yali da, teda agai haniani dwai sę dage tigide pedalomainu yaibao. Tama agai dage dolomainu elama, tama dagego ebo sę tigidali geda muyu elama, te nai dabe dolaibao. Tama polo tama dage sese dola silaibao.

Israel Hanigo Namba 32:14

“Tama megi dage duga aya dede hasegelama, tama dage sęgę sai bidi dabe pedalobawe? Tama dagego Genuai Bidi sębę dwai mu emainu elama, tama agai da Israel dabe elemainu ebawe?

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Te Israel Tobolu Bidi Dabe 2:20

Tama tibaso, Genuai Bidigo te dwai sębę mu te Israel dabe dali eyu, tama wado yali, tama agai te po wali, “Te we bidi augwaligo te augwa wąį dabebolo wali pao wali te dau wali po bolali. Te augwaligo eno po wali me pisąbaso,

Te Israel Tobolu Bidi Dabe 3:12

Te Israel dabe augwaligo dwai sę Genuai Bidi dali ma yali. Tama tibaso, Genuai Bidigo te genuai bomo te Moap gavman tuni bidi Eklonbolo menama, tama agai te Israel dabe aiyaba elaluali.

Te Israel me Juda Hani Sigo Tuni Bidigo Po Elalubo Buku Si 13:3

Tama tialima, te Genuai Bidigo umabo sogo mu te Israel hani dali wado po weyu yali, tama teyu, agai king Hasaelgo augwali dali boi hwįmainu sula tagalali, te Siria king bidi, tama umabo sogo augwali asama, te Israel hani dali boi hwįagasali, tama te Israel hani augwali aiyaba elaluali. Tama nosali Benhadat, aga te Hasaelgo ogwa, tama te bidi aga Siria hanigo king bidi nigilama bidali, tama agai me te Israel hani dali naga boi hwįyu, tama aiyaba naga elaluali.

Nehemia 9:27

Tama tibaso, nago augwali gogolama sula tagaliyu, te boi bidi dabego augwaliba boi hwįagasomainu elama, tama augwali aiyaba elaluama, tama augwaliba dwai sę ilali. Tiali goli, nosali te bulali wąį nǫų dabego nageba hanalu, te augwali tau sao olama, i wali. Tama nage te dagalude bidiyu, tama augwaligo gela wabo nago odali, tama nago te olo tau sabo wiegi yai kolesaga augwaliba umabo mu elama, tama nago te bidi meba augwaliba tagala palama, te boi bidi dabe sela sąmainogo yai dao.”

Pris Sę Ebo Bomai Po 26:17

Te ena digi eno dageba boi bidi yaibao, tama eno te gasa bidi dabego dageba boi hwįagasomainogo elama, te dage aiyaba elalumainogo ilaibao. Tama te bidi dabego dage dali dwai homu mu eyu, augwaligo dage tonalubo sę yaibao. Te boi bidi dabego dage pobeasa asisąbadi goli tagalao, te duga digi odolali wi elama, te wi paibao,” wali.

Israel Hanigo Namba 32:13

Tama Genuai Bidigo te we bidi dali wado elama, te we bidi te nai meni yai bulude kibu be bidi sese si tede bidimainu yai dao. Te bidi dabe aga sębę ilali, te bidi dabe isila pomainu yai dao,” wali.

2 Samuel 24:1

Me sogo deli sogo ma Genuai Bidigo te Israel dabeba wado elama, tama agai te Devitba homu kolesaga menama, te Devitgo augwaliba te sęgę sesemainu yai. Genuai Bidigo Devitba te tama po wai, “Nage pelama, te Israel me Juda we bidi augwali nedegi pao,” wai.

Tuni Bidi Dabego Po Elalubo Buku Si 28:5

Te king Ahasgo dwai kolesaga hauwa mu yali, tama Juda we bidigo me augwa wąįgo God te Genuai Bidiba augwa tudi ola mani. Tama tibaso, Godigo Siria king aga ami dali augwaligo Ahasa aga ami dali hwįagaselama tama aga aiyaba elalumainu ilali. Tama Siria dabego Juda dabe hauwa mu oda selama, Damaskusba kalabus igi pali. Tama nosali Genuai Bidigo Israel dabego king tagala palali, te Peka dao, te Remaliago ogwa, te bidi aga ami bidi dabe dali aselama hwįagaselama, Ahas dali aga ami dabe dali aiyaba elaluali. Tama deli sogo bubugade Juda hani ami bidi te 120,000 bidi elama isilali.

Godigo Nogi Ugwaba Sabo Tęąbi Po Wabo Buku Dabe 44:11

Nago da te augwaligo ela muabo kibu sipsip tiwai pedalumainu ilali. Tama nago da te dena tǫde bidali sela sąbaso, tama da tedela pelama, te gasa hani bage tomoba bidigi pai dao.

Aisaia 42:24

Dego mu te sę yao po obaso, te boi bidi dabe aselama, te da Israel dabego nai dolama, wi sagasaliwe? Dego mu te da Jekopgo hani bage te augwaligo nogoba muaniwe? Te Genuai Bidigo naga dao. Magi baso meni, dago aga tudiba munama, te dwai sęgę sabo sę yai. Dago te agai wei homu ebo kolesagade dolo bilisąma, tama dago agai bomo yai po sela sąwai.