Te Israel Tobolu Bidi Dabe 2:10 - Godigo dwagi yai po buku

¹⁰ Te Josua aga deli hani me te augwali isila pali, tama gesi noma we bidi pedelai. Te gesi hani we bidigo te Genuai Bidi konesiąyu, tama agai te Israel dabede yali sę me te munu me konesiąyu gegeda pali.

Te Israel Tobolu Bidi Dabe 2:10 Referans Kwoze

1 Samuel 2:12

Hopni me Finias, te Eligo ogwa si, te bidi dwai si mu. Augwali si te pris bidai, tiali goli, augwali sigo te tiwai homu yai, Genuai Bidi te olo nai tobage tiwai da homu elama, tama augwali sigo subigila sę yali.

Ma Dobola Sali 5:2

Tiali goli te tuni bidigo te po wai, “Genuai Bidi Yawe de dawe? Magi baso eno agai po odolama, te dage Israel hani pomainogo yaibawe? Eno te Genuai Bidi Yawe konebeo, tama tiyu, eno dage pagameo te po wagobeo,” wali.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Aisaia 5:12

Te nai daa tuyu, wain wę tuyu, me haniani musik gitago eliyu, genagego eliyu, hąbidigo eliyu ebo, te dagego mu koneani. Tiali goli, Genuai Bidigo yainu ebo, te sę dabe dagego munu me konebeo. Dagego te sę dabe te olo nai dabe da homu ebo dao.

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

2 Samuel 7:12

“‘Te nage isibode te augwaligo nage pubalubo sogo, teda te eno nago ogwa me deli te king pedalumainu ilama, tama aga te bomai king pedelama, tama eno te magi nai me deligo aga aiyaba elalumainu me egobeo.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

Jeremaia 22:16

Te doado bage meni yai bidi, me te doado bage sǫą pali bidi dabe, te sogo augwali te po tųba pedalubaso, agai augwaligo po te doloba pai kolesagade dagalali. Tama te tigidali we bidi te bugagia dugulaluali. Ena Genuai Bidi, eno po dolo obao, te ena konea pali bidigo ebo kolesaga mu te tama dao.

Jeremaia 9:3

Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”

Jopgo Po Asęani Elalubo Buku 21:14

“Te dwai kolesaga ebo bidi dabe bidibadi, augwaligo Godibolo e tama wabo dao, ‘Nago da taga palama, naga pao,’ wabo dao. ‘Dago nago po odama, wali pogobeo,’ wabo.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

Israel Hanigo Namba 27:13

Nago bolo suao, tama nosali nage isaibao. Te naga ama Aron isali tiwai nage me isaibao.

Tigidali Nai Gagalama Nigali Side 49:33

Jekopgo aga ogomani dali po mia silama, te aga sągą te bet sai dologo tomoba bulama, tama aga isali. Aga te aga hani bage bidalubo madi, te isali bidi dabego buluba tama pai.

Tigidali Nai Gagalama Nigali Side 25:8

Aga te monu dabe mu elama isibaso, tama augwaligo aga pubulali. Tama aga te aga polobadu isali wąį dabe augwali dali ma sisinanio, tama wabo.

Tigidali Nai Gagalama Nigali Side 15:15

Tiali goli, te sę esiąbadi, te nage digi te nage homu nagame bugagia elama, bidiyu elama, te nage monu dabe mu elama, te nage isibaso, tama augwaligo nage pubulaibao.

Tigidali Nai Gagalama Nigali Side 25:17

Ismael te kibu be hauwa 137 kibu be bidama isibaso, tama augwaligo aga pubulali. Tama aga te aga polobadu isali wąį nǫų dabe dali deliba sisinama, bidigi pai dao, tama wabo.

Ma Dobola Sali 1:6

Tama nosali Josep aga ama dede aga hani tigidali augwali te sogo te Isip bulude bidibadi, augwali tigidali isai.

Ma Dobola Sali 1:8

Tama nosali gesi tuni bidi me deli pedelama, agai te Isip bidi hani tonaluai. Tama te gesi tuni bidi agai te Josepgo nogi konesiąwai.

Josua 24:31

Te Josua bidibadi, te sogo da, te Israel dabego te Genuai Bidiba lotu po uduai. Tama nosali te Josua isai madi me te augwaligo Genuai Bidiba lotu po udali. Augwaligo tama tidubadi, te Genuai Bidigo te Israel dabe tau siyu ebo sę suali te genuai bidi dabe augwali me isali.

Jeremaia 9:2

Te olo masigi kemi tǫde te eno bulu tolu yabe be me deli elalugi da, te wiegi yai igi da. Teda ena te hani bidi digibulu taga pelama, ena te beba bidigi pabo usu igi dao. Magi baso meni, tigidaligo God tagalali, te bidigo aga we tagalama, te gasa penani we dabe wali bilibo tiwai ebao. Tama augwali te nai wi sabo genuai tiwai dao.

Jeremaia 9:5

Tigidali bidigo te augwa abagi dabe tibo po ola mayu ebao, te mena bidi me deligo te mu po me wabeo. Te augwa tibo po wabo te konea selama, te augwa homu me begelisiąma, te augwa haniani dwai kolesaga ebo me tagalogobeo.

Dwagi Yai Gesi Po Lukgo Asęani 20:32

Nosali te we me isalio.