Te Israel Tobolu Bidi Dabe 19:8 - Godigo dwagi yai po buku

⁸ Te a naga sogo wabode te bidi te kigamu digi mu hogodama painu yali. Tiali goli, te we aga ayago te po wai, “Ae, te nage nai bolo tuyu bidi bolo yao,” wali. “Te giliga dwasianu kekeyu kedau ebo sogo da, teda naga pagameo,” wali. Tama tibaso, te bidi si dali nai ma tuali.

Te Israel Tobolu Bidi Dabe 19:8 Referans Kwoze

Te Israel Tobolu Bidi Dabe 19:5

Tama te ene nanobo sogo me si me si tede te augwali si te kigamu mu hogodama, te augwa si painu doado bage sisi yali. Tiali goli, te we aga ayago te Livai bidiba weyu, te po wali, “Te nage nai tulama, haliga dąų waliyu bolo yao,” wai. “Nosali te naga pagameo,” wali.

Te Israel Tobolu Bidi Dabe 19:7

Te bidi hogodama painu yali, tiali goli te wego ayago te aga bidimainu bomo mu yali. Tama tibaso, aga te deli sogo hulide aga dali bidai.

Te Israel Tobolu Bidi Dabe 19:9

Tama te bidi aga we dali, te aga sę ebo bidi te augwali painogo sisi ebaso, te we aga ayago te po wali, “Suao, te giliga dega sigulainu ebao, tama dwasianu sogo tama be hulia sainu yali. Te wiegi yai mu tama te dage te sogo hulide bidiyu, te wiegi yai homu pemene yao. Do da, te kigamu mu, te duga hogodama, te duga buluba ma piagameo,” wali.

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.