Te Israel Tobolu Bidi Dabe 19:5 - Godigo dwagi yai po buku

⁵ Tama te ene nanobo sogo me si me si tede te augwali si te kigamu mu hogodama, te augwa si painu doado bage sisi yali. Tiali goli, te we aga ayago te Livai bidiba weyu, te po wali, “Te nage nai tulama, haliga dąų waliyu bolo yao,” wai. “Nosali te naga pagameo,” wali.

Te Israel Tobolu Bidi Dabe 19:5 Referans Kwoze

Te Israel Tobolu Bidi Dabe 19:8

Te a naga sogo wabode te bidi te kigamu digi mu hogodama painu yali. Tiali goli, te we aga ayago te po wai, “Ae, te nage nai bolo tuyu bidi bolo yao,” wali. “Te giliga dwasianu kekeyu kedau ebo sogo da, teda naga pagameo,” wali. Tama tibaso, te bidi si dali nai ma tuali.

Tigidali Nai Gagalama Nigali Side 18:5

Te eno dage bomo ilabo nai meba sela menama, tama nosali duga ma piagameo. Dage eno beba aselama, tama eno dage tau saio,” wali. Tama augwaligo te po wali, “Te wiegi yai dao, nago tama tiwai te po wabo gilama yao.”

Godigo Sęba Tagala Palai Bidigo Po 9:19

Tama nosali Sol agai nai tulama, aga bomo ma sali. Sol agai te Jisas wali pabo we bidi dali agai sela sogo bidali, te Damaskus be nanide.

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Te Israel me Juda Hani Sigo Tuni Bidigo Po Elalubo Buku Deli 13:7

Nosali king bidigo profet bidibolo e tama po wali, “Eno homugo nage te eno beba pelama, tama nage ena dali nai tugi paibao. Tama nage eno te wiegi yai nai me deli olo mawaibao,” te po wai.

1 Samuel 30:12

tama te ni fik du wai dwasianu me deli duani te augwa olali te me selama, tama te wain du wai duani si me augwa te wai ilali, te tama nai meba mawai. Aga te nai me wę tusiąbadi, te sela sogo mu nai sili bidai, tama aga te nai sigo mu selama, tama bomo meni yai. Tama tialima, aga te nai tula silibo si da, aga te bomo ma salio.

Te Israel Tobolu Bidi Dabe 19:4

Tialima te we aga ayago bomo eyu, te bidi aga dali bidao wali. Tama tibaso, aga sela sogo bidai, tama augwali nai tuyu, me wę tuyu yalio.