Te Israel Tobolu Bidi Dabe 19:26 - Godigo dwagi yai po buku

²⁶ Tama te we asama, tama te monu dabe bidigo be sunumiba degagasali. Te aga bidi te bede bidai. Tama we te sunumide pila mudubadi te giliga pedelali.

Te Israel Tobolu Bidi Dabe 19:26 Referans Kwoze

1 Pita 3:6

Te polobadu mu bidai we nogi Sara agai tama tiyu, tama aga bidi Abraham dali te nage da eno genuai bidi dao weyu, agai wali po bugagia wali pai dao. Tama dage me, dage Sara tiwai dwagi yai sę eyu da, tama te homu wi ilabo naide wi esiąyu da, teda dage me te Sara aga wegi hani mu dao.

Te Israel Tobolu Bidi Dabe 19:27

Tialima, te kigamu te aga bidi hogodama, tama sunumi dalama, tama painu yai. Te agai sunumi dabadi, te sogo te aga we tede pila mubo suai, aga nogo si te sunumiba muainu yali, tiali goli usu meni yai.

Te Israel Tobolu Bidi Dabe 19:3

Tama nosali aga bidi hogodama, tama aga wali pelama, te aga dali po dodoligi pelama, te aga ma odasa asainu pali. Agai te aga sę ebo bidi me deli selama, te donki si me aga dali pali. Nosali te wego te bidi sulama, te aga selama, te aga ayago beba pali. Tama we aga ayago te bidi sulama, tama wiegi yai homu pemene mu yai.

Tigidali Nai Gagalama Nigali Side 18:12

Tama aga homude digi te homu elama, gisugu weyu, tama po wali, ‘Ena da, mosi dabe yalima, tama eno da, wai ame nabo usugobeo. Tama eno bidi me monu dabe yalio. Magi ilama, te eno te wai ame neyu, tama tede wiegi yai homu pemene yaibawe?’ Te homude po wai.

Te Israel Tobolu Bidi Dabe 19:25

Tiali goli, te bidi dabego agai po me odisiąwai. Tama tibaso, te Livai bidigo te aga we selama, tama augwaliba mani. Tama augwaligo aga selama, tama aga tąnama, te agaba haniani dwai kolesaga idubadi te be mu posa palio. Tama nosali augwaligo aga tede bididubadi taga pali.