Te Israel Tobolu Bidi Dabe 19:23 - Godigo dwagi yai po buku

²³ Tiali goli, te monu dabe bidi buluba teda solama, tama augwalibolo walali, “Menio. Te eno ama dedeo, dagego te tiwai kolesaga me elamuo. Te e bidi eno beba asobaso, te eno aga tonalubao. Dagego te dwai kolesaga me elalumu dao.

Te Israel Tobolu Bidi Dabe 19:23 Referans Kwoze

2 Samuel 13:12

Tiali goli, Tamargo hagela homu ebaso, tama aga po bomo eyu, te tama po wali, “Menio, nago ena te tobage dwai kolesaga yaboba me kekegio,” wali. “Da Israelgo te tobage kolesaga me ebo menio.

Te Israel Tobolu Bidi Dabe 20:6

Tialima, eno aga tigi selasa aselama, tama eno te tigi pedai todogo pelama, tama eno te Israel tǫ pedai tigidaliba todolo pela silali. Magi baso meni, te bidi dabego te Israel tomode te dwai hale ilibo kolesaga yalio.

Tigidali Nai Gagalama Nigali Side 34:7

Augwali te po midubadi, tama aga ogomani te sęba pali, ma beba asali. Magi baso meni, augwaligo odali, te Sekemgo augwaligo abe penani yali po, tama augwali homu dene eyu, sębę mu elama, tama wado po wai. Te sę te Sekemgo te Jekopgo wegi wi sali, te hale ilibo kolesaga mu te Israel dabego gedude yai. Te Israel dabe augwaligo homude, te tobage kolesaga ebo te habu mu sai elaluai.

Josua 7:15

Tama mena bidigo eno te habu selali nai dabe saibaso da, teda dagego te bidi dali, te aga we wai puluba dabe dali, augwali te isimainu siaba ulama, tama aga tigidali doado bage dali ulaibao. Te bidigo te dwai sę genuai yaligo, tama te Israel dabe augwali hale dwai mu ilai. Tama agai te we bidigo ena dali dąų wali po togolama, bolalio,’ te po augwalibolo pusao,” Genuai Bidigo te po Josuabolo wai.

Bomai Po 22:21

teda te we te tobolu bidi dabego te we aga ayago be sunumi bulu badu odasa pelama, tama aga te hanu page bidi dabe augwa digi te masigi sąnama, tama isibode tagalao. Agai te dwai hale yai sę te dago we bidi tomode te yali dao. Magi baso meni. Aga te aga bidigo sisąbadi, aga ayago bede bidiyu, te bidi me deli dali te penani yali dao. Tama tialima, dagego aga ela mubaso, te dwai kolesaga sela sąnama, silaibao,” Mosesgo te po wali.

Tigidali Nai Gagalama Nigali Side 19:8

Eno wegi si bidibao, tama augwali si te bidi dali me pisąbadi dao. Eno augwali si dageba odasa buluba asaibao, tama duga magi homu ebo te augwali side siliagameo. Tiali goli, te bidi si da, te eno abagi si, tama augwali si eno bede bididubadi, tama eno augwali si bugagia te ena tonaluaibao. Tama tibaso, dagego dwai sę augwali side me igimio,” wali.