Te Israel Tobolu Bidi Dabe 19:2 - Godigo dwagi yai po buku

² Tiali goli, te we te aga bidi dali bugagia bidisiąyu, penani ebo kolesaga yai. Tama te we te aga ayago bulu te Betlehemba wi ma pali. Tama aga ayago bede bidibadi, te polua me si me si bidai.

Te Israel Tobolu Bidi Dabe 19:2 Referans Kwoze

Esekiel 16:28

“Te bidi dabe nage dali piagasali, te augwaligo nago godolo ebo homuba usu nusiąbaso, tama nago penani sę ebo kolesaga te Asiria bidi dabe dali yali. Tialima, augwaligo me nago godolo ebo homuba me usu nubeo homu yali.

Bomai Po 22:21

teda te we te tobolu bidi dabego te we aga ayago be sunumi bulu badu odasa pelama, tama aga te hanu page bidi dabe augwa digi te masigi sąnama, tama isibode tagalao. Agai te dwai hale yai sę te dago we bidi tomode te yali dao. Magi baso meni. Aga te aga bidigo sisąbadi, aga ayago bede bidiyu, te bidi me deli dali te penani yali dao. Tama tialima, dagego aga ela mubaso, te dwai kolesaga sela sąnama, silaibao,” Mosesgo te po wali.

Pris Sę Ebo Bomai Po 21:9

“Te dage prisgo wegi me deligo te penani ebo we pedelama, te meda yai kolesaga wali pabo si da, agai aga aya hale mu ilibao. Tibaso, te we bidi dabego aga ela munama, tama aga tigi isiba ulao,” wali.

Te Israel Tobolu Bidi Dabe 17:7

Te sogo te Livai hanigo te gesi ogwa bidi me deli elaluali, aga te Betlehem te Juda tǫde bidali.

Te Israel Tobolu Bidi Dabe 19:1

Te sogo te Israel dabego king bidi meni yai, te we sai Livai bidi me deli te Efraimgo bulu bagede bidai. Tama agai gasa we me deli te Betlehem bulu te Juda tǫde sai, te aga dali bidainu sali.

Te Israel Tobolu Bidi Dabe 19:3

Tama nosali aga bidi hogodama, tama aga wali pelama, te aga dali po dodoligi pelama, te aga ma odasa asainu pali. Agai te aga sę ebo bidi me deli selama, te donki si me aga dali pali. Nosali te wego te bidi sulama, te aga selama, te aga ayago beba pali. Tama we aga ayago te bidi sulama, tama wiegi yai homu pemene mu yai.