Te Israel Tobolu Bidi Dabe 19:16 - Godigo dwagi yai po buku

¹⁶ Augwali tede duadalaludubadi, tama monu dabe bidi me deli asali. Te aga gide sę yali silama, tama aga ma asali. Te bidi te Efraimgo te bage bulude bidai bidi, tiali goli aga aselama, te Gibea buluba bidagasali. Tama te Gibeade te Benjamingo hani bage bidaluai.

Te Israel Tobolu Bidi Dabe 19:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 104:23

Tama bidi dabe hodaluama, augwali sęba pabo dao, tama augwali sę idubadi, giliga iba dega sigi pabo dao.

Te Israel Tobolu Bidi Dabe 19:1

Te sogo te Israel dabego king bidi meni yai, te we sai Livai bidi me deli te Efraimgo bulu bagede bidai. Tama agai gasa we me deli te Betlehem bulu te Juda tǫde sai, te aga dali bidainu sali.

2 Tesalonaika 3:10

Polobadu da dage dali bidibadi, tama dago e bomo yai po dagebolo maiyu tama wai, niwai bidi sę ebo hagelabo homu eyu sę isiąwani te bidibolo tubo nai magio.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

Kolesaga Koneai Bidigo Pusali Po Elalubo Buku 5:12

Te sę bidi dabe augwa bugagia hulide godege pibo dao, te augwaligo nai hauwa elaluali, ma te augwa nai sǫą paibaso me tagalao. Tialima, mone bidi da, te tiwai me egobeo. Agai aga te nai doado bage homu hauwa dogia pelama, tibaso aga godege bugagia me pigobeo.

Kolesaga Koneai Bidigo Pusali Po Elalubo Buku 1:13

Eno te e tǫde pedelali nai tigidalide homu kolesaga koneabo homu mu yali, tama eno te page hania mu bugagia dagala sigi da homu kone palali. Tiali goli, te sę Godigo dabolo mani te genuai sęgę mu elalubo dao.

Bugagia Bidibo Kolesagade Po Asęai Buku 24:27

Hasia bolo nago te naga tǫ dodolama, tama te gi dabe bulao, tama nosali nago te be sę ebaso, te usu dao.

Bugagia Bidibo Kolesagade Po Asęai Buku 14:23

Te nago sę dene ebo sę eyu da, teda nago wiegi yai mone saibao. Tiali goli, te nage olo bididu, tama nago po naga udali da, te nage magi nai meni yai mu bidaibao.

Bugagia Bidibo Kolesagade Po Asęai Buku 13:11

Tama te bidigo sę me isiąma, tama te odolali te mone hauwa sobaso da, teda agai te mone polo tama sia saibao. Tiali goli, te sę ebo bidigo tama te dwasianu dwasianu mone sisini peyu da, teda agai mone te hauwa pedalubo sę eduaibao.

Godigo Nogi Ugwaba Sabo Tęąbi Po Wabo Buku Dabe 128:2

Tama te naga yali sęde te mone selama, te nago sǫą pali doado bage abelibaso, te usu yaibao. Tama nago ebo sę tigidali te wiegi yai pedelama, tama nage pemene yaibao.

Te Israel Tobolu Bidi Dabe 19:14

Tama tiyu, augwaligo te Jebus hanu edelama, tama augwali palio. Tama be mu hulia sigilubode te augwali te bulu Gibeaba sabolali, te Benjamingo tǫ pedai badu dao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Te Israel Tobolu Bidi Dabe 19:15

Augwaligo te genuai sunumi tagalama, tama augwali te hanu tomoba pelama, te piabo pesage gegegi pali. Tama augwali te bidi dabe sisinama po mibo pesageba duadalalugi pali. Tiali goli, te bidi me deligo augwali te aga beba me odasa pabeo.

Te Israel Tobolu Bidi Dabe 19:17

Te monu dabe bidigo te Livai bidi dali, te aga sę ebo bidi me, aga we dali, te bidi dabe po mibo pesagede dudulalubo suali. Tama agai augwaliba hanalu wali, “Dage menadu asaliwe? Tama dage menaba sobawe?”

Hosea 9:9

Dagego te dwai kolesaga sesemane sogo ebao, te duga wąį nǫų dabego polobadu te bulu Gibeade yali sę tiwai yai. Tama te Godigo dagego yali dwai sęgę te homu kone paliyu, te agai dageba dwai dene mu mawaibao.