Te Israel Tobolu Bidi Dabe 19:1 - Godigo dwagi yai po buku

¹ Te sogo te Israel dabego king bidi meni yai, te we sai Livai bidi me deli te Efraimgo bulu bagede bidai. Tama agai gasa we me deli te Betlehem bulu te Juda tǫde sai, te aga dali bidainu sali.

Te Israel Tobolu Bidi Dabe 19:1 Referans Kwoze

Te Israel Tobolu Bidi Dabe 18:1

Te sogo te Israelde te king bidi meni yani. Tama te Dango hani dabe meba te augwali bidabo tǫ me deli gegebo sę yali. Magi baso meni, te sogo augwali te Israel dabe tomode te augwa sabo tǫ tigidali me sisąwai. Te augwali olo naga bidaluai.

Te Israel Tobolu Bidi Dabe 17:8

Agai te aga bulu taga peyu, tama aga te gasaba bidigi painu homu yali. Tialima, aga pelama, tama te Maikago beba sabolali, te Efraimgo bulu du bage buluba pai.

Matyu 2:6

‘Te Betlehem hanu, te Juda tǫ tomode, te Juda bagego tuni bidi dabego gedude nago nogi te dwasianunu elalugobeo. Te mu menio. Te nagede genuai tuni bidi me deli pedelaibao, tama agai eno hani Israel tonaluabo bidi dao,’ te po asęani,” augwaligo te po Herotbolo wai.

Malakai 2:15

Godigo te dage bidi me we deliba selama bidimainu eyu, te homu kolesaga tigi deli mu pedalumainu ilali. Godigo te sę yali kolesaga page magi baso yaliwe? E tiwai yai. Te dago wai ame nenama, tama augwa te Godigo hani mu pedalumainu yalio. Tialima te dage bugagia dua dao, te dage we de bidi si deliba daganani sogo te dąų walali po te dagego me bolamu dao, wai.

Te Israel Tobolu Bidi Dabe 21:25

Tama te sogo te Israel dabe augwa king bidi meni yai. Tama tiyu, tigidali we bidi deli deligo te augwa homugo digi te mena mena sę ela peyu bidaluali.

Te Israel Tobolu Bidi Dabe 17:6

Te sogo te Israelde te polalubo bidi me deli te bidisiąwai. Tigidali bidigo te augwa homu naga wali pali.

Josua 24:33

Tama Eleasar, te Arongo ogwa, te isibaso, tama augwaligo aga te Gibeade pubulali. Te hanu augwaligo te aga ogwa Finiasbolo mani, tama te Efraimgo bulu du te badu elaluai dao.

Josua 24:30

Augwaligo aga te tǫ doba yali sogode agai sali tǫ Timnat Sera tede pubulali. Te bulu te not te bulu du Gas, te Efraimgo bulu du, te pedaide dao.

Daniel 5:3

Tialima, te sę ebo bidi dabego te kap dabe seselama, tama tigidali bidi me we dabe augwaligo te kapde wę tualio.

Esta 2:14

We te tuni bidigo beba pio mu pelama, tama bididubadi, kigamuba usu nagasai. Tama kigamu augwaligo aga selama, te gasa we dabe bidibo beba sela pelama, tama aga te tuni bidigo si wali we hani tonalubo bidi, Sasgasgo nogoba mugi paibao. Tama te we te king bidigo beba munu ma pogobeo. Te king bidigo aga godolo eyu, tama aga i obaso da, teda aga te kingba ma pomainao. Te gasa sunumi me elalubeo.

Tuni Bidi Dabego Po Elalubo Buku Si 11:21

Rehoboamgo we 18 tama sali, tama agai i badu namba tu we dabe sibi hani te 60 we bidali. Tama te we sibi hanigo ogwa dabe 28 ame niyu, me 60 wegi mane ame niyu yali. Rehoboamgo we hauwa mu sali goli, agai Maka godolo genuai mu yali.

Te Israel me Juda Hani Sigo Tuni Bidigo Po Elalubo Buku Deli 11:3

Solomongo we 700 elaluali, te augwali te gasa tǫ pedai kantri polalubo bidi dabego wegi da, tama agai te gasa si wali we hani me te 300 elaluai. Tama te we dabego agai homu bega selama, tama agai te Genuai Bidi tudiba muani.

2 Samuel 20:3

Augwali te Jerusalemba sabolama, tama Devit aga te king bidibo beba pelama, tama te si wali nogo si we hani, te aga kingo be tonalumainu taga pali we dabe sali. Tama agai augwali te gasa beba munama, tama augwali tonaluabo bidi meba nigilali. Tama agai te bidi hani mebago augwali tonalu, te augwali nai mayu yabo bidi dabe meba nigilali, tiali goli agai te polobadu yali tiwai gilama te aga augwali dali ma pagelama pigi pabeo. Tama sesemane sogo augwa te bede naga bidaludubadi, te augwa isibo sogoba usu nani. Te we dabe augwali wilawe we dabe bidalubo tiwai yai.

2 Samuel 19:5

Tialima, Joap te kingo beba pelama, tama agaba te tama po wai, “Odao. Megi nago te naga ami bidi tigidali te dwai hale mu ilibo sę yalio. Te sogode naga te bidi dabego nage tau salio. Tama nage dali, te nago we wai, me te nago si wali we hani dabe dali, te dage tigidali me dolobeo.

2 Samuel 16:22

Ahitofelgo te tama po wali, tialima augwa te kingo be ugwadu daiba te bidi meba tagala palama, tama augwa te ugwa be me deli sę yani. Tama tigidali we bidigo gedude Apsalom te ugwa be tomoba pai. Tama augwa te aga ayago si wali we dabe sibi hani odasa aselama, te Apsalomgo augwali deli deli dali pagela pimainu yai dao.

2 Samuel 5:13

Te Devit Hebronde bidali tagalama, te Jerusalemba aselama, bidagasali sogo, agai te we meba ma siyu, tama agai te we hani si meba ma sai. Tama aga te we dabego te ogomani me wegi mani meba te Jerusalemde bidu ame nani.

2 Samuel 3:7

Tialima, me sogode Isbosetgo te Apnerbolo te tiwai po kisilama wali, “Nago te eno aya Solgo we me deli dali pagela pialio. Te we aga te Rispa, te Aiago wegi da. Te nago magi baso yaliwe?”

Te Israel Tobolu Bidi Dabe 17:1

Bidi me deli te Efraimgo hani bidali bulu du bagede bidali, te bidi aga nogi Maika dao.

Tigidali Nai Gagalama Nigali Side 35:19

Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.

Tigidali Nai Gagalama Nigali Side 25:6

Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Tigidali Nai Gagalama Nigali Side 22:24

Te Nahor aga dali bidali gasa we me nogi da, te Reuma, agai ame nani ogwa te Teba, me Gaham, me Tahas, me Maka, te tama ame nai.

Te Israel Tobolu Bidi Dabe 17:7

Te sogo te Livai hanigo te gesi ogwa bidi me deli elaluali, aga te Betlehem te Juda tǫde bidali.

Te Israel Tobolu Bidi Dabe 19:2

Tiali goli, te we te aga bidi dali bugagia bidisiąyu, penani ebo kolesaga yai. Tama te we te aga ayago bulu te Betlehemba wi ma pali. Tama aga ayago bede bidibadi, te polua me si me si bidai.

Te Israel Tobolu Bidi Dabe 19:16

Augwali tede duadalaludubadi, tama monu dabe bidi me deli asali. Te aga gide sę yali silama, tama aga ma asali. Te bidi te Efraimgo te bage bulude bidai bidi, tiali goli aga aselama, te Gibea buluba bidagasali. Tama te Gibeade te Benjamingo hani bage bidaluai.

Te Israel Tobolu Bidi Dabe 3:27

Nosali aga te Israel dabego tǫba pedelama, tama agai Efraimgo bidali bulu duba sabolama, te bu wabo nai biugel bu olama, te Israel bidi i olama, te hwįagasao wai. Tama augwali nosali asobadi aga polasa peyu, tama augwali te bulu duba dabe aiyaba dulali.

Te Israel Tobolu Bidi Dabe 12:8

Jepta isibaso, tama Ipsan te Betlehem bulu bidi te Israel dabego polalubo tobolu bidi bidai.

Te Israel Tobolu Bidi Dabe 18:13

Tialima, augwaligo te bulu taga peyu, tama te bidi Maikago beba sabolali, te Efraimgo bulu bage bulude elaluai.

Te Israel me Juda Hani Sigo Tuni Bidigo Po Elalubo Buku Deli 4:8

Te polalubo kiap dabego nogi te e tama tiwai: Benhur, agai te Efraim hanigo te bage bulu hani pesage tonaluali.