Te Israel Tobolu Bidi Dabe 18:2 - Godigo dwagi yai po buku

² Tama tiyu, te Dan dabego te hanu si Sora me Estaol te kolesaga koneai bidi te nogo a naga bomai bidi tagala palu, te augwali te tigidali tǫ pedai susa biligi pomainu tagala palali. Tialima, augwali pelama, te Efraimgo bulu du bageba te Maikago beba sabolama, tama augwali aga dali bidali.

Te Israel Tobolu Bidi Dabe 18:2 Referans Kwoze

Te Israel Tobolu Bidi Dabe 13:25

Tama aga te Dango pesagede bididuali, te Sora me Estaol bulu si tomode bidai, tama Genuai Bidigo Mobogo aga sunumi ola mabo sę gagalali.

Josua 2:1

Te Israel dabe augwali te bulu Sitimde bidalubadi, tama Josuago te moni tǫ Kenanba sa pabo bidi si tagala palali, tama agai augwali sibolo te po wai, “Dage si pelama, te moni tǫ Jeriko genuai hanu me, te pąde elalubo tǫ me, bugagia suao.” Tialima, te bidi si te Jeriko hanu tǫba pelama, tama te penani we me deligo beba sabolali, te we aga nogi Rahap. Tama augwali si agai bede bidai.

Te Israel Tobolu Bidi Dabe 18:11

Tama tialima, te Dango hani bidi dabe te 600 ami bidi te hanu Sora me Estaol tagalama, tama augwali hwįgi painu sisi yai.

Te Israel Tobolu Bidi Dabe 18:8

Te a naga bidigo te bulu susa bilama, tama augwali te bulu Sora me Estaolba ma geasa pabo si, tama augwa deli hanigo augwaliba hanalu wali, “Dage pelama, te magi nai naga sualiwe?”

Israel Hanigo Namba 13:17

Te Moses agai augwali tagala palainu, agai augwalibolo e tiwai po walali, “Dage pelama, te distrik Negev ela pelama, ugwadu bulu du dabeba piąo.

Dwagi Yai Gesi Po Lukgo Asęani 14:31

Jisasgo e po me wali, aga wali pabo sęde, “Te gasa bulude bidibo boi hwįbo genuai tuni bidi dali agai enesigi bidi dabe dali, augwali hwį yagasobo si, teda ede bidibo hwįbo tuni bidi hwįgi paibao, aga enesigi bidi dabe hodobo paibao. Tiali goli, hasia aga homude te po mobo waibao, ‘Te asobo boi bidi aga hwįbo bidi hauwa mu 20,000 elalubao. Tama eno hwįbo bidi hauwa mu menio, 10,000 naga elalubao. Sabi si menio. Te bidi eno aiyaba elalugowe, elalugobewe, te eno konebe,’ waibao.

Bugagia Bidibo Kolesagade Po Asęai Buku 20:18

Te wiegi yai homu kolesaga bolo selama, te nago sę te bugagia dolasa paibao. Tama nago te boi bidi dabe dali hwįainu da, nago te homu kone bugagia paliyu bolo yao, te nago mena tama hwįabo te kone palao.

Te Israel Tobolu Bidi Dabe 19:18

Tama te Livai bidigo te po wali, “Da te Betlehem, te Juda buludu asali, tama da te eno bulu te Efraimgo bage bulu tomode elalubo buluba sobao. Tiali goli, te bidi me deligo da te aga beba me odasa pabeo.

Te Israel Tobolu Bidi Dabe 19:1

Te sogo te Israel dabego king bidi meni yai, te we sai Livai bidi me deli te Efraimgo bulu bagede bidai. Tama agai gasa we me deli te Betlehem bulu te Juda tǫde sai, te aga dali bidainu sali.

Te Israel Tobolu Bidi Dabe 16:31

Tama aga ama dede dabe me aga hani sibi tigidali dulama, tama aga tigi sagasali. Tama augwaligo aga te bulu si Sora me Estaol tomode pubulali, te aga aya Manoa muani gų pagede muai. Aga te Israel dabego polalubo bidi bidibadi te kibu be bidi sese deli bidai dao.

Te Israel Tobolu Bidi Dabe 13:2

Tama bidi me deli te Sora hanude bidali, te bidi nogi Manoa. Aga te Dango hani bidi. Te agai wego te wai me ame nesiąwai.

Josua 19:41

Te tǫ pedaigo te e tama hanu sali, Sora, Estaol, Irsemes,

Tigidali Nai Gagalama Nigali Side 42:9

Agai te na yali dabe te aga ama dede dabe dali na polobadu yali te ma homugo kone palama, tama agai te po wai, “Dage te daba sa asobo bidi dabe dao. Dagego te dago tǫ pedai te mena badu mu te hwįbo bomo meniwe naga sueinu gege bilibao,” wali.

Josua 15:33

Te dwasianu bulu du elalubo tǫde te giliga dega sigi pabo badude, e tama hanu dabe elaluali, te Estaol, Sora, Asna,

Te Israel Tobolu Bidi Dabe 17:1

Bidi me deli te Efraimgo hani bidali bulu du bagede bidali, te bidi aga nogi Maika dao.

Te Israel Tobolu Bidi Dabe 18:3

Augwali te Maikago beba sabolama, tama augwaligo te Livai gesi ogwa bidigo wabo po odama, tama augwaligo koneama, te Juda bidigo dogonide po odobo tiwai yali. Tialima, augwali doligi pelama, tama agabolo te tiwai po hanalu wali, “Nago e bulude magi sę ebawe? Dego nage eba sela asaliwe?”

Josua 2:2

Tama gasa bidi dabe augwaligo te Jeriko tuni bidibolo te tiwai po wai, “Dua dao! Te Israel bidi meba te e sogo hulide te tǫba sa asobo bidi asai dao.”

Te Israel Tobolu Bidi Dabe 18:13

Tialima, augwaligo te bulu taga peyu, tama te bidi Maikago beba sabolali, te Efraimgo bulu bage bulude elaluai.