Te Israel Tobolu Bidi Dabe 18:15 - Godigo dwagi yai po buku

¹⁵ Tialima, augwaligo te sunumi tagalama, tama te Maikago beba pelama, tama augwaligo te Livai gesi ogwa bidi bidibo suali. Augwaligo agabolo te siade da po weyu, te po wali, “Nage bugagia bidibawe?”

Te Israel Tobolu Bidi Dabe 18:15 Referans Kwoze

Tigidali Nai Gagalama Nigali Side 43:27

Josepgo augwaliba hanalu wali, “Dage bugagia bidibowe, ma meniwe?” Nosali agai augwaliba hanalu wali, “Magi yaliwe, te duga aya monu, polasa dagego te aga po enabolo wali, aga te bugagia bididubowe?”

Dwagi Yai Gesi Po Jongo Asęani 14:27

“Eno dage taga pabo sogo pąde dao. Tama dage wi idali weyu, tama eno dage homu nagame elama, dua bidimainogo eno dagebolo bomo mobao. Eno te dwagi yai homu nagame ebo kolesaga eno dagebolo mobao. Tǫde we bidigo nagame yai mabo homu kolesaga tiwai eno dagebolo mabeo. Dagego homu kolesaga polo midigi siyu, tama dage wi egio.

Te Israel me Juda Hani Sigo Tuni Bidigo Po Elalubo Buku Si 4:26

“Nage aga pageba udalama, sugi pao, aga dali te aga bidi me aga wai me bugagia bidibowe, ma meniwe?” Awe, Gehasigo te webolo hanalugi pali, tama te wego e tiwai po wei ponani, “Da bugagia bidibao,” wali.

1 Samuel 17:22

Devitgo te nai dabe te walu tonalubo ofisa bidi dabeba menama, tama aga te ami dabe bidibo madiba udulama, tama aga ama dede dali po miani.

Tigidali Nai Gagalama Nigali Side 37:14

Tama ayago te po wali, “Nage te naga ama dede bidiboba pelama, tama augwali sugi pao, te augwali bugagia bidibowe, ma meniwe? Tama nago te sipsip dabe me suyu, te augwali usu elalubowe, ma meniwe? Te augwali sulama, teda nage ma ena bidibo madi asiyu, tama enabolo wagameo,” wali. Te aga aya Jekop te Hebron hanu odogo tǫde bidiyu, tama te Josep tagala palali. Josep digibulu pelama, tama te Sekem tǫba sabolama,

Te Israel Tobolu Bidi Dabe 18:14

Tama te a naga bidi te Lais dabego hanu tǫba sa pelama suali bidi dabego te augwa deli hanibolo te tiwai po wali, “Te badu te be me delide te tibo god me deli augwaligo te nigo nigilama, tama augwaligo te silvago haluama elaluali. Dagego te koneaniwe, ma meniwe? Tama te tibo god meba u mabo elalu, te pris dabego holobo ugwa me elalubao. Megi da te dago magi yaibawe?” te a naga bidi dabego te po wai.

Te Israel Tobolu Bidi Dabe 18:16

Tama te Dango ami bidi te 600 bidi te hanu bagulali obo te pabo sunumi dolalu, te augwaligo hwįabo sisi elalu bidali.

1 Samuel 17:18

“Tama te nogo si sis me sela pelama, tama te ami hani dabe augwa polalubo ofisa bidi magi pao. Tama nago naga ama dede dabeba hanalu, te augwali bugagia bidibawe, ma meniwe, te po hanalu wao. Tama nago nai me deli selasa ma asobaso da, teda eno koneama, te nago augwali suali da waibao.