Te Israel Tobolu Bidi Dabe 18:14 - Godigo dwagi yai po buku

¹⁴ Tama te a naga bidi te Lais dabego hanu tǫba sa pelama suali bidi dabego te augwa deli hanibolo te tiwai po wali, “Te badu te be me delide te tibo god me deli augwaligo te nigo nigilama, tama augwaligo te silvago haluama elaluali. Dagego te koneaniwe, ma meniwe? Tama te tibo god meba u mabo elalu, te pris dabego holobo ugwa me elalubao. Megi da te dago magi yaibawe?” te a naga bidi dabego te po wai.

Te Israel Tobolu Bidi Dabe 18:14 Referans Kwoze

Te Israel Tobolu Bidi Dabe 17:5

Te bidi Maika, agai dwasianu lotu be elaluali. Tama agai te pris bidi gudubo ugwa me te tibo god te lotu beba muani. Tialima, augwaligo teba lotu weyu, te aga ogwa digi me deli te pris bidi pedalumainu ilali.

Bugagia Bidibo Kolesagade Po Asęai Buku 19:27

Ogwao, te nago wiegi yai homu kolesaga te skul weyu sabo homu ma isiąyu da, teda nago te sunumide geda muyu, te homu kolesaga elalusiąbo bidigo homu tiwai te wali paibao.

1 Samuel 14:28

Tama bidi me deligo Jonatanbolo te po wai, “Da tigidali nasi eyu, bomo meni ebo, magi baso meni, te nago ayago da te nai tugio olama, habu seliyu, tama dabolo po bomonama te tiwai po wai, te bidi me deligo e boi hwįbo sogo bubugade te nai me tubaso da, teda Godigo aga dolaibao po wai dao,” wali.

Te Israel Tobolu Bidi Dabe 8:27

Tialima, Gideongo te tibo god me deli te golgo nigilama, tama agai te aga hanu Ofra teba muani. Tama tigidali Israel dabego te God tagalama, tama augwali te hanu Ofraba pelama, te nigali tibo godiba lotu wagi pali. Te tibo god te Gideongo nigali, te naigo te Gideon dali, te aga hani sibi we wai dabe dali, te mu kone tua pali.

Te Israel Tobolu Bidi Dabe 18:13

Tialima, augwaligo te bulu taga peyu, tama te bidi Maikago beba sabolali, te Efraimgo bulu bage bulude elaluai.

Te Israel Tobolu Bidi Dabe 18:15

Tialima, augwaligo te sunumi tagalama, tama te Maikago beba pelama, tama augwaligo te Livai gesi ogwa bidi bidibo suali. Augwaligo agabolo te siade da po weyu, te po wali, “Nage bugagia bidibawe?”

1 Samuel 19:13

Devit pai madi, teda Mikalgo te agai tibo god me deli augwaligo te nigo nigai selama, tama te god te Devitgo betba pilali. Tama agai te dwasianu tobolo ni pilo me deli augwa te meme nisigo nigai te selama, tama te tibo godigo tobolu dologo badu muani. Tama nosali agai te tibo god te bobage ugwa pedai me deligo halualio.

Hosea 3:4

Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Jopgo Po Asęani Elalubo Buku 3:2

Agai te po wali,