Te Israel Tobolu Bidi Dabe 17:5 - Godigo dwagi yai po buku

⁵ Te bidi Maika, agai dwasianu lotu be elaluali. Tama agai te pris bidi gudubo ugwa me te tibo god te lotu beba muani. Tialima, augwaligo teba lotu weyu, te aga ogwa digi me deli te pris bidi pedalumainu ilali.

Te Israel Tobolu Bidi Dabe 17:5 Referans Kwoze

Te Israel Tobolu Bidi Dabe 18:14

Tama te a naga bidi te Lais dabego hanu tǫba sa pelama suali bidi dabego te augwa deli hanibolo te tiwai po wali, “Te badu te be me delide te tibo god me deli augwaligo te nigo nigilama, tama augwaligo te silvago haluama elaluali. Dagego te koneaniwe, ma meniwe? Tama te tibo god meba u mabo elalu, te pris dabego holobo ugwa me elalubao. Megi da te dago magi yaibawe?” te a naga bidi dabego te po wai.

Te Israel Tobolu Bidi Dabe 8:27

Tialima, Gideongo te tibo god me deli te golgo nigilama, tama agai te aga hanu Ofra teba muani. Tama tigidali Israel dabego te God tagalama, tama augwali te hanu Ofraba pelama, te nigali tibo godiba lotu wagi pali. Te tibo god te Gideongo nigali, te naigo te Gideon dali, te aga hani sibi we wai dabe dali, te mu kone tua pali.

Tigidali Nai Gagalama Nigali Side 31:19

Te augwali pisiąbadi, tama Laban te sipsip dabe nisi togogi peyu, digibulu gana pai digi, tama Reselgo te aga ayago be tonalubo tibo god te bede wi salio.

Te Israel Tobolu Bidi Dabe 18:24

Tialima agai te po wai, “Dagego eno pris bidi me te eno nigali tibo god dabe selama, te dage wi soalio. Te eno doado bage deli te me munalubeo. Magi baso te dagego enabolo ‘Magi sę yaliwe?’ po hanalu obawe?”

Tigidali Nai Gagalama Nigali Side 31:30

Eno koneani, nage te naga page buluba ma pabo homu godolo mu ebaso, tama nago ena taga pali. Tiali goli, magi baso nago eno be tonalubo god dabe wi selasa soaliwe?” wali.

Hosea 3:4

Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Ma Dobola Sali 29:9

tama augwali tabide te kukulu bagulama, tama augwali tobolude ugwa dage dabe kęnao. Nago tama tiwai sę te Aron aga ogomani dali augwali te pris dabe nigiliyu, tama tiao. Tama te bidi dabe augwali dali, te augwa wąį ogomani nosali pedalubo bage, augwali hanigo naga te pris sę sesemane sogo ela paibao,” wali.

Ma Dobola Sali 28:15

“Dagego te het prisgo hagawiade muabo dwasianu ugwa me deli nigao. Te nai da, te Godigo homu kolesaga koneainogo tiaibao. Tama dagego te tiwai nai naga augwaligo te het prisgo dwasianu ugwa dagede au ilali tiwai selama, nigao.

Hibru 5:4

Te genuai pris tobolu bidigo ebo sę te genuai nogi elaluaibao. Tama bidi me deli aga homugo aga digi te sę me sogobeo. Menio. Godigo naga hasia agabolo i olama, tama agai te sę yaibao, te polobadu agai te bidi Aron te genuai pris tobolu bidi sęba i wali tiwai gilama ebo dao.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Esra 1:7

Tama te king Sairusgo te Godigo tempel bede mubo genuai pou dis dabe te Israel dabe augwaba ma manio. Polobadu king Nebukatnesargo te dis pou dabe te Godigo bede sali, te agai Israel dabe dali boi hwįnama, tama te Jerusalem aiyaba elaluali sogo te dis pou dabe sai dao. Tama selasa asama, tama agai te dis pou tigidali te aga god dabego be tomoba muai dao, polobadu.

Te Israel me Juda Hani Sigo Tuni Bidigo Po Elalubo Buku Deli 12:31

Tama te king Jeroboam agai te kolesaga me yali, te bulu du dabede te lotu po wabo pesage nidigi bilibo sę yali. Tama agai te me badu bidi dabe te pris bidi dabe dąį ilali. Tiali goli, te agai dąį ilali bidi dabe augwali te Livai bidi hani dabe menio, te olo bage tama dao.

1 Samuel 23:6

Te Devit te Keilaba pisiąbadi, tama Abiatar, te Ahimelekgo ogwa, te king Solde wi peyu, tama te Devitba asali sogo, Abiatargo te prisgo masigi si elalubo ugwa sesali, augwa te Godigo homu konea sabo nai, tama te sela asai. Tama augwali te Keilaba pabo sogo, teda Abiatargo te ugwa pedai augwa dali peyu sela pai dao.

Ma Dobola Sali 28:4

Tama augwalibolo olama, te Arongo hagawiade muabo dwasianu ugwa dage deli au ilama, hobolao po wao. Tama augwaligo au yai ugwa me deli hobolobadi, me bobage ugwa deli badi, me te au ilai holobo ugwa, me tobolude bagulabo ugwa badi, me kukulu deli tama hobolao. Augwaligo te tedali gasagi yai ugwa dabe te Aron pris dali, te aga ogwa dabe, augwaligo me te ena tiwai pris sę emainogo yabo ugwa dabe nigao.

Ma Dobola Sali 24:5

Tama nosali agai gesi bidi meba tagala palama, tama augwaligo te ofa dabe te Genuai Bidibolo igi pomainogo tagala palai. Augwaligo te siago tigidali dabo ofa eyu, tama te bulmakau dabe elama, tama God dali deli homu elama bidabo ofa dabe yai.

Israel Hanigo Namba 3:10

Nago te Aron me aga ogwa dabe augwaligo naga te pris sę emainogo sa muao. Tiali te gasa bidi dabego me te pris sę yainogo ebaso da, teda dagego aga ela muiąo,” wali.

Te Israel Tobolu Bidi Dabe 17:4

Nosali Maikago te mone aga idabolo ma mawai. Tialima, Maikago idago te mone 200 silva selama, tama agai te silva sę ebo bidiba mawai. Tama agai te tibo god me deli te nigo nigilama, tama te tigidali silvago haluali. Tama te Maikago bede te tibo god muai elaluali.

Te Israel Tobolu Bidi Dabe 18:30

Tama te Dan dabego te nigo nigali tibo god dodolama, tama augwaligo teba lotu wai. Jonatan te Gersomgo ogwa, te Mosesgo wąį, agai te Dan dabego pris sę yali. Tama agade koliali wąį dabe me te pris sę ela pali, te augwali te gasaba kalabus igi pali sogoba usu nigi palio.

Aisaia 44:13

“Te nigo piksa noma nigibo koneai bidi dabego, augwa te wiegi yai ni dage selama, usu selama, te bugagia mu dodolama, te piksa nigainu ebo dao. Tialima, te pensilgo te piksa noma asęnama, te piksa togwabo bugagia usu nama usu sali. Nosali augwa te ni togobo nai sisel selama, te asęani dąįdu wali pelama, te piksa togoyu, sawi mu elama, te sawi gesi ogwa bidi me deli tonobo tiwai ebo dao. Tialima, augwa te nigo dulama nigali tibo god, te augwa lotu be tomoba muyu ebo dao.

Esekiel 21:21

Tama kingo aga te mena sunumidu pabo konesiąwai, tibaso agai te hanilibo sę ebo kolesaga yaibao. Hasia bolo agai te ene beledide elaluali ene dabe memenege ilaibao. Gasa enego te Raba taunba nogo tų eyu, te gasa ene mego te Jerusalem taunba nogo tų iliyu, te kingo deli naga sabo homu yaibao. Te aga tibo god dabeba me hanalu olama, tama nosali agai te elali kibu hasago homu hobolu duba bugagia tonaluama, te augwa ofa yainu elali hasa dao.

1 Samuel 19:13

Devit pai madi, teda Mikalgo te agai tibo god me deli augwaligo te nigo nigai selama, tama te god te Devitgo betba pilali. Tama agai te dwasianu tobolo ni pilo me deli augwa te meme nisigo nigai te selama, tama te tibo godigo tobolu dologo badu muani. Tama nosali agai te tibo god te bobage ugwa pedai me deligo halualio.

Te Israel me Juda Hani Sigo Tuni Bidigo Po Elalubo Buku Deli 12:32

Tama te king Jeroboamgo agai te namba 8 polua wabode, te 15 dei, te sogo te Israel dabego moni lotu po wabo bodolu deli dao olama, dąį ilali. Te genuai lotu po wabo sogo, te Juda hanigo lotu po wabo bodolu sogo deli gagawai tiwai tama da. Tama agai te hasa dabe elama, tama te denami yai ofa nai ulubo alta saide ulali, tama aga te golgo nigali kibu bulmakau noma siba te ofa eyu, tama tiwai. Tama agai te ofa nai ulali te Betel hanude tama tiwai. Tama agai te aga te sę tama tonalumainu, me te lotu po wabo pesage tonalumainu, tama agai te dąį ilali pris bidi dabebolo te e Betel bulu hanuba te dage eba sę yagasiąo olama, agai augwali asao olama, po ola tolali.

Esekiel 21:26

Ena God Genuai Bidi, eno te po obao, nage te king munu me bidilamuo. Tialima, nago te kingo madi me, te tobolude bagulali ugwa nami me, peda muao. Megi da, eno te tigidali nai hasegelebo sę ebao. Te olo bidali bidi dabe te genuai bidi pedalu, te genuai bidi bidali bidi da, te olo bidali bidi tiwai pedelaibao.