Te Israel Tobolu Bidi Dabe 17:10 - Godigo dwagi yai po buku

¹⁰ Tialima, Maikago agabolo te po wai, “Nage ede ena dali bidao. Te enabolo te homu kolesaga mabo bidi bididu tama nage eno pris me bidagameo,” wali. “Tama tigidali kibu bede te eno nagebolo te silva mone te nogo si mayu yaibao, tama te gudabo ugwa dabe me te tuabo nai dali mawaibao.”

Te Israel Tobolu Bidi Dabe 17:10 Referans Kwoze

1 Pita 5:2

Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

2 Timoti 6:10

Magi baso meni, te mone godolo homu ebo kolesaga te tigidali haniani dwai kolesaga page mu elalubao. Te bidi meba augwaligo te bomo elama te mone godolo ebaso, tama te kolesagago augwali kegelama tama augwaligo te Kraisde konealubo po tagalai digi, tama augwa yali dwai sę hauwago te augwali homude enani tama genuai dene mu tolali.

Dwagi Yai Gesi Po Jongo Asęani 12:6

Judas agai te nai meni yai we bidide homu dene elama, te po wabeo. Menio. Aga nai wi sabo bidi bidai dao. Tama agai te Jisas wali pabo bagego masigi mubo halobage tolalu, tama aga te halobagede mubo masigi deli deli sogo meba wi sai dao.

Matyu 26:15

“Dagego magi nai enabolo mobaso, tama eno dage nogoba te Jisas mawaibawe?” wali. Tialima augwaligo te mone ge 30 agabolo mawai. Te masigi dabe te wiegi yai kapa nogi silva tego nigai masigi dao.

Esekiel 13:19

“Dagego tibo po weyu, te we bidi augwaliba waliyu, dago te Godigo po pusubao po wali. Tiali goli, menio. Dagego eno nogi aiyaba elaluyu ebao. Dagego yesi bubo sę ebo kolesagade te we bidi meba ela muyu, te meba tau sobao. Te bidi meba eno homugo augwali isigobe da homu yali, te bidi dabe dagego ela mubao. Te eno homugo meba isimaina homu yali bidi dabe, te dagego augwali tau sobaso, te augwali bugagia bidali. Tama te we bidi augwaligo dagego te tama tebo kolesaga godolo ebao. Augwaligo dage te bret delagego abelebaso, me te dwasianu sasabi rais baligo abelebo si da, tama te kolesaga dagego yai dao,” wali.

Aisaia 22:21

Tama eno te nago te tuni bidigo ofisa bidigo gudubo wiegi yai ugwa me kibu wali selama, te Eliakim gudulaibao. Tama agai nago megi ebo sę saibao. Tama agai te Jerusalem we bidi, me te Juda we bidi, tigidali tonaluaibao. Tama aga augwaligo aya tiwai bidaibao.

Jopgo Po Asęani Elalubo Buku 29:16

Tama ena te nai meni yai bidi dabego aya tiwai bidama, tama eno augwali tau sai dao. Tama eno te gasa buludu asai bidi dabego po tau sai dao, te gasa bidi dabego po tų elama, augwali aiyaba elaluainu ebaso tau sai dao.

Te Israel me Juda Hani Sigo Tuni Bidigo Po Elalubo Buku Si 13:14

Te Jehoas aga king nigilama bidibo sogo, Elisa aga monu dabe bidiyu, tama aga gasi sali. Tama te pąde aga isabo ąǫ ebadi yaide, tama te king Jehoas aga pelama, sugi pali. Tama king Jehoasgo Elisa aga sulama, homu dene eyu, tama aga gela wali, tama agai agabolo e tama po wali, “Eno aya, eno aya, nage bomai bidi, nago da Israel tau sai bidi dao, nage da, te boma pai boi hwįbo hos kibu me, te karis nai me tiwai mu dao,” wali.

Te Israel me Juda Hani Sigo Tuni Bidigo Po Elalubo Buku Si 6:21

Te Israel king bidigo sualima, te Siria bidi dabe te taun tomode bidibo sulama, tama agai te Elisabolo e tama hanalu wali, “Genuai bidi, tialima eno augwali elama, isilagawe, a?”

1 Samuel 2:36

Tama nago hanide niwai bidi me deli bidali da, te pris pageba pelama, tama agabolo gonoyu, te dwasianu mone po me, nai po me hanalu waibao. Tama augwaligo te prisbolo te tiwai po waibao, ‘Te nago da meba te pris sę emainu eyu, te da nai meba somainu yaibawe?’ God Genuai Bidigo te po wai,” te profet bidigo Elibolo te po wali.

Te Israel Tobolu Bidi Dabe 17:11

Tama tibaso, te Livai gesi ogwa bidigo te po usu da olama, tama aga te Maika dali bidai. Tama aga te aga ogwa tiwai mu pedelali.

Tigidali Nai Gagalama Nigali Side 45:8

Tama dagego digi enade mone siyu, tama ena tagala palobaso, te ena e buluba soabeo. Menio! Godigo digi ena tagala palobaso, tama ena soali. Tama agai ena te Ferogo aya tiwai ilali. Eno agai bede me bulubadu hani tigidali tonalu, tama ena te Isip tigidali pedai badu tolalubo tobolu bidi bidibo dao,” Josepgo te po wai.

Te Israel Tobolu Bidi Dabe 17:9

Tama Maikago agabolo hanalu wai, “Nage menadu asaliwe?” Agai po wei ponoyu, te tama po wai, “Ena te Livai hani me deli te Betlehem te Juda bidi dao. Ena te bidainu ebo bulu me deli gege asai dao,” wali.

Te Israel Tobolu Bidi Dabe 18:4

Tama agai augwaliba te po wali, “Te Maikago enabolo usu da obaso, tama ena bidibao. Ena agai pris sę tiwai ebaso, tama agai ena abelibo dao,” wali.

Te Israel me Juda Hani Sigo Tuni Bidigo Po Elalubo Buku Si 2:12

Elisago te Elaija pabo sulama, tama te Elisago agai i weyu, e tiwai tama wai, “Eno aya, eno aya. Nage bomai bidi mu dao, te Israel bage tau sali bidi mu dao. Tama nage te hauwa hwįbo nai te kibu hos me te karis, nage te tiwai dao,” wali. Elaija te dagaluba polo paide te Elisa agai munu ma sube, tama tibaso, te Elisa aga haligade moni homu sęgę mu eyu, te aga te bobobage bulubo ugwa tomode si peda sąyani. Te page e tiwai, aga homu dene ebo page ola mani.