Te Israel Tobolu Bidi Dabe 16:9 - Godigo dwagi yai po buku

⁹ Tialima, agai te bidi mebabolo po walama, te augwali gasa be habu badu tonalua po wali. Tama agai i weyu, “Samson, dua dao! Te Filistia dabe megi da asobao!” Tiali goli, agai te kę yani bono keloa dabe toga sąyu, te ugwa hobolobo hobi te siago ulubo sogo te togobo tiwai yali. Tama augwaligo agai te bomo ebo po page te me konesiąwai dao.

Te Israel Tobolu Bidi Dabe 16:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 58:9

Te polo mu tama, Godigo augwali dolaibao, te bidigo dwasianu ni gelibo tiwai gilama yaibao. Augwali te bidibo ula elalubadi, tama Godigo augwalide haliga sębę mu elama, tama agai augwali te pobele bage sąbo tiwai gilama ebo dao.

Te Israel Tobolu Bidi Dabe 16:7

Tama Samsongo agabolo te tiwai po walali, “Te ena augwaligo te enesigi balibi dolobo bono keloa te a naga te me si te tamago te ena nogo dubaso da, teda te eno bomo sia saibao. Tama ena te tigidali gasa bidi tiwai naga yaibao,” wali.

Te Israel Tobolu Bidi Dabe 16:8

Tama me sogo nosali te Filistia dabe tobolu bidigo te gesi enesigi balibi dolobo bono keloa te a naga me si tama selama, tama augwaligo te we Delailabolo magasali. Tama agai Samson te bono keloa dabe nogo dunama elaluali.

Te Israel Tobolu Bidi Dabe 16:10

Tama Delailago Samsonbolo po wali, “Odao! Nago enabolo te tibo po wabo sę naga eyu, te ena pomonani. Tiali goli, megi nago enaba po dolo weyu, te bidi dabego nage mena tama tilama te bono kę yabo po waibawe?” wali.

Te Israel Tobolu Bidi Dabe 15:14

Augwali te Lehi hanuba sabalubo sogo, te Filistia dabego i weyu, udada asu, tama augwali tiąba asali. Tama Godigo Mobogo te Samsonba genuai bomo menama, tama te gesi baklaingo aga nogo duani, Samsongo te baklain te ugwa hobolobo hobi togobo tiwai te olo nai gagawai togali.