Te Israel Tobolu Bidi Dabe 16:7 - Godigo dwagi yai po buku

⁷ Tama Samsongo agabolo te tiwai po walali, “Te ena augwaligo te enesigi balibi dolobo bono keloa te a naga te me si te tamago te ena nogo dubaso da, teda te eno bomo sia saibao. Tama ena te tigidali gasa bidi tiwai naga yaibao,” wali.

Te Israel Tobolu Bidi Dabe 16:7 Referans Kwoze

Kolosi 3:9

Dagego duga hasi ama dabe tibo po wabo tagaliąo. Magi baso meni, polobadu dagego tigigo dwai sę yabo kolesaga dologode bidibo dagego tagalalio, tama te tobage dwai kolesaga ebo dagego tagalali.

Galesia 6:7

Te e pode dagego geda munamuo: bidi mego te Godigo po olo oda tagalama, tama nosali Godigo te bidibolo sęgę magobeo, te homu mu egimio. Tama bidi mego te tubo nai ge me tǫde buluyu da, teda te bulali naigo du te naga nosali saibao, te gasagi yai naigo du sogobeo.

Polgo Po Pas Rom Dabeba Asęani 3:8

Tama we bidi augwaligo te po tama weyu e po me wabo dao, “Ao, Godigo te dwagi yai kolesaga pedalumainogo te dago dwai sę inao. Te bidi Pol agai te tiwai po naga wabo dao,” augwaligo enade nogi posobo po weyu te po wabo dao. Nosali te bidi dabe augwalibolo te Godigo dwai dene wei ponoyu, te agai dolo mu naga wei ponaibao.

Bugagia Bidibo Kolesagade Po Asęai Buku 17:7

Te wiegi yai po wabo kolesaga te wiegi yai homu elalusiąbo bidigo homu kolesaga tiwai me elalugobeo. Tama mu tama, te tibo po wabo kolesaga te genuai bidigo kolesaga te tama me telalubeo.

Bugagia Bidibo Kolesagade Po Asęai Buku 12:19

Te ili po wabo po te pęwadage sogo mu elaluama, tama bidi dabego te po homugo gegeda palaibao. Tiali goli, te mu po da, te sesemane sogo mu elaluaibao.

1 Samuel 27:10

Tama Akisgo Devitba hanalu wali, “Megi da, nago mena badu hwįgi paliwe?” Tama Devitgo te Akisba tibo po ola mayu, agabolo te tiwai po weyu yali, “Eno te Juda dabeba hwįgi pai da,” weyu yali, ma “Eno te Kin dabeba hwįgi pali,” te po weyu yali. Te bidi dabe te Juda tǫ pedai te saut badu bidiba po wali.

1 Samuel 19:17

Augwaligo sula selama, tama Solba wagi pali. Tama nosali Solgo Mikalba te tama po hanalu wali, “Magi baso nago ena usu sabo sę yaliwe? Magi baso nago eno boi bidi wi pomainu ilaliwe?” Te po wai. Tialima, Mikalgo te tiwai po agaba wei ponani, “Devitgo enabolo weyu, te aga wi pomainu eno aga tau sisąbaso da, te agai ena ela muaibao po wali. Tama tibaso, eno aga tau sai dao,” te po wai.

Te Israel Tobolu Bidi Dabe 16:10

Tama Delailago Samsonbolo po wali, “Odao! Nago enabolo te tibo po wabo sę naga eyu, te ena pomonani. Tiali goli, megi nago enaba po dolo weyu, te bidi dabego nage mena tama tilama te bono kę yabo po waibawe?” wali.

Te Israel Tobolu Bidi Dabe 16:6

Tama tibaso, Delailago Samsonbolo te po walali, “Te magi baso nago te tiwai genuai bomo elalubowe? Te po enabolo walao. Tama bidi me deligo te nage nogo dunama, tama nage aiyaba elaluainu ebaso da, te agai mena tama tiwai sę yaibawe?” wali.

Te Israel Tobolu Bidi Dabe 16:8

Tama me sogo nosali te Filistia dabe tobolu bidigo te gesi enesigi balibi dolobo bono keloa te a naga me si tama selama, tama augwaligo te we Delailabolo magasali. Tama agai Samson te bono keloa dabe nogo dunama elaluali.

Te Israel Tobolu Bidi Dabe 16:9

Tialima, agai te bidi mebabolo po walama, te augwali gasa be habu badu tonalua po wali. Tama agai i weyu, “Samson, dua dao! Te Filistia dabe megi da asobao!” Tiali goli, agai te kę yani bono keloa dabe toga sąyu, te ugwa hobolobo hobi te siago ulubo sogo te togobo tiwai yali. Tama augwaligo agai te bomo ebo po page te me konesiąwai dao.