Te Israel Tobolu Bidi Dabe 16:4 - Godigo dwagi yai po buku4 Te sę elama nosali, Samsongo te odogo bulu Sorek we me deli godolo homu yai. Te wego nogi te Delaila dao. Gade chapit la |
Tama eno augwaliba te tiwai po wai, “Dagego te king Solomongo dwai kolesaga wali pali dao. Polobadu Godigo te king Solomon godolo elama, tama aga te tigidali Israel hanigo king pedalumainu ilali. Tama Solomongo te wiegi yai homu kolesaga koneama sali, tama te gasa bulu tǫ pedai king tigidaligo koneani homu kolesaga tigidali te agai aiyaba elaluali. Tiali goli, agai te bulu badu we dabe, te Israel hani isąwai we meba selama, tama augwaligo agai homu kolesaga hugiabi selama, tama agai te dwai sęgę yai dao.
Tiali goli, Samson te pibo sai betide pila mudu bididubadi, te be huli tomoba mu usu nani. Nosali aga hodaluama, tama te hanu buluba piduali, te sunumi nogogo tulama, tama agai te sunumi te dali, pos ni si me, te tigidali elaluali dąų wabo nai dabe tigidali gudali. Tama agai te sunumi doado bage dali te Hebron bulu pąde elaluali bulu duba ugwaba tolasa holalio.
Tama te a naga Filistia tobolu bidi te we Delailaba pelama, agabolo te po walali, “Nago aga homu bega sabo po olama, tama agai te elalubo bomo te menade sali po koneainu tiao, tama magi baso dago aga aiyaba elaluabo usu ebe. Tama tiyu, te dago aga nogo dunama, tama aga aiyaba elaluaibao. Te nago te tama tebaso da, teda da deli deligo te mone 1,100 mone silva nage mawaibao,” wali.