Te Israel Tobolu Bidi Dabe 16:17 - Godigo dwagi yai po buku

¹⁷ Te megi da, Samsongo Delailabolo po dolo walali. Agai tama tiwai po wali, “Augwaligo te eno tobolu nisi me togobeo. Te idago ena ame nani sogo, ena te God aga mu dolo bidi pedelali. Te augwaligo eno tobolu nisi togobaso da, teda eno bomo silama, tama ena te gasa bidi dabe tiwai gilama te bomo meni yaibao,” te po wali.

Te Israel Tobolu Bidi Dabe 16:17 Referans Kwoze

Maika 7:5

Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

Bugagia Bidibo Kolesagade Po Asęai Buku 12:23

Te wiegi yai sę yabo kolesaga koneai bidigo, agai te aga wiegi yai homu elalubo te polo tama me pusugobeo. Tiali goli, te wiegi yai homu meni yai bidigo da, agai po te ąį bole tulalubo tiwai umabo yaibao. Tiali goli, te agai po odobo we bidi dabe da, te augwaligo koneama, te aga kolesaga umuna sai bidi tiwai da wabo dao.

Te Israel Tobolu Bidi Dabe 13:5

magi baso meni, te nage haliga elama, tama nago te ogwa me deli ame naibao. Tama nago aga tobolu nisi me togolamuo. Te da te Genuai Bidigo sę naga tede elalubao, te aga idago ame nabo sogo tiaibao. Tama agai te wain ąį me, te bomai ąį me, me tusiąma, tama te bidi dabebolo tugio olama habu selali nai me te munu me tugio,” wai. “Tama agai te Israel dabe te Filistia dabego nogode ma dobola sabo sę te gagalaibao,” wali.

Israel Hanigo Namba 6:5

“Tigidali sogo bidi aga te wali po wali pidubadi, agai aga digi tedali gasagi yai nigilama, tama enaba mayu da, agai aga tobolu nisi me penane nisi me, me togolamuo. Te aga ena mu dao, tedali dao, tama te bodolu mani sogo tama agai aga tobolu nisi tagaliyu, me penane nisi bobobage holomainu sula tagalao.

Godigo Sęba Tagala Palai Bidigo Po 18:18

Te bidi Pol aga te Jisasgo po wali pabo hani dali hauwa sogo bidali, te Korin be nanide. Tama nosali agai augwali taga soali. Agai te Prisila dali, Akwila dali augwali sela te Siria tǫba pabo gagalali. Tama Senkria be naniba tǫdu sabolama, tede Pol agai Godibolo bodolu mawai. Aga tobolu nisi poayali, te bodolu mani po dąų omainu yai.

Bugagia Bidibo Kolesagade Po Asęai Buku 29:12

Te kantri tonalubo tobolu bidi aga te bidi dabego tibo po ola momainu eyu da, teda te dwai kolesaga naga ebo bidi dabe te aga sę ebo ofisa bidi naga bidaibao.

Israel Hanigo Namba 6:2

Genuai Bidigo e tama po wali, “Tialima, me sogo te wego me bidigo me aga digi aga enaba mabo homu ebaso da, te aga bomai po dąų walama ebaso da,

Te Israel Tobolu Bidi Dabe 16:16

Te tigidali sogo te wego po hauwa weyu, tama agaba hanalubo sę yali. Tama tiyu, Samson te pode hagela dwai mu yalio.

Te Israel Tobolu Bidi Dabe 16:18

Te sogo Delailago koneani, te Samsongo mu po wabo homu yali, tialima megi da agai te Filistia dabe tobolu bidiba po ola tolu, tama augwalibolo te tama po wai, “Dage ma asiąo. Megi da, agai enabolo mu po walio.” Tama augwaligo mone dali sela asu asali.

Bugagia Bidibo Kolesagade Po Asęai Buku 13:3

Te bidigo aga po te sali selasa wabo bidi yai baso da, teda aga bugagia bidiyu, tama aga me dologobeo. Tiali goli, te po hauwa dogia pabo bidi dabe da, te dolaibao.