Te Israel Tobolu Bidi Dabe 16:16 - Godigo dwagi yai po buku

¹⁶ Te tigidali sogo te wego po hauwa weyu, tama agaba hanalubo sę yali. Tama tiyu, Samson te pode hagela dwai mu yalio.

Te Israel Tobolu Bidi Dabe 16:16 Referans Kwoze

Dwagi Yai Gesi Po Lukgo Asęani 18:5

e we hauwa sogo asidu gebaso, eno aga po tų odama, tau mawaibao. Eno aga tau magi menigi sogo da, teda aga sesemane sogo asiyu, eno bomo sia sagi dao,’ te homu yali,” Jisasgo te po wali.

Dwagi Yai Gesi Po Lukgo Asęani 11:8

Eno dagebolo obe dao, aga naga abagi goli, aga homugo eno magobeo homu yali. Tiali goli, aga abagi hale isąnama, hauwa sogo hanaludu geyu bidibaso da, te aga ma hodaluama, te tuabo nai mawaibao. Te po page tama telalubo.

Dwagi Yai Gesi Po Makgo Asęani 14:24

Tama agai augwalibolo te po wai, “Te da, te eno kaneme dao, tama te kanemego te Godigo aga we bidi tau somainogo eyu mani po te dąų walobao. Eno te kaneme gelebogo te we bidi hauwa umabo mu tau saibao.

Jona 4:9

Tiali goli Godigo te tiwai po Jonabolo wali, “Te bono sasiaide nago wado po wabo. Nago te wado po wabo te dolo da, agawe?” Tama Jonago po wei ponoyu, te po wai, “Awe, eno wado ebo dolo ebao. Ena sębę mu ebao! Tagalao, te ena isimainu yaibao,” wai.

Jopgo Po Asęani Elalubo Buku 21:4

Tiali goli, odao. Eno bidi dabede po elalubowe? Mu menio. Eno Godide po elalubo. Tama tibaso, eno haliga dene mu ebao, agai eno po wei ponisą ebo pode.

Te Israel Tobolu Bidi Dabe 16:15

Tama Delailago agabolo te po wai, “Magi baso nago te po weyu nago ena godolo ebo po obawe? Nago pedauwalidu olo gani bole ebo po naga obao. Nago ena dali te deli homu me ebeo. Megi da, sela sogo nago enabolo te tibo po wabo pogo te ena pomonobo sę elama, tama nago enabolo te nago bomo mena tama pedalubo po te enabolo me wabeo.” Te wego te po wali.

Te Israel Tobolu Bidi Dabe 16:17

Te megi da, Samsongo Delailabolo po dolo walali. Agai tama tiwai po wali, “Augwaligo te eno tobolu nisi me togobeo. Te idago ena ame nani sogo, ena te God aga mu dolo bidi pedelali. Te augwaligo eno tobolu nisi togobaso da, teda eno bomo silama, tama ena te gasa bidi dabe tiwai gilama te bomo meni yaibao,” te po wali.

Te Israel Tobolu Bidi Dabe 14:16

Tama tialima te Samsongo we te aga gesabidiba pelama, te gela wagi peyu, tama po wali, “Te nago ena godolo homu meni ebo! Nago wado homu naga ebao! Nago eno hanibolo te po page begelama mawai, tiali goli nago enabolo te po page wabeo,” wali. Tama Samsongo agabolo te po wali, “Ae, tegoba, eno te ena aya idabolo me te po me wabeo! Magi baso eno nagebolo te po wa naga obawe?”

Te Israel Tobolu Bidi Dabe 14:17

Te wego te tiwai gela naga odubadi, te genuai nai ulama tuyu bidali te sogo te a naga olama, me badu nogo si wali sogo usu nigi pali. Agai po hauwa mu obaso, tama te a naga olama, nogo me si wabo side, Samsongo te begelali po page agabolo walali. Tama aga pelama, te aga hanibolo wagi pai.