Te Israel Tobolu Bidi Dabe 16:15 - Godigo dwagi yai po buku

¹⁵ Tama Delailago agabolo te po wai, “Magi baso nago te po weyu nago ena godolo ebo po obawe? Nago pedauwalidu olo gani bole ebo po naga obao. Nago ena dali te deli homu me ebeo. Megi da, sela sogo nago enabolo te tibo po wabo pogo te ena pomonobo sę elama, tama nago enabolo te nago bomo mena tama pedalubo po te enabolo me wabeo.” Te wego te po wali.

Te Israel Tobolu Bidi Dabe 16:15 Referans Kwoze

Te Israel Tobolu Bidi Dabe 14:16

Tama tialima te Samsongo we te aga gesabidiba pelama, te gela wagi peyu, tama po wali, “Te nago ena godolo homu meni ebo! Nago wado homu naga ebao! Nago eno hanibolo te po page begelama mawai, tiali goli nago enabolo te po page wabeo,” wali. Tama Samsongo agabolo te po wali, “Ae, tegoba, eno te ena aya idabolo me te po me wabeo! Magi baso eno nagebolo te po wa naga obawe?”

1 Jon 5:3

Magi baso meni. Dago God dali dwagi yai homu eyu godolo ebo kolesaga page e dao: dago God agai bomo yai po wali pabo dao. Tama agai bomo yai po dabe augwali te bidigo wali pabo usu isąbo bomo yai po meni, te dago augwali wali pabo usu yaibao.

Dwagi Yai Gesi Po Jongo Asęani 15:10

Tama dagego eno bomo yai po bugagia wali peyu da, teda dage eno te godolo mu ebo kolesaga tomode bidaibao. Eno ena Ayago bomo yai po bugagia wali peyu, tama agai dwagi yai homu eyu, godolo mu ebo kolesaga tomode ena bidibo dao. Tama dagego tebo gilamao.

Dwagi Yai Gesi Po Jongo Asęani 14:15

Te Jisasgo te po wai, “Dagego enabolo dwagi yai homu eyu, godolo mu eyu da, teda dagego eno bomo yai po wali paibao.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Bugagia Bidibo Kolesagade Po Asęai Buku 2:16

Tama gasa bidigo we me deligo te nago aga dali penani ebo kolesaga yainu nage muma sabo po obaso da, teda te wiegi yai homu ilibo pogo nage bobogela selama, tama nago te wego po wali me pogobeo.

2 Samuel 16:17

Apsalomgo te po odama, tama aga Husaiba te tama po wai, “Ei, nage te Devitgo wiegi yai abagi me deli dao. Magi baso nage te aga dali pabewe? Te kolesaga te abagi kolesaga ebo wiegi yai da, agawe?”

Bomai Po 6:5

Dagego God dago Genuai Bidi deli naga godolo mu iyąo. Dagego aga te duga haligade godolo eyu, me dagego homu kolesagade godolo eyu, me dagego bomogo dali mu aga godolo iyąo.

Tigidali Nai Gagalama Nigali Side 29:20

Tama tibaso, Jekopgo te Resel sainu, te kibu be a naga me badu si, te tama sę iduai. Tama Jekopgo te kibu be a naga me badu si te agai homu kone palali te yadela pali, magi baso meni, agai te Resel godolo mu yai.

Te Israel Tobolu Bidi Dabe 16:14

Tialima, Delailago te Samson tibo po ola mayu, te aga godege mu pialio. Tama agai te Samsongo tobolude te bobage tobolu nisi haliga tiwai elalubo nisi a naga me si te tama selama, tama te masinde bomonama kęnama, tama te medabugo bomonama kęnani. Tialima megi da, Delailago i wali, “Samson, dua dao! Te Filistia dabe asobao!” Tiali goli, aga hodaluama, te tobolu nisi kega sąnama, te dąų walali medabu toga sąnama, te masin me tigidali nai dabe alua peyu toga palio.

Te Israel Tobolu Bidi Dabe 16:16

Te tigidali sogo te wego po hauwa weyu, tama agaba hanalubo sę yali. Tama tiyu, Samson te pode hagela dwai mu yalio.

Nehemia 6:4

Tiali goli, te bidi sigo te wali po tiwai naga te ena dali me si me si sogo wali, tama tigidali sogo eno te po wei ponoyu, te wali po tiwai naga augwali dali wali.