Te Israel Tobolu Bidi Dabe 15:9 - Godigo dwagi yai po buku

⁹ Nosali te Filistia dabe aselama, tama te Juda dabego tǫba te bidabo pesage nigagaselama, tama augwaligo te Lehi hanude bidibo bidi dabe dali hwįagasai.

Te Israel Tobolu Bidi Dabe 15:9 Referans Kwoze

Te Israel Tobolu Bidi Dabe 15:19

Tama Godigo te dedage me deli te Lehi hanude aluama, tama ąį tedu pedelai. Tialima, Samsongo te ąį tulama, tama aga bomo ma sali. Tama tialima, augwaligo te wę nogi Hakore poali. Te nogigo page te tama tiwai, te bidigo i wali ąį dao. Te ulu wę te Lehi bulude me elalubo dao.

Te Israel Tobolu Bidi Dabe 15:17

Agai te po ola silama, tama agai te penane dili sąwani. Tama augwaligo te bulu nogi Ramatlehi wali. Te tiwai te penanego ela muani bage te dwasianu bulu du da wali.

Te Israel Tobolu Bidi Dabe 15:14

Augwali te Lehi hanuba sabalubo sogo, te Filistia dabego i weyu, udada asu, tama augwali tiąba asali. Tama Godigo Mobogo te Samsonba genuai bomo menama, tama te gesi baklaingo aga nogo duani, Samsongo te baklain te ugwa hobolobo hobi togobo tiwai te olo nai gagawai togali.

Te Israel Tobolu Bidi Dabe 15:8

Tama Samsongo augwali dolama, subigila mu elama, tama hauwa bidi mu ela muani. Nosali aga te moni dedage elalubo te masigi ola be me deli elalubo te Etam teba bidigi pai.

Te Israel Tobolu Bidi Dabe 15:10

Tialima, te Juda dabego augwaliba hanalu wali, “Magi baso te dagego da dali hwįagasaliwe?” Augwaligo te tiwai po wei ponani, “Da asali te dago Samson selama, kalabus ilainu, tama dago te agabolo te agai da dali yali deli tigi poai kolesaga te wei ponainogo te tiwai ilaibao,” wai.