Te Israel Tobolu Bidi Dabe 15:5 - Godigo dwagi yai po buku

⁵ Tama agai te sole domonama, tama te uni yowi si si tagala palama, tama augwali udada peyu, te Filistia dabego wit gi tomoba pali. Agai te wit dabe te togai elaluali me, te togosiąwai elaluali wit dabe me te siago ulali. Tama te oliv ni dabe me, te wain ąį nigibo du walobo bono dabe me, te siago dai dao.

Te Israel Tobolu Bidi Dabe 15:5 Referans Kwoze

2 Samuel 14:30

Tialima, Apsalom te hagela ebaso, tama te aga sę bidi dabeba te tama po wai, “Joapgo bali nedu du gi te eno gi pąde elalubao. Eno homugo dage pelama, te agai nedu du bali gi te siago ulugi piąo,” wai. Te sę bidi dabego te po odama, tama pelama, Joapgo te bali nedu du gi te siago ulugi pai.

Ma Dobola Sali 22:6

“Tama bidigo aga tǫde te kala siago ulai digi, tama te sia genuai pedelama, tama te dąį bolama, gasa bidigo gide elalubo te tubo nai wit, me ma te wit augwaligo togolama tama pesage holai elaluai, tama te siago dobaso da, teda te sia ulali bidigo te siago dali nai tigidali wei ponao.”

Ma Dobola Sali 23:11

Tiali goli, te kibu be 7 wabo, te kibu be me delide dagego nai bulisąma, te tǫ toma tuyu, olo elalumainao, tama dagego te tǫde olo pedalobo nai sigio. Tama te wain gide me, te ni du oliv gide me, dagego te tiwai kolesaga naga yao. Tama te magi nai meni yai bidi dabe augwaligo naga te gide olo holobo nai siyu, tama te magi nai meni yai bidi dabego sisąma tagalali nai me badu, te uni hasa dabego tula silimainao.”

Te Israel Tobolu Bidi Dabe 15:4

Tama tialima, aga pelama, te 300 uni yowi sigi pali. Agai te si si danu kękę pelama, tama nosali agai te sole me deli te kęnani danu side kęani.

Te Israel Tobolu Bidi Dabe 15:6

Tama te Filistia dabego hanalua biliyu, te tiwai po wali, “Dego te sę yaliwe?” Tama augwaligo po odobadi te po wai, “Samsongo te sę yalio. Magi baso meni, te aga wąį ayago, te Timna bidigo te agai we selama, te aga dali te we sabo sogo nai uluyu te hai namu olama bidali bidi aga abagibolo te we mani,” wali. Tama te Filistia dabe pelama, te we dali aga aya me te aga be dali te siago te augwali dali ulugi pai dao.