Te Israel Tobolu Bidi Dabe 15:19 - Godigo dwagi yai po buku

¹⁹ Tama Godigo te dedage me deli te Lehi hanude aluama, tama ąį tedu pedelai. Tialima, Samsongo te ąį tulama, tama aga bomo ma sali. Tama tialima, augwaligo te wę nogi Hakore poali. Te nogigo page te tama tiwai, te bidigo i wali ąį dao. Te ulu wę te Lehi bulude me elalubo dao.

Te Israel Tobolu Bidi Dabe 15:19 Referans Kwoze

Aisaia 44:3

Te ąį sǫą pabo tǫba eno te ąį gelaibao, tama te wa pai tǫde te ąį somainu ilaibao. Te eno mobo bidi te dagego wai dabeba gelaibao. Te eno dagego waigo ame nabo wai dabeba wiegi yai bugagia ilaibao.

Tigidali Nai Gagalama Nigali Side 45:27

Tialima, augwaligo te Josepgo augwalibolo wali po tigidali agabolo wali. Tama Jekopgo suali, te Josepgo aga te Isip odasa asomainu tolali karis dabe. Tama aga wiegi yai homu pemene mu yai.

Godigo Nogi Ugwaba Sabo Tęąbi Po Wabo Buku Dabe 34:6

Te sęgę elalubo bidi dabego te Genuai Bidiba gedu haluasa po obaso, tama agai te augwaligo gedu haluasa po wabo odolama, tama augwa te tigidali sęgęde te augwali tau sali.

Aisaia 40:29

Genuai Bidigo te bomo meni yai bidi dabe dąų walobaso, te dili bomo kimi silai digi, te agai augwali bomo selama, bidimainu ebo dao.

Aisaia 40:26

Dagego te dagaluba ugwa tonama, te ugwade elalubo hǫ dabe suiąo. Dego augwali nigai dawe? Te Genuai Bidigo naga nigali. Te nai dabe te Genuai Bidigo ami hani tiwai elalubao. Agai augwaligo namba koneani, te agai augwali deli deli nogi koneama, tama agai augwali nogi nogi yaibao. Agai tigidali bomo mu elalubo, tama tibaso, te nai dabe te augwalide me deli me hagagobeo.

Godigo Nogi Ugwaba Sabo Tęąbi Po Wabo Buku Dabe 120:1

Te sęgę enaba pedalubo sogo, eno te Genuai Bidiba i wali, tama agai eno gedu haluasa po odoyu, tama wei ponani.

1 Samuel 30:12

tama te ni fik du wai dwasianu me deli duani te augwa olali te me selama, tama te wain du wai duani si me augwa te wai ilali, te tama nai meba mawai. Aga te nai me wę tusiąbadi, te sela sogo mu nai sili bidai, tama aga te nai sigo mu selama, tama bomo meni yai. Tama tialima, aga te nai tula silibo si da, aga te bomo ma salio.

Ma Dobola Sali 17:15

Genuai Bidigo po wai digi, tama Mosesgo te Genuai Bidibolo nai ula maiabo alta sai me deli nigilama, tama te alta sai yali nogi e tiwai wai, “Genuai Bidi aga eno te nide walama, ugwaba sabo plak ugwa tiwai dao.”

Tigidali Nai Gagalama Nigali Side 30:30

Polobadu te nago sipsip hauwa meni yai, te dwasianu hani elaluali. Tama megi te ena nage dali bidiyu, tama nago sipsip kibu dabe geninama, hauwa pedelali, magi baso meni, te nago ena haniani sęba muani goli, te Yawego wiegi yai sę nagebolo yali. Tiali goli, te eno ena hani bage tau sabo sę nisu egowe?”

Tigidali Nai Gagalama Nigali Side 28:19

Agai te bulu nogi te Betel nogi poai. Polobadu te bidi dabego te bulu pąde elalubo hanu nogi Lus nogi yai.

Tigidali Nai Gagalama Nigali Side 16:13

Hagargo te homu yai, ‘Sesemane sogo Godigo ena sudu geyu, tama megi eno aga suali, tiali goli, te ena bidibo ula me elaluba, isibeo,’ te homu yali. Tama agai te agabolo po wali Yawe nogi gasa me wali, “Nage da, te ena subo God dao.”

Israel Hanigo Namba 20:11

Tama te Mosesgo te masigi dali po wabe. Menio. Agai te dono selama, si sogo te masigi elali. Tama moni ąį te masigide pedalali, tama te we bidi, me augwa kau me sipsip dabego te wę tuali.

Te Israel Tobolu Bidi Dabe 15:9

Nosali te Filistia dabe aselama, tama te Juda dabego tǫba te bidabo pesage nigagaselama, tama augwaligo te Lehi hanude bidibo bidi dabe dali hwįagasai.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Godigo Nogi Ugwaba Sabo Tęąbi Po Wabo Buku Dabe 110:7

Agai te sunumi pąde elalubo te dwasianu ąį gamiade elalubo wę tuaibao. Tama tialima, aga te bomo selama, tama te hwįbo ugwaba ela holaibao.