Te Israel Tobolu Bidi Dabe 15:15 - Godigo dwagi yai po buku

¹⁵ Tama agai te tamadi isali ogwa bidi donki me deligo penane dili sulama, tama te agai sali. Tama agai te penane diligo te bidi hauwa umabo te 1,000 bidi ela muai.

Te Israel Tobolu Bidi Dabe 15:15 Referans Kwoze

Josua 23:10

Te dage hani bidi me deligo te umabo bidi mu, te 1,000 bidi dabe te wi pomainu ilibo sę ebaso, te usu yai dao, magi baso meni, God, te dago Genuai Bidigo, te dage tau siyu, augwali dali hwįai dao, te agai polobadu po dąų wali tiwai gilama yaibao.

Pris Sę Ebo Bomai Po 26:8

Te dage nogo a naga bidigo te bidi sese a naga 100 boi bidi aiyaba elalueibao, te dage 100 bidigo te bidi sese umabo hauwa 10,000 boi bidi aiyaba elalueibao, tama tigidali boi bidi dolaibao,” te po wai.

Te Israel Tobolu Bidi Dabe 3:31

Te Ehut tudi badu te gasa tobolu bidi me pedelali, te aga nogi Samgar da, te Anatgo ogwa dao. Agai te bidi sese bidi hauwa elali, te e tama bidi, 600 te Filistia bidi dabe te dwasianu te kibu bulmakau tonalubo ene sesemonego te bidi dabe ela silali. Tama te Israel dabe tau siyu, agai tama tiai dao.

1 Samuel 14:14

Jonatan te aga tau sabo bidi dali sigo te wąbi te Filistia dabe dali hwįnama, tama augwali sigo te bidi sese deli bidi ela muai. Te wąbi hwįani te dwasianu tǫ dage pedaide hwįai dao.

1 Samuel 14:6

Tialima, Jonatan te masigi elalubo pesageba sabolama, tama aga te aga dali hodobo asali bidibolo te tiwai po wali, “Ae, da u badu pedai badu pelama, tama da te Genuai Bidigo po odisiąbo bage, te Filistia dabe bidalubo pesageba paibao. Te Genuai Bidigo da tau siyu, te dago augwali aiyaba elaluabo homu ebao. Te Genuai Bidigo te hwįabo bidi hauwa selama, te boi bidi dabe augwali aiyaba elalumainu me egobeo. Menio. Te dwasianu hani naga te usu dao,” wali.

Te Israel Tobolu Bidi Dabe 7:16

Tama Gideongo te 300 bidi dabe te hani sela nigilama wasilali. Tama agai te biugel me, te genagi dagede te ula ilibo ni kaneme elalubo te sospen sene tomode elalubo te selama, tama augwali deli delibolo te nai dabe mena mena pali.

Te Israel Tobolu Bidi Dabe 4:21

Te Siserago tigi hagela gana mu ebaso, tama aga piali te bidi isibo tiwai mu elama mu piai. Tama Jaelgo te hama me deli me te pęwadage ni me deli badi, te ugwa be sesege te tǫde dau wabo ni pin, te ni me selama, tama aga te dua dua digi te Sisera pila mubo madiba pali. Tama agai te ni pin te hamago elama, te bidi Siserago tobolu tomoba enani, tama te ni bulu badu teda solama, te tǫba bida sigi pali. Tama Sisera isali.

Hibru 11:34

Tama augwaligo te moni sia bogoli ebo me sula sąyu yalio. Tama me te augwali wi pidu gebaso te gasa bidi dabego te bobage hwą gego te augwali elali te usu me ebeo. Tama augwali bomo meni yai bidilama, tama nosali augwali bomo sai. Augwali te wąbi hwįbode bomai bidi mu pedalai. Augwaligo te gasa hanigo genuai ami bidi dabe augwali aiyaba elaluyu pobeasa peyu yai dao.

Te Israel Tobolu Bidi Dabe 15:16

Tama tibaso, Samsongo tęąbi po me deli te tiwai wali, “Te donki penanego eno te bidi umabo 1,000 ela muani. Mu tamao, te donkigo penanego eno augwali dolama mu elali.”

Te Israel Tobolu Bidi Dabe 15:17

Agai te po ola silama, tama agai te penane dili sąwani. Tama augwaligo te bulu nogi Ramatlehi wali. Te tiwai te penanego ela muani bage te dwasianu bulu du da wali.

Pris Sę Ebo Bomai Po 26:7

Te boi bidi augwaliba dagego hwįbaso da, te dagego augwali pobelama, ela mubaso, te hwįbogo augwali mu dolaibao.

2 Samuel 23:8

Te Devitgo bomai ami bidi dabego nogi te tama elaluali. Josep Basebet te Takemon hani bidi, aga te nogi elalubo hwįbo bidi selago polalubo ofisa bidi dao. Me sogo deli te Josep Basebetgo te sesemone tolalu, tama te 800 boi bidi dali hwįnama, tama agai tigidali ela muai.