Te Israel Tobolu Bidi Dabe 14:12 - Godigo dwagi yai po buku

¹² Tama Samsongo augwalibolo te po walali, “Te eno po begelama wabo po me deli te dage dali waibao. Te dagego enabolo te po begelama wabo po te nai tuyu bidibo te a naga olama, me badu nogo si te sogo dagego te po begelali po page te enabolo obaso da, teda te eno dagebolo te pedai name ugwa te 30, me te holobo bobage ugwa te 30 te dage mawaibao,” wai.

Te Israel Tobolu Bidi Dabe 14:12 Referans Kwoze

Esekiel 17:2

“Tǫde bidio, eno homugo te po me deli begelama, te nago te Israel dabeba po digi po pusumainu homu ebao,” wali.

Te Israel me Juda Hani Sigo Tuni Bidigo Po Elalubo Buku Deli 10:1

Te Seba tǫ pedai kantri polalubo we, te kwin wabo we, te kwingo te tama po odali, te Genuai Bidigo te Solomon bugagia wiegi yai ilama, tama te Solomongo genuai nogi elalubo po odali. Tama tiyu, te kwin we aselama, te Solomonba te gegeda pai hanalubo po meba, te Solomon aga usu sabo hanalubo po meba, te agaba hanalu wagasali.

Tigidali Nai Gagalama Nigali Side 45:22

Tama agai ama tigidali deli delibolo te gesi gudubo ugwa mena mena pali. Tiali goli, te Benjaminbolo agai te gudubo ugwa a naga badi, te mone 300 silva mone mobadi yali.

Te Israel me Juda Hani Sigo Tuni Bidigo Po Elalubo Buku Si 5:22

Tama Gehasigo te po wai, “Menio. Da bugagia bidibao. Tiali goli, eno genuai bidigo ena tagala palama, e tiwai po nagebolo tama wagi soao obaso, ena asobao,” wai. “Megi tama bolo te profet gesi bidi si agai beba asalio. Te profet bidi si augwali si te bulu du Efraimde bidibo profet hani dao. Tama agai homugo te nago aga silva mone beg me deli badi, me te dwagi yai bulubo ugwa si ebadi elama, mao wali. Tama Elisa agai te profet bidi dabe augwaliba mawaibao,” wali.

Te Israel me Juda Hani Sigo Tuni Bidigo Po Elalubo Buku Si 5:5

Awe, kingo agabolo e tiwai po tama ola mani, “Eno pas me deli asęnama, te Israel bidigo king bidiba tolaibao. Te pas eno nagebolo menama, tama nago sela pelama, agabolo magi pagameo,” wali. Tama kingo pas asęnama, te Namanbolo mawai, tama Namango te 300,000 silva mone sobadi, tama me te gol te sęgę bidi sese sela 60 kilogram gol sobadi, me te nogo si dwagi yai au ebo bulubo ugwa sobadi elama, tama aga hodaluama, te Samaria buluba pai.

Bugagia Bidibo Kolesagade Po Asęai Buku 1:6

E bukude elalubo pogo te da tau sobaso, te po digi po begelama wali po, me te po piksa ola mabo po, me te wiegi yai po me te kolesaga koneai bidi dabego geme dualama wabo po page te dago koneaibao.

Jems 5:2

Tama dagego te wiegi yai walu dali te au dobage te nai dabe tigidali te dolama, tama damua pai dao. Tama dagego te ugwa dabe me tigidali, te asibago me te sagado dabego tula silai.

1 Korin 13:12

Dago te ąį dulade subadi, te dena gesabidi dago kuna subo meni, te dwasianu hulia sai tiwai subo dao. Tama te tiwai me, dago God gisiga mu konebo menio. Tiali goli te sogo nosali da, te dago Godigo gesabidi mu dolo sueibao. Megi dago te God kuna konebeo, te me badu naga koneani. Tiali goli nosali da, te dago aga mu koneyu, te agai da mu konebo tiwai gilama yaibao.

Dwagi Yai Gesi Po Jongo Asęani 16:29

Jisas aga wali pabo bidi augwaligo te po wai, “E, megi nago po te begelama po wabeo, tama nago po hania obao.

Dwagi Yai Gesi Po Lukgo Asęani 14:7

Te be page bidigo gasa bidi dabebolo nai tuagasiąo wai dao. Tama te bidi dabe augwali te be tomoba aselama, augwaligo te nogi elalubo bidi duga yabo madigiba polo pelama, tede bidali. Tama Jisasgo augwaligo te kolesaga ebo sulama, augwalibolo e po digi po wali. Agai te po wali,

Matyu 27:28

Tama augwaligo agai gudali ugwa pedela munama, tama augwaligo bobobage mama ugwa me deli aga tigiba muanio, te genuai polalubo bidigo ugwa tiwai dao.

Matyu 13:34

Te ola mabo po tigidali tama odubadi, Jisasgo te we bidi augwalibolo te po digi po begelama naga wai. Agai te po me deli haninama augwalibolo me pusubeo. Menio. Agai po digi po begelama naga augwalibolo te po wai dao,

Matyu 13:13

Tama tebo sęde eno te po digi po begelama augwalibolo obao: augwaligo gedugo da tonono bilibadi, tiali goli augwaligo magi nai me deli subo menio. Augwaligo olo mubadi, tiali goli augwaligo po me odisąyu tama kolesaga sabeo.

Matyu 6:19

“Dagego duga wiegi yai doado bage e tǫde sabogimio. E tǫde dwai asibago me te yaba ilibo nai dabego te nai doloyu, me te nai wi sabo bidi dabego te be tomode munalubadi aselama, nai wi sabo dao. Tama tibaso, te nai e tǫde sabogimio.

Esekiel 20:49

Genuai Bidigo po ola simanobo si da, tialima eno te tama po wei ponani, “Hobede ya, God Genuai Bidio, eno te po augwalibolo pusubo si, magi yaibawe? Tigidali we bidigo eno te tobage begelama pusubo po odobo hagela ebo dao.” Ena Esekiel eno te po wali.

Godigo Nogi Ugwaba Sabo Tęąbi Po Wabo Buku Dabe 49:4

Eno po digi po begelama, hasia meba pusaibao. Tama eno dwagi yai tęąbi gita dali elama, tama dagebolo te po begelama wali po page pusaibao.

Tuni Bidi Dabego Po Elalubo Buku Si 7:8

Tama te sogo Solomon aga te Israel dabe dali augwali te Jerusalemba te nogo a naga olama me badu nogo si, te tama 7 sogo te Osogo Bidabo Bede Bidibo Genuai Sogo augwali tede sisinama bidali. Te genuai we bidi hauwa augwali te tigidali kantri badu asali. Te not badu te hanu Hamatba pabo sunumidu dąį elama, tama u badu te saut badu te kantri Isip usu nama tama asali. Te 7 sogo ma sisinama bidai dao, te alta te Godigo nai mu dao olama sa muainogo. Augwali te 14 sogo sisinama bidali. Tama te sogo nosali augwali deliba genuai mu ma sisinani.

Te Israel Tobolu Bidi Dabe 14:11

Tama te Filistia dabego te Samson subo sogo, augwaligo te gasa gesi bidi te 30 gesi bidi sigi pelama, tama augwali aga dali bidali.

Te Israel Tobolu Bidi Dabe 14:13

“Tiali goli, dagego enabolo te po page me wabo te usu meni baso da, te dagego enabolo te pedai name ugwa te 30, me te holobo ugwa 30, te tama ena magameo,” wali. Tama augwaligo agabolo te po wali, “Ao! Nago po begelebo po pusao! Dago odaio.”

Bugagia Bidibo Kolesagade Po Asęai Buku 31:24

Hauwa sogo te wego te wiegi yai ugwa dabe me, te kukulu dabe me nigiyu ebo dao, tama te bisnis bidi dabe aselama, abelagasu ebo dao.