Te Israel Tobolu Bidi Dabe 13:6 - Godigo dwagi yai po buku

⁶ Tama te wego aga bidibolo wagi peyu, te tama tiwai po wali, “Te Godigo bidi me deli enaba asai. Te agai gesabidi ula yali, te Godigo Ensel gesabidi ula ebo tiwai yalio. Eno aga sulama, te ena wi mu yai. Eno aga te menadu asali po te hanalubeo. Tama agai te aga nogi me te nogi ebeo.

Te Israel Tobolu Bidi Dabe 13:6 Referans Kwoze

1 Samuel 9:6

Tiali goli, sę bidigo Solbolo te po wai, “Dwasianu gana bolo tonaluinao. Te Godigo po pusubo bidi me deli te hanu Sufde bidibao. Tama tigidali po agai pusubo, te mu naga pedelaibao. Tama teyu, te we bidi dabego agaba genuai nogi mabo dao. Dago agabolo sugi pinao. Te da menadu gege peyu, wali pomainu ebo sunumi te agai dabolo ola mabo usu yaibao,” wali.

Bomai Po 33:1

Te Moses te Godigo po pusubo bidi isabo sogo pąde ebaso, agai Godibolo Israel dabe dali wiegi yai sę yao po olama, tama hanalu wali.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Godigo Sęba Tagala Palai Bidigo Po 6:15

Tama olama, te kaunsil dabe dali dualu tonalubo bidi dabe augwaligo Stiven bomona tonaluali. Augwaligo te bidi gesabidi suali da, te Godigo dagalude sę ebo ensel bidi gesabidi tiwai suali.

Dwagi Yai Gesi Po Lukgo Asęani 9:29

Tama agai Godiba gedu haluasa po obadi yaide, aga megi tama elaluali tigi gesabidi tagalama, gasa tigi yai gesabidi hasegelama, aga ugwa dabe me te gasa tedela yai mu gagalama, te ula umagi mu pedelalio.

Dwagi Yai Gesi Po Lukgo Asęani 1:19

Tama ensel bidigo te po wei ponoyu te po wai, “Ena nogi Gebriel dao. Ena God gesabidide dolalubo dao. God aga digi ena tagala palama, nagebolo dwagi yai po pusigi pa tobo obaso, nagebolo te po pusagasiyu te obao.

Daniel 10:11

Tialima, te bidigo enabolo te tama po wali, “Daniel, Godigo nage godolo mu ebao,” wali. “Nage hodaluama, te eno nageba wainu ebo poba te nago olo bugagia muao. Godigo digi ena tagala palobaso, tama ena nageba asali,” te po wai. Agai po ola simanobo si, tama ena dolugulali, tiali goli ena didibili me idualio.

Daniel 10:5

Eno te ugwaba tonobadi, tama eno te bidi me deli te nami ugwa wiegi yai beali bidi suali, tama augwaligo te wiegi yai golgo nigali kukulu muai.

Daniel 8:17

Tialima, Gebriel te ena pąba dolagasali, tama ena agade wi dwai mu elama, tama ena degasa dulama, tama eno gesabidi te tǫba aiya pogulai. Tama Gebrielgo enabolo te tama tiwai po wali, “Nage olo bidi tama da,” wali, “tiali goli, eno homugo nago te na page konemainu ebao. Te nade yali sę te tigidali dagalu dali, tǫ dali si silabo sogo pąde te pedalubo sę po te elaluali dao,” po wai.

Te Israel me Juda Hani Sigo Tuni Bidigo Po Elalubo Buku Si 4:9

Me sogo deli te wego aga bidibolo e tiwai po tama wali, “Eno konea palio, te bidi da dali me sogo me sogo asama, nai tuagasobo bidi, aga te dwagi yai bidi mu da, tama aga te Godigo sę ebo profet bidi mu dao,” wali.

2 Timoti 6:11

Te bidi dabe meba augwaligo te doado bage hauwa saio homu ebaso tama tiwai dolaibao. Tiali goli Timoti, nage da te Godigo bidi da olama, tama nago te tobage dwai sę ebo kolesagaba tudi ola mao. Me ma, nago te bomo elama te doloba pai kolesaga badi, te Godigo godolo mu ebo kolesaga me, te Kraisde konealubo po dąų mu wabo kolesaga me, tama te gasa ama dabe godolo ebo kolesaga dolo wali pao. Tama te bomo elama dolaluyu, tama te boi bidi dabego mabo sęgę tigidali bugagia tolobo kolesaga me, tama augwali dali nagame elama bidibo kolesaga yao.

Te Israel me Juda Hani Sigo Tuni Bidigo Po Elalubo Buku Si 4:16

Tama Elisago te webolo e tiwai po tama wali, “Te nosali kibu bede, megi te polua mude, te nago ogwa me deli ame naibao, tama nago naga nogo tuaibao,” wali. Tiali goli, te wego te po wei e tiwai po tama ponani, “Mu tama o, genuai bidio, nage Godigo po pusubo bidi dao. Nago enabolo ili po ola magio,” wali.

Te Israel me Juda Hani Sigo Tuni Bidigo Po Elalubo Buku Deli 17:24

Tama aga idago e tama po wei ponani, “Mu tama o, megi eno koneanio, nage te Godigo sę ebo bidi dao. Mu tama dao, Genuai Bidi aga digi nagebolo mabo po te nago dabolo pusubo dao,” te wego te po wali.

Te Israel me Juda Hani Sigo Tuni Bidigo Po Elalubo Buku Deli 17:18

Tama tialima, te wego te Elaijabolo te po wai, “Nage te Godigo sę ebo bidi dao, magi baso nago te tiwai kolesaga ena dali yaliwe? Tama nage aselama, tama Godigo homugo eno sęgę koneama, tama teyu, te eno wai isalio,” te wego te po wai.

1 Samuel 2:27

Nosali Genuai Bidi agai po te profet bidi me delibolo menama, tama aga tagala palama, te Elibolo wagasali. Genuai Bidigo po te tiwai po wai, “Te nago wąį nǫų Aron, te aga we wai hani sibi dali, te Isip king bidigo olo sę ebo bidi bidibadi, tama ena augwaliba pedelama, tama augwaliba te eno homude elalubo kolesagade po walai dao.

Te Israel Tobolu Bidi Dabe 13:22

Tama Manoago aga webolo te po waliyu, te po wai, “Te da si isaibao, magi baso meni, dago te Genuai Bidigo Ensel Bidi sualio.”

Te Israel Tobolu Bidi Dabe 13:8

Tama Manoago Godiba gedu haluasa po weyu, te po wali, “Genuai Bidi, te nago tagala palali bidi, te eno homugo te bidi te nago da siba ma asomainu tagala palao. Tama agai da sibolo te wai nosali pedalubo si sabo sę po tigidali te da sibolo wagasomainu homu yai,” te po wai.

Josua 14:6

Te tǫ dobayabo sogode, te Juda bidi dabe meba te Josua bidibo digi te Gilgalba sabolali. Tama Kalep te Jefunego ogwa, te Kenas bidi, te e tiwai po Josuabolo wali, “Nago koneani, te polobadu Genuai Bidigo te Godigo sę bidi Mosesbolo te po wali, te da sibolo te Kades Barneade wai dao.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Ma Dobola Sali 3:2

Tama Genuai Bidigo Ensel Mobo Bidi agaba pedelama, te sia dabo tiwai, te dwasianu ni nologo tomode sia bogoli pedelai. Tama Mosesgo sia te nide dabo suali, tiali goli te siago te ni dela dolobeo.

Tigidali Nai Gagalama Nigali Side 32:29

Tama Jekopgo te po wai, “Ae, nago nogi po enabolo wao,” te po wai. Tiali goli, agai te po wei ponani, “Magi baso nago enabolo eno nogi po hanalubawe?” Tama agai Jekopbolo te aga dali dwagi yai sę pedelabo po mawai.

Tigidali Nai Gagalama Nigali Side 18:2

Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

Te Israel Tobolu Bidi Dabe 6:11

Nosali Genuai Bidigo Mobo Bidi ensel asama, tama te moni ni te Ofra bulu pąde te ni dologode bidagasali, te Abiesergo hani bidi Joasgo bulude. Te aga ogwa Gideon, aga te Midian dabede wi ebaso, tama aga te wit agabo masigi me deli te tǫ dedage tiwai elalubo madi tede te geme duala sigi pelama bididuali. Tama agai te wit bo wali sela sąbo sę iduai.

Te Israel Tobolu Bidi Dabe 13:3

Me sogode te Genuai Bidigo Ensel Bidi te weba asama, tama agabolo te tiwai po wali, “Polobadu nago wai me ame nesiąwai, tiali goli nage haliga elama, tama nago ogwa ame naibao,” wali.

Te Israel Tobolu Bidi Dabe 13:7

Tiali goli, agai enabolo te po wali, te ena haliga elama, te eno ogwa me deli ame naibao wai. Tama agai te po wai, eno te wain wę me, te bomai ąį me, te me tugio wali, tama eno te Genuai Bidigo habu selali nai me tugio wai. Godigo te ogwa sa muai baso, te aga Godigo bidi dolo bididubadi, te aga pedalubo sogo gagalasa pelama, te aga isibo sogoba usu nugi paibao wali.” Manoago wego agaba te po wai.

Te Israel Tobolu Bidi Dabe 13:10

Tama tibaso, te we polo udada pelama, tama aga bidibolo wagi pali, “Odao! Te polobadu enaba po wagasali bidi te megi ma asalio.”