Te Israel Tobolu Bidi Dabe 13:25 - Godigo dwagi yai po buku

²⁵ Tama aga te Dango pesagede bididuali, te Sora me Estaol bulu si tomode bidai, tama Genuai Bidigo Mobogo aga sunumi ola mabo sę gagalali.

Te Israel Tobolu Bidi Dabe 13:25 Referans Kwoze

Te Israel Tobolu Bidi Dabe 3:10

Tama Genuai Bidigo Mobo Bidi te Otnielba asama, tama aga te Israel dabego tobolu bidi pedelali. Tama Otnielgo te Mesopotemia gavman tuni bidi dali hwįgi pelama, tama Genuai Bidigo aga tau selama, tama agai augwali aiyaba elaluali.

Josua 15:33

Te dwasianu bulu du elalubo tǫde te giliga dega sigi pabo badude, e tama hanu dabe elaluali, te Estaol, Sora, Asna,

Dwagi Yai Gesi Po Jongo Asęani 3:34

Te bidi Godigo tagala palali bidi, te bidi agai Godigo po pusubo dao. Magi basowe? Godigo agai Dwagi Yai Mobo Bidi agabolo habuge me mabeo, sese mu mawai. Tama mobaso, te bidigo Godigo po pusubo dao.

Matyu 4:1

Te sogo Jisas baptais selama, tama Godigo Mobo Bidigo Jisas te bidi meni yai buluba odasa pali, te Satango aga dwai sę yanama sinawainogo yai.

1 Samuel 11:6

Te Solgo te po odali sogo, te Godigo Mobo te bomo elama, agaba pedalubaso, te aga haliga sębę mu geninanio.

Te Israel Tobolu Bidi Dabe 11:29

Tialima, te Genuai Bidigo Mobo Bidi te Jeptaba bomonama bidagaselama, tama aga hogodama palima, te Gileat me Manase te badu te Mispa buluba pelama, tama aga te Amon dabe bidalubo madiba palio.

Te Israel Tobolu Bidi Dabe 6:34

Tialima, Genuai Bidigo po wabo Mobo Ogwa Wai te Gideonba dulama, tama Gideongo te nai biugel me deli bu wali, te nai augwaligo te sipsip gąųgo nigai, te Abiesergo hani augwali aga wali asomainu i wali.

Te Israel Tobolu Bidi Dabe 14:1

Samson te Timna buluba dulama, tama te bulude agai te Filistia dabego gesi wegi ogwa we me deli suali.

Te Israel Tobolu Bidi Dabe 14:19

Tialima, te Genuai Bidigo Mobogo te Samsonba bomo mobaso, tama aga te Askelonba dulali. Agai te hanude bidali bidi te 30 bidi elibadi, tama augwaligo doado bage dabe dali sali. Tama agai te 30 ugwa te agai begelali po page pusali bidi dabe mani. Tama te sę pedelalide te aga haliga sębę mu elama, tama aga buluba ma begasa pai.

Te Israel Tobolu Bidi Dabe 18:2

Tama tiyu, te Dan dabego te hanu si Sora me Estaol te kolesaga koneai bidi te nogo a naga bomai bidi tagala palu, te augwali te tigidali tǫ pedai susa biligi pomainu tagala palali. Tialima, augwali pelama, te Efraimgo bulu du bageba te Maikago beba sabolama, tama augwali aga dali bidali.

Josua 19:41

Te tǫ pedaigo te e tama hanu sali, Sora, Estaol, Irsemes,

Te Israel Tobolu Bidi Dabe 16:31

Tama aga ama dede dabe me aga hani sibi tigidali dulama, tama aga tigi sagasali. Tama augwaligo aga te bulu si Sora me Estaol tomode pubulali, te aga aya Manoa muani gų pagede muai. Aga te Israel dabego polalubo bidi bidibadi te kibu be bidi sese deli bidai dao.