Te Israel Tobolu Bidi Dabe 13:18 - Godigo dwagi yai po buku

¹⁸ Tama enselgo te po wali, “Magi baso te dagego eno nogi koneainogowe? Te eno nogide te we bidi homu hauwa eyu, noma siyu ilaibao,” wali.

Te Israel Tobolu Bidi Dabe 13:18 Referans Kwoze

Tigidali Nai Gagalama Nigali Side 32:29

Tama Jekopgo te po wai, “Ae, nago nogi po enabolo wao,” te po wai. Tiali goli, agai te po wei ponani, “Magi baso nago enabolo eno nogi po hanalubawe?” Tama agai Jekopbolo te aga dali dwagi yai sę pedelabo po mawai.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Te Israel Tobolu Bidi Dabe 13:6

Tama te wego aga bidibolo wagi peyu, te tama tiwai po wali, “Te Godigo bidi me deli enaba asai. Te agai gesabidi ula yali, te Godigo Ensel gesabidi ula ebo tiwai yalio. Eno aga sulama, te ena wi mu yai. Eno aga te menadu asali po te hanalubeo. Tama agai te aga nogi me te nogi ebeo.

Tigidali Nai Gagalama Nigali Side 32:30

Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Ma Dobola Sali 23:21

Tama dua dao, dagego agai po bugagia odolama wali pao. Dagego agai po sela sągio, magi basowe, ena digi ena aga dali mu bidiyu, tama agai te po sela sąbo we bidigo dwai kolesaga te sela sągobeo.

Nehemia 9:5

Tama nosali te Livai mebago te we bidi dabeba po weyu, te augwaligo Godiba lotu ma waiąo po wai. Te Livai dabego nogi e tiwai, Jesua, Katmiel, me Bani, me Hasapnea, me Serebia, Hodia, Sebania, me Petahia. Augwaligo te tama po wali, “Dage dolugulama, te dena Genuai Bidi God nogi ugwaba siąo Sesemane bidada pabo sogo sesemane dago te aga nogi ugwaba sao,” wai dao. Tama augwa te gedu haluasa po wali, “Genuai Bidi, dago te nago genuai nogi ugwaba sainu ebao. Tiali goli, dago te wiegi yai pemene ebo homu te olo nai tiwai ebao. Nago nogi te genuai mu da, tama tiyu dago konebao, dago pemene ebo te nago gedude usu meni ebao.