Te Israel Tobolu Bidi Dabe 13:14 - Godigo dwagi yai po buku

¹⁴ “Agai te ni wain du me tulamuo. Tama agai te wain ąį me tusiąma, te bomai wę me tugio. Tama agai te Genuai Bidigo te habu selali nai dabe me tugio. Agai te eno po tigidali dolo wali pela silao,” wali.

Te Israel Tobolu Bidi Dabe 13:14 Referans Kwoze

Dwagi Yai Gesi Po Jongo Asęani 2:5

Jisas aga idago augwali te we sabo be page bidigo sę ebo bagebolo te po wai, “Jisasgo po me deli dage dali obaso da, teda dagego te po wali pao,” te po wai.

Bomai Po 12:32

“Dagego eno dagebolo walali te sę dabe naga eyu yao. Te gasa bomai po ugwadu ma daganebo, me te bomai po me deli sela sąbo tagalao, te habu mu dao,” Mosesgo te po wai.

2 Tesalonaika 3:4

Tama me, Genuai Bidigo da ola menama, tama dago dagede te konebao, tigidali kolesaga dago dagebolo yao te po wali, te sę dagego megi me ebo dao, tama nosali me dagego tama naga tiwai sę yaibao.

Te Israel Tobolu Bidi Dabe 13:4

“Tama tialima, nago bugagia odao. Nago te wain wę me, te bomai ąį me, te me tulamuo. Tama nago te eno bidi dabebolo te tugio olama, habu selali nai te me tulamuo,

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Te Israel Tobolu Bidi Dabe 13:7

Tiali goli, agai enabolo te po wali, te ena haliga elama, te eno ogwa me deli ame naibao wai. Tama agai te po wai, eno te wain wę me, te bomai ąį me, te me tugio wali, tama eno te Genuai Bidigo habu selali nai me tugio wai. Godigo te ogwa sa muai baso, te aga Godigo bidi dolo bididubadi, te aga pedalubo sogo gagalasa pelama, te aga isibo sogoba usu nugi paibao wali.” Manoago wego agaba te po wai.

Israel Hanigo Namba 6:4

Te bidi aga tigidali sogo aga digi enaba mayu da, teda te aga bodolu mani sogo tomode agai te ni wain du wali me, o te ni du me munu me ma tulamuo, te tigidali te ni wain dugo nai dabe me tulamuo,” wali.

Jeremaia 35:6

Tialima, augwaligo po wei ponoyu, te tiwai po wali, “Hobede yao, dago te wain tugobeo. Magi baso meni, dago wąį nǫų Jonadap, te Rekapgo ogwa, agai bomo yai po me deli dabolo menama, tama dabolo dali te dago haniba habu selama, dago te wain ąį tugio wai dao.

Israel Hanigo Namba 6:2

Genuai Bidigo e tama po wali, “Tialima, me sogo te wego me bidigo me aga digi aga enaba mabo homu ebaso da, te aga bomai po dąų walama ebaso da,