Te Israel Tobolu Bidi Dabe 12:9 - Godigo dwagi yai po buku

⁹ Agai ogwa dabe te 30 elaluali, te agai wegi dabe te me te 30 elaluali. Tama agai te wegi dabe gasa hani bidigo somainu mani. Tama agai te gasa hani bagego wegi te 30 wegi dabe selama, tama augwali te agai ogwa dabego sali. Ipsan te Israel dabego tobolu bidi bidali te kibu be a naga olama, me badu si bidai.

Te Israel Tobolu Bidi Dabe 12:9 Referans Kwoze

Te Israel Tobolu Bidi Dabe 12:14

Agai ogwa dabe te bidi sese si te 40 elaluali, tama te ogwago wai dabe te 30 elaluai. Tama augwali te donki dabe te 70 donkide dualasa bilali. Apdon te Israel dabego tobolu bidi bidibadi, te kibu be 8 bidai dao.

Te Israel Tobolu Bidi Dabe 10:4

Te agai ogwa dabe te 30 ogwa dabe elaluali, tama augwali te kibu donki te 30 donkide dualama bilali. Te augwaligo hanu 30 te Gileat tǫde elaluali. Tama te hanu dabe augwaligo nogi eyu, te Jairgo Ugwa Be Hanu da wali, te nogi elalua asali te megi e sogoba usu nagasali elalubao.

Te Israel Tobolu Bidi Dabe 12:8

Jepta isibaso, tama Ipsan te Betlehem bulu bidi te Israel dabego polalubo tobolu bidi bidai.

Te Israel Tobolu Bidi Dabe 12:10

Tama aga isibaso, augwaligo aga te bulu Betlehemde pubulai dao.

Godigo Nogi Ugwaba Sabo Tęąbi Po Wabo Buku Dabe 127:3

Godigo dabolo dwagi yai sę eyu, tama te wai dabe te wiegi yai nai mu tiwai mabo dao. Te wiegi yai nai dabe mu dago te Godide sabo dao.

Jeremaia 29:6

Te dagego we selama, te wai dabe ame nao. Tama nosali, dagego wai dabego we selama, te augwade digi wai pedalumainao. Dage te genuai hani pedelao. Dagego duga digi te dwasianu hani pedalumainogo ilamu dao.