Te Israel Tobolu Bidi Dabe 12:4 - Godigo dwagi yai po buku

⁴ Tialima, Jeptago te Gileat bidi dabe tigidali sisinama, tama augwaligo te Efraimgo hani dabe dali hwįnama, tama augwali aiyaba elaluali, magi baso meni, te Efraimgo hani bidigo te Gileat hani bidi dabebolo te tama tiwai po wali, “Dage Gileat dabe te Efraim dabego bulude me te Manase dabego bulude me bidaluyu, te dage te boi bidi asama hwįagasobo side, te dage wi soyu tama da taga soali!”

Te Israel Tobolu Bidi Dabe 12:4 Referans Kwoze

1 Samuel 25:10

Tama Nabalgo te tama po wei augwaliba ponoyu, te tiwai po wai, “Te Devit, te Jesigo ogwa, te de dawe? Eno aga me konebeo. Megi e sogo te sę tonalubo bidide te olo sę bidi hauwa wi peyu ebo sogo elalubao. Te aga me te olo sę ebo bidi naga homu ebao.

Bugagia Bidibo Kolesagade Po Asęai Buku 15:1

Te bidigo nage dali haliga sębę ebaso da, teda agaba po wei dua digi ponao, tama aga haliga sębę yali isigulaibao. Tiali goli, nago pogo te gasa bidi doliyu, dwai po wabo sę eyu da, te agai nageba te dwai haliga sębę mu ebo sę ilibao.

Bugagia Bidibo Kolesagade Po Asęai Buku 12:13

Te dwai bidi dabego te dwai pogo te augwa digi te kalabus ebo dao. Tiali goli, te dwai sęgo te doloba pai bidi dabe gegebaso da, augwaligo te ela soaibao.

Godigo Nogi Ugwaba Sabo Tęąbi Po Wabo Buku Dabe 78:9

Polobadu te Efraim dabego hwįani, te enesigi enego te hwįai. Tiali goli, te sogo te wąbi hodolama hwįbaso, tama augwali wi pai dao.

Nehemia 4:4

Bidi mebago te Senbalat me Tobia sigo wali po enabolo wagasali. Tama tibaso, eno e tama gedu haluasa po wali, “God, nago te bidi dabego dabolo wali posobo po nago odalio. Augwaligo da begela dolali, tama tibaso eno homugo te augwaba digi ma dolomainu ilao, tama nago te augwaligo doado bage gasa bidi dabego wi sagasomainu ilama, tama augwali selasa pomainu ilao.

Te Israel Tobolu Bidi Dabe 11:10

Tama te genuai bidi dabego te tama po wali, “Te dago nago te wabo po gilama tiwaibao. Genuai Bidigo te tama tiabo koneani,” wali.

Te Israel Tobolu Bidi Dabe 12:3

Te sogo dagego ena tau sabo homu ąǫ isąbaso, teda eno te tiwai homu eyu te ‘Tagala,’ homu yali, ‘te ena isimainu yaibao,’ wali, ‘tiali goli eno te Amon dabe dali hwįgi paibao,’ wali. Tama eno te wę nogelama, te boi hwįani. Tama Genuai Bidigo ena tau selama te hani bidi aiyaba elaluai. Magi baso megi dagego ena dali hwįainu ebawe?” Jeptago te po wali.

Te Israel Tobolu Bidi Dabe 12:5

Tama te Gileat bidi dabego te bidi dabe te Jordan ąį nogebo pesage tigidali badu usu selama, no bidada pela silali, te wę pedai me badu, te wę ge bo kuna disąwai elaluali. Augwaligo tama tiwai yali, te Efraim dabe augwali te ąį Jordan munu me nogeidali homu yali. Te Efraim dabe dali hwįbo sogo augwali wi painu soyu, augwali aselama, tama augwaligo te po wali, “Da te ąį nogeainu ebao,” wali. Tialima, te Gileat dabego te augwali deli delibolo hanalua pali, “Nage te Efraimgo hani bage dawe?” Te agai te po weyu, “Menio,” po obaso da, teda augwaligo agabolo te po wai,

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.