Te Israel Tobolu Bidi Dabe 11:34 - Godigo dwagi yai po buku

³⁴ Tama te Jepta aga bulu te Mispa teba ma begasa asobadi, te aga wegi te bede bidali taga soyu, te aga tiąba asai. Agai homu te wiegi yai pemene elama, tama dwasianu habidi elala asobo sę yai. Tama Jeptago wegi te deli naga tama bidai. Te agai gasa wai me mu meni yai dao.

Te Israel Tobolu Bidi Dabe 11:34 Referans Kwoze

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Ma Dobola Sali 15:20

Tama nosali, Genuai Bidigo po pusubo we Miriam, te Aron aga abe, agai te dwasianu kilikili wabo habili tiwai nai musik sali, te tigidali we dabego me te tobage habili tiwai nai musik selama, te Miriam pabo wali pai. Tama augwaligo te musik dabe eliyu, tęąbi eyu, tigi bebege eyu, danis me yai.

Te Israel Tobolu Bidi Dabe 11:11

Tama tibaso, Jepta te Gileat genuai bidi dabe dali palio, tama te we bidi dabego aga te augwaligo te augwa tigidali sęde te polalubo bidi nigilali. Tialima, Jeptago aga te sęde wali po tigidali te Genuai Bidi gedude te Mispa bulude te po wai.

Te Israel Tobolu Bidi Dabe 10:17

Nosali te Amon dabego ami bidi dabe sisinagaselama, tama augwa bidabo pesage te Gileatde nigali. Tama te Israel bidi dabe me sisinagaselama, tama augwa bidabo pesage te Mispa bulude nigalio.

Godigo Nogi Ugwaba Sabo Tęąbi Po Wabo Buku Dabe 68:25

Te tęąbi wabo bidi dabe augwali poligi soali, tama te musik elibo bidi dabe augwali nosali asali, tama te dwasianu habidi elibo gesi wegi ogwa we dabe, augwali te tomodu palio.

Dwagi Yai Gesi Po Lukgo Asęani 9:38

Te we bidi tomode bidi me deligo moni hai i olama, te po wali, “Po ola mabo bidi, eno nagebolo hanalube dao, e suao. Eno ogwa deli digi tama dao.

Dwagi Yai Gesi Po Lukgo Asęani 8:42

Aga wegi deli digi kibu be nogo si olama, sągągo si peda sigi soai te wegi isai sinabaso, te po wali. Jisas tų sisu pobadi yaide, genuai hani we bidigo aga mu beasa pali.

Dwagi Yai Gesi Po Lukgo Asęani 7:12

Te be naniba sabaligi pobadi, te isai bidi me deli te pubaligi peyu tolasa soabo sualio. Te isali bidi wilawe wego ogwa deli digi tama pubaligi su sobaso, aga ida me we bidi me hauwa wali asali.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Jeremaia 31:13

Te sogo te wegi ogwa we wiegi yai homu pemene elama, te tęąbi po weyu, te gesi bidi me, monu dabe me, pemene yaibao. Eno augwali homu dene ebo silama, te augwali bugagia haliga tegalumainogo yaibao. Te eno augwali haliga nagame elama, dua digi bidiyu, pemene emainogo yaibao.

Godigo Nogi Ugwaba Sabo Tęąbi Po Wabo Buku Dabe 150:4

Te tamborin eliyu, te tęąbi weyu, tama aga nogi ugwaba sao. Te gita eliyu, tama te ona eliyu, tama aga nogi ugwaba sao.

Te Israel Tobolu Bidi Dabe 21:21

tama tonaludu yao. Te genuai nai daa tubosi pedalubo sogo tama te Silo hanu gesi wegi ogwa we dabe sabolama, te tęąbi ebaso da, teda dage pedelama, tama dage deli deligo te wegi mani deli deli pageabi yao. Tama duga te we dabe selama, tama duga bulu tǫba ma piagameo.

2 Samuel 6:14

Devitgo te prisgo bebo ugwa me deli gudali, te augwa sawi yai name ugwago nigai. Tama aga tęąbi eyu, tama sasa mano pali, te Genuai Bidigo nogi ugwaba siyu tiai dao.

Josua 18:26

Mispa, Kefira, Mosa,

Te Israel Tobolu Bidi Dabe 20:1

Te Israel bage tigidaligo te Livai bidigo wede po odama, tama augwali te deli hani tiwai naga aselama, tama augwali te Genuai Bidi gedude te Mispa buluba sisinagasali. Augwali te tǫ pedai tigidali badu te Dango tǫ pedai te not badu gagalasa asali, tama te saut te Berseba teba usu nigi pali, tama te Gileat tǫ pedai bage te giliga pedalubo badu augwali me asalio.