Te Israel Tobolu Bidi Dabe 11:23 - Godigo dwagi yai po buku

²³ “‘Te God, te Israel dabego Genuai Bidi, aga digi te Amor dabe sela sąyu gudulama, tama augwaligo tǫ te aga hani bage te Israel dabebolo mani. Tama nago te tǫ ma sabo homu ebaso, oba agawe?

Te Israel Tobolu Bidi Dabe 11:23 Referans Kwoze

Te Israel Tobolu Bidi Dabe 11:22

Tama augwaligo te Amor dabego tǫ tigidali sali, te Arnon te tǫ saut badu gagalali, pelama, te Jabok te tǫ not te badu, tama te giliga pedalubo badu te bidi meni yai tǫ wa pai madiba sabolali, tama te pelama, giliga dega sigi pabo badu te Jordan ąį teba dąį igi pai.’”

Te Israel Tobolu Bidi Dabe 11:24

Naga god Kemosgo nagebolo mani te doado bage tigidali te naga sao,’ wali. ‘Tiali goli, te tigidali doado bage te dena Godigo dabolo mani, te dago doado bage mu tama dao.

Tigidali Nai Gagalama Nigali Side 48:22

Sekem te wiegi yai tǫ mu dao. Eno te Amor dabe dali te hwą ge bainat me enesigi sigo boi hwįnama, tama augwaligo te tǫ eno sali. Tama ena digi eno te tǫ te eno nagebolo naga megi mobao. Eno te naga ama dede augwalibolo me magobeo,” Jekopgo Josepbolo te po wali.

Josua 5:1

Te sia ge dulubo badu te Jordan wę badu, te Amor tǫde bidibo te tigidali tuni bidi dabe badi, te genuai tamu ąį Mediterenian te sesegede te Kenan moni tǫde bidibo tigidali tuni bidi dabego me, augwaligo te Genuai Bidigo te Jordan wę wai ilai digi te da Israel dabego te wę nogali po odali. Tama te da Israel dabe augwali pąba asobaso, te tuni bidi dabe augwali wi dwai mu eyu, tama augwali homu didibili mu yai dao.

Tuni Bidi Dabego Po Elalubo Buku Si 20:11

Tiali goli, augwaligo dago wąį dabego augwaliba te yali wiegi yai kolesaga yaliba konebeo. Menio. Augwaligo dwai kolesaga elama, tama da dali ma hwįainu ebao. Augwali polo asalio, te naga digi dabolo e mani te tǫde sela sąwainu.