Te Israel Tobolu Bidi Dabe 11:2 - Godigo dwagi yai po buku

² Tama Gileat aga sali we mugo me te wai ogwa meba ame nani. Tama te wai dabe augwali genuai ebo sogode, augwaligo te Jepta sela sąyu ela gudulali. Tama augwaligo agabolo te po wali, “Nago te dago ayago doado bage deli munu me selamuo,” wali. “Nage gasa wego wai dao.”

Te Israel Tobolu Bidi Dabe 11:2 Referans Kwoze

Bugagia Bidibo Kolesagade Po Asęai Buku 2:16

Tama gasa bidigo we me deligo te nago aga dali penani ebo kolesaga yainu nage muma sabo po obaso da, teda te wiegi yai homu ilibo pogo nage bobogela selama, tama nago te wego po wali me pogobeo.

Bomai Po 23:2

“Tialima, bidi mego te we me dali penani sę elama, tama wai ame naibaso da, teda te wai te Genuai Bidigo we bidi hani tomoba me aselamuo. Tama agai wai hani me, augwali nosali te Genuai Bidigo we bidi tomoba aselamuo, te wąį hani nosali ame neyu, neyu idu gelama, tama hani sibi nogo siba usu nenama, tama te nosali ame nabo bage augwali te Genuai Bidigo we bidi hani tomoba asobo te usu dao, te nosali mu,” wali.

Tigidali Nai Gagalama Nigali Side 12:10

Te nosali Abram te Negeb tǫ pedaide bididubadi, te nasi ebo sogo pedelama, tama te bulude nai mu meni yai. Tama tibaso, Abram te Isip moni tǫ pedai teba pelama, te pęwadage sogo naga bidigi pai.

Bugagia Bidibo Kolesagade Po Asęai Buku 5:20

Ogwao, nago te gasa bidigo weba homu kone eyu, tama nago te agai amede homu palamuo.

Bugagia Bidibo Kolesagade Po Asęai Buku 5:3

Nago tama tiao, magi baso meni, te we me deligo aga bidi tagalama, tama nage dali te gedu ebaso da, teda agai te nage homu bega sabo pusu yai po hauwa nage dali waibao. Awe, agai po wabo dwagi yai dao, te wel bugagia bilibo tiwai dao.

Galesia 4:30

Tiali goli, te bukude wali Godigo po te magi po elalubowe? Augwaligo te po e tama asęai: “Te olo sę ebo we dali aga ogwa dali si megi sela sąyao. Te olo sę ebo wego ogwa agai te aga ayago doado bage meba nosali sogobeo. Te olo bidibo wego ogwa naga, aga aya isibo si, agai aga ayago doado bage saibao,” bukude te po asęani.

Te Israel Tobolu Bidi Dabe 11:1

Jepta te Gileat bidi, aga te hwįbo bomai bidi me deli dao. Aga te penani we me deligo ogwa, tama Gileat te aga aya dao.

Te Israel Tobolu Bidi Dabe 11:3

Tama tibaso, Jepta aga wi peyu, tama aga ama dede taga palio. Tama aga pelama, te Topgo tǫba bidigi pai. Agai te dwai sę ebo bidi meba haliga bega sabo po obaso tama augwali aga wali asai. Tama augwali te bulu dabeba tedela pelama, tama te bidi dabe elibo sę elama, tama augwaligo doado bage dobabo sę yali.

Tigidali Nai Gagalama Nigali Side 21:10

Tama agai Abrahambolo te po wai, “Nago te sę ebo we aga ogwa dali si sela sąyao. Te olo sę ebo wego waigo te nago doado bage bugulama, me badu me sogobeo. Te doado bage tigidali te eno wai Aisakgo nosali saibao,” wali.