Te Israel Tobolu Bidi Dabe 10:8 - Godigo dwagi yai po buku

⁸ Te sogo kibu bede te augwali Israel dabe aiyaba elaluama, tama augwali mu dolali. Te Filistia dabego me te Amon dabego te Israel dabe aiyaba elaluama, tama augwaliba dwai sę mu ilidubadi, te 18 kibu be bidai. Te wę Jordan pedai me badu te Gileat te badu bidali te Israel dabede te tama sę yali. Te giliga pedalubo badu te Amon dabe bidali badu te sę yalio.

Te Israel Tobolu Bidi Dabe 10:8 Referans Kwoze

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Aisaia 30:13

Tama tibaso, dagego dwai kolesaga polo yalio. Tama te dwai kolesagago dage mu tama dolaibao. Te da te dwasianu dedage te obo ugwadu tobolude elaluamo, te genuai elasa pabo tiwai dao. Tama deli sogo tama, te obo togwa pelama, degasa pali.

Te Israel Tobolu Bidi Dabe 10:5

Nosali Jair isibaso, tama augwaligo aga te Kamonde pubulali.

Te Israel Tobolu Bidi Dabe 10:7

Tama tibaso, Genuai Bidigo te Israel dabe dali haliga sębę elama, tama agai te Filistia dabe me te Amon dabe aselama, te augwali dali boi hwįagaselama, te augwali aiyaba elalumainu ilali.

Te Israel Tobolu Bidi Dabe 10:9

Tama te Amon dabego te ąį Jordan nogelama, tama te Judago hani me, te Benjamingo hani me, te Efraimgo hani, te hani augwali dali te Amon dabego boi hwįgi pai. Tama tialima, te Israel dabe augwali dwai dene mu sabo sogo pedelai dao.

Israel Hanigo Namba 32:39

Tama te Manasego ogwa Makirgo aga hani kegasa pelama, te Gileat tǫba pelama, te Amor dabe dali hwįnama, augwali sela sąnama, tama augwaligo tǫ sali.

Te Israel Tobolu Bidi Dabe 6:2

Te Midian dabego bomogo te Israel dabego bomo aiyaba mu elalubaso, tama te Israel dabe te Midian dabede wi ebaso, augwali te masigi dedagede me gasa bulude me te augwali geme duala sigi pela silama, tama te Midian hani bidi dabego augwali gegainu ebo usu meni yani.