Te Israel Tobolu Bidi Dabe 1:33 - Godigo dwagi yai po buku

³³ Tama Naptaligo hanigo te hanu Betsemes me Betanat te hanu side bidali we bidi augwali te me sela sąbeo. Tama augwali te Kenan dabe dali bidaluali. Tama Naptaligo hanigo te Kenan dabe augwali kalabus ilibo sę yali.

Te Israel Tobolu Bidi Dabe 1:33 Referans Kwoze

Godigo Nogi Ugwaba Sabo Tęąbi Po Wabo Buku Dabe 18:24

Tama tiyu, Godigo te eno doloba pai kolesagade homu koneama, tama agai ena bugagia mu tonaluai. Magi baso meni, agai koneani, te eno magi sę me isiąwai.

Te Israel Tobolu Bidi Dabe 1:35

Te Amor dabe augwali naga te Aijalon, me Salbim, me Heres, te tama sela bulude bidaluai. Tiali goli, nosali te Josepgo hanigo bomo genuai pedelama, tama augwali tonaluyu, tama augwali kalabus ilibo sę yai.

Te Israel Tobolu Bidi Dabe 1:30

Tama Sebulungo hanigo te hanu Kitron me Nahalal te hanu side bidali we bidi te augwaligo ela gudulube. Tama te Kenan we bidi te augwali dali hodobo bidaluai. Tama te Sebulun hanigo te Kenan dabe augwali kalabus ebo sę ilali.

Josua 15:10

Te Bala te badu te dąį yali te giliga dega sigi pabo badu palima, te Idomgo Bulu Du dabe elaluboba pedelali, tama palima, te bulu du Jearimba sabolali, te gasa nogi me elaluali Kesalon, te not badu tama pelama, te Betsemes teba dulalima, tama peyu, te Timna te bulu taga pali.

Te Israel Tobolu Bidi Dabe 1:32

Tama te Aser dabe te Kenan dabe dali bidali, magi baso meni, te augwaligo augwali te bidi me sela sąsiąwai.

Te Israel Tobolu Bidi Dabe 1:34

Tiali goli, te Amor dabego bomo eyu, tama te Dango hani dabego augwali te odogo tǫde ela gudulubo usu meni yai. Tama tibaso te Dango hani dabe meba bulu duba holama bidali. Tama te Amor dabego te augwali te tǫ maluba dulumainu me ebeo.