Te Israel Tobolu Bidi Dabe 1:28 - Godigo dwagi yai po buku

²⁸ Tama te Israel dabe augwaligo bomo pedalubo sogo, augwaligo te Kenan we bidi augwali kalabus ilibo sę yali. Tiali goli, te Israel dabego te augwali mu tigidali sela sąyu me ebeo.

Te Israel Tobolu Bidi Dabe 1:28 Referans Kwoze

Te Israel Tobolu Bidi Dabe 1:27

Te Manasego hanigo te bulu Betsan, me Tanak, me Dor, me Ipleam, me Megido, te bulu dabe pąde elaluali dwasianu bulu dabede te bidali bidi dabe te augwali te augwaligo me sela sąbeo. Magi baso meni, te Kenan dabego homu bomonama eyu, tama tede me bidalu dali.

Te Israel Tobolu Bidi Dabe 1:29

Tama Efraimgo hanigo te Kenan we bidi te Geser hanude bidali te augwali me ela gudulisiąwai. Tama te Kenan we bidi augwali dali tede me bidaluai.

Te Israel me Juda Hani Sigo Tuni Bidigo Po Elalubo Buku Deli 9:21

Polobadu mu te Israel dabego te hani augwali te hauwa mu elali, tiali goli augwaligo te augwali tigidali mu ela silibeo. Megi da, Solomongo te hani dabe augwali aga te olo mu sę ebo bidi dabe pedelali, tama megi me augwali te olo mu sę ebo bidi dabe bidibao.

Bugagia Bidibo Kolesagade Po Asęai Buku 12:24

Te sę dene ebo bidi da, te tonalubo bidi pedelaibao. Tiali goli, te hagela bidi dabe te olo sę naga ebo bidi pedelaibao.

Tigidali Nai Gagalama Nigali Side 9:25

Tama agai te po wali, “Genuai sęgę te Kenande ugwadu elaluaibao. Te aga hani dabe te aga ama dedego hani dabego nogi meni yai sę ebo olo gagalama, bidaibao,” wali.

Tigidali Nai Gagalama Nigali Side 9:26

Tama Noago te tiwai po me wali, “Dago te Yawego nogi ugwaba sinao, te Siemgo God da. Kenan da, te Siemgo olo sę ebo bidi elaluaibao.

Bomai Po 20:11

“Augwaligo dagego pode usu dao olama, tama augwaligo hanu genuai sunumi dabe olo dabaso da, teda augwali dage dologode bidiyu yaide augwali kalabus sę emainao.

Josua 17:13

Nosali te Israel dabe bomai bage pedalubode, tama augwaligo te Kenan dabe te augwaligo sę olo ebo bidi pedela silali. Tiali goli, te augwaligo te augwali me sela sąyu, me ela gudulubeo.

1 Samuel 14:24

Te hwįani sogode Solgo bomai po te Israel dabeba wali. Agai te tiwai po wai, “Megi naga eno te boi bidi dabeba te dwai sę yali wei ponama, tama augwaliba dene mu mawainu ebao. Tama tiyu, dage tigidali bidi te nai me deli tusiąma, te giliga dega sigiluboba usu nao. Te bidi mego nai tuali da, teda eno homugo te Godigo aga dolomainu yaibao,” wali. Tama tibaso, te bidi mego nai me tusiąma, tama te Israel dabe tigidali te nasi dwai mu elama, tama bomo mu meni yani.