Te Israel Tobolu Bidi Dabe 1:18 - Godigo dwagi yai po buku

¹⁸ Tiali goli te Juda dabe augwaligo te bulu Gasa me Askelon si te sabeo, tama Ekron te tǫ pedai dabe dali te sisąwai.

Te Israel Tobolu Bidi Dabe 1:18 Referans Kwoze

Josua 11:22

Te Anak dabe me dedeli te Israelde me bidibeo. Te dwasianu hani naga te Gasade me, Gatde me, te Asdot, tede bidaluai.

Te Israel Tobolu Bidi Dabe 3:3

Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.

1 Samuel 6:17

Te Filistia dabego te dili keni piksa golgo nigali a naga piksa noma te Genuai Bidiba tolali, te augwa dwai sę yali silimainu ebo ofa tiwai eyu tolalio. Te deli deli augwa hanu usu nama nigali, te Asdot, me Gasa, me Askelon, me Gat, me Ekron, te tama hanu taun dao.

Te Israel Tobolu Bidi Dabe 16:21

Tialima, te Filistia dabego aga pageabi elama, tama agai gedu si guda sąwani. Tama augwaligo aga te Gasaba sela pelama, tama augwaligo aga te brasgo nigai sengo gebelali. Tama augwaligo aga te sia me wit te nai sę ebo be te kalabus be tomode agaga pabo sę emainu ilali.

Josua 13:3

te tǫ te dwasianu wę Sihor te Isip tǫ sesede elalubo, tedu gagalasa, te palio olama, te Eklon tǫ bogo baduba dąį igi pelama, hasia bolo te Kenan dabe bidaluai madi. Te Filistia dabe tonalubo bidi dabe te bulu Gasade me, te Asdot, me te Askelon, me Gat, me Eklon, me tama te Av dabego moni tǫ te giliga dega sabo bogo badu elalubao.

Ma Dobola Sali 23:31

“Tama eno dagego tǫ dąį e tiwai ilaibao, te wę sanede, te mama tamu ąį badu, te Akaba tǫ te badu pelama, te tǫ tomode elalubo genuai tamu ąį Mediterenian teba sabolama, tama genuai wę Yufretis te badu peyu, te masigi kemi elalubo badu teba te dąį sabolaibao. Tama eno bomo dageba menama, tama te tǫde bidibo hani augwali aiyaba elaluama, tama dage te tǫ tomoba peyu, augwali sela sąwaibao.

Te Israel me Juda Hani Sigo Tuni Bidigo Po Elalubo Buku Deli 4:24

Solomongo te tigidali tǫ pedai te Israel tǫ pąde elalubo bulu me, te pali te wę Yufretis te giliga pedalubo pedai, te badu te usu nigi pai. Te dąį te hanu Tipsade gagalasa peyu, te wę Yufretisba dąį igi pelama, tama pali, te Gasa hanu te giliga dega sigilubo teba usu nigi pali. Te badu te tigidali tǫ pedaide bidali te tigidali king te aga dologode bidali, tama te agai bulu tǫ pedai pąde elaluali, te gasa bulu tǫ pedai bidi dabe, augwaligo te agaba boi bidi me ebeo.

Jeremaia 47:5

Te Gasa hanude bidibo bidi dabe augwa haliga sęgę dwai mu elama, augwa tobolu nisi pola sąwaibao. Tama te taun Askelon mu dolaibao. Dage te odo malu bulude bidalubo dwasianu hani, nisu sogo dagego homu dene ebo silama, te dagego duga tigiwali togobo kolesaga tagalaibawe?

Bomai Po 2:23

Te tama tiali gilama, tama te ailan Krit hanigo te Av dabe ela silama, augwali tede bidibo gilama tiali. Augwaligo tǫ te genuai tamu wę Gasa pąba tama usu nigi pelama elaluali, te sautba polo badu. Tama te Krit dabego augwaligo tǫ selama, augwali tede bidali.)

Josua 15:11

Tialima, te dąį te bulu du sao badu te Ekron te not badu wali palima, tama begelalima, te Sikeronba sabolama, tama te Bala bulu du taga peyu, tama te Japnelba sabolali. Tama te dąį pali, te Mediterenian Tamu Ąį teba siligi pai.

Te Israel Tobolu Bidi Dabe 14:19

Tialima, te Genuai Bidigo Mobogo te Samsonba bomo mobaso, tama aga te Askelonba dulali. Agai te hanude bidali bidi te 30 bidi elibadi, tama augwaligo doado bage dabe dali sali. Tama agai te 30 ugwa te agai begelali po page pusali bidi dabe mani. Tama te sę pedelalide te aga haliga sębę mu elama, tama aga buluba ma begasa pai.

Jeremaia 25:20

tama te Isip tomode bidali gasa hani webidi tigidaliba mawaibao. Tama eno te tǫ kantri Us kingtigidaliba me mayu, te tǫ kantri Filistia king tigidalibamawaibao. Filistiade te tama tǫ pedai distrik elalubao, Askelon, me Gasa, me Ekron, me tǫ pedai distrik Asdottede me bidali we bidibolo mawaibao.