Te Israel Tobolu Bidi Dabe 1:17 - Godigo dwagi yai po buku

¹⁷ Tama te Juda me, te Simeon me, te hani si augwali pelama, tama te Sefat hanude bidibo Kenan bidi dabe aiyaba elaluali. Tama augwaligo te hanu tigidali dola silali. Tama augwaligo te hanu nogi gesi poali, te Horma nogi yai.

Te Israel Tobolu Bidi Dabe 1:17 Referans Kwoze

Israel Hanigo Namba 21:3

Tama te Genuai Bidigo augwaligo po odama, tama augwali tau selama, te Kenan dabe te Arat hanu dolomainogo yali. Tialima, te Israel dabego te Kenan dabe augwa hanu dabe dali mu dolama tagalali. Tama augwaligo te bulu Horma polali.

Tuni Bidi Dabego Po Elalubo Buku Si 14:10

Augwali polo sabolagasai madi, king Asa aga ami bidi dabe dali hogodama, augwali hwįainu pali. Te Juda dabe augwali te taun Maresa pąba saboligi pali, tama augwaligo te Serago ami bidi dabe augwaligo te odogo malu bulu te augwali nogi Sefata wabo bulude suali. Tama te ami bidi hani si tama dolaluyu boi hwįabo kegaluali.

Te Israel Tobolu Bidi Dabe 1:3

Tama Judago hanigo te Simeongo hanibolo wali, “Te hasia dage da dali aselama, tama da te augwaligo dabolo sa muani tǫba pinao,” wali, “tama dago te Kenan dabe dali hwįaibao. Nosali da Juda dabe dage dali te augwaligo dagebolo sa muani tǫba paibao.” Te po wai. Tama te Simeongo hani te Judago hani dali pali.

Josua 19:4

Eltolat, Betul, Horma,

Israel Hanigo Namba 14:45

Tiali, te Israel dabe augwali pali, tama te Amalek dabe me Kenan dabe augwali bulu du taga solama, edaba dulama, te Israel dabe dali hwįagasali, tama augwali aiyaba elaluali. Tama augwaligo te Israel dabe pobeasa pelama, te hanu nogi Hormaba usu nigi pali.

1 Samuel 30:30

Horma, me Borasan, me Atak,