Te Israel Tobolu Bidi Dabe 1:16 - Godigo dwagi yai po buku

¹⁶ Te Mosesgo wąį monu te Kengo hani dao. Tialima, te ayago hani dali, te Judago hani dali, augwaligo te pam ni sili elalubo bulu taga peyu, tama augwali te Judago bulu te wa pai elalubo te Arat pedai te badu bidigi pali. Tama augwali te Amalek bidi dabe dali te bulude bidali.

Te Israel Tobolu Bidi Dabe 1:16 Referans Kwoze

Te Israel Tobolu Bidi Dabe 4:11

Tama Debora me te aga dali pali. Te sogo te Kengo hani te bidi me deli Heber, te agai ugwa be te Kedes hanu sesegede sęnama bididuai, te moni ni te Sananim bulu pąde dao. Polobadu Hebergo te Kengo gasa hani tede taga soai, te Hobap aga deli kaneme hani, te Moses aga wąįgo aya dao.

1 Samuel 15:6

Te Amalek dabe pąde bidali Ken hani bageba te Solgo te tiwai po ola tolali, “Dagego te Amalek dabe taga peyu, te duga gasa pedai badu bidigi pao,” wai. “Tiyu, dago dage te Amalek dabe dali elabuo. Eno te duga wąį nǫų dabego te wiegi yai kolesaga te da Israel dabeba eyu, te dago wąį nǫų dabe te Isip tǫ taga soyu asali sogo te wiegi yai kolesaga yali, te homu kone palama obao, tama tiyu, eno dage me eligobeo,” Solgo te po ola tolali. Tialima, te Ken dabego odama, tama augwa te Amalek dabe taga peyu palio.

Bomai Po 34:3

Tama agai Mosesbolo Judago saut badu agai genuai tǫ mu ola mani. Tama me Jerikode elalubo malu tǫ me ola mani, te hanude ni det hauwa mu elaluali, tama pelama, Soar u badu usu nigi pali, te saut badu.

Israel Hanigo Namba 21:1

Te hanu Arat tuni bidi te Kenan hani bidi, tama agai hanu te Kenan bulude saut badu elalubo. Te tuni bidigo te Israel dabe te Atarim bulu sunumidu asobo po odali. Tama tialima, te tuni bidi aga hani ami bidi dabe dali augwali te Israel dabe dali hwįgi pali. Tama augwaligo Israel hani bidi meba toulama, odasa pali.

Te Israel Tobolu Bidi Dabe 3:13

Te gavman tuni bidi Eklongo te Amor dabe me te Amalek dabe dali selama, tama augwaligo te Israel dabe aiyaba elaluama, tama te hanu nogi Ni Pam te nogi poali hanu me sali.

Te Israel Tobolu Bidi Dabe 4:17

Sisera wi peyu, te Hebergo we Jaelgo ugwa beba wi duala sigi pali, te Kengo haniba, magi baso meni, Jabin, te Hasor gavman tuni bidi, agai te Hebergo hani dabe dali abagi olama bidali.

Jeremaia 35:2

“Nage pelama, te Rekap hani bidi sugi pelama, te augwali dali po minama, te augwali ena Genuai Bidi, eno be habu me deliba odasa asao. Tama nago te wain augwaliba menama, te augwaligo tumainogo yao,” te po wali.

Tuni Bidi Dabego Po Elalubo Buku Si 28:16

Te Israel dabego Juda dabe dali boi hwįnama augwali aiyaba elaluama pabo tudi badu, nosali te Idom dabe ma aselama, tama te Juda dabe dali boi hwįnama Juda dabe aiyaba ma elaluali. Tama augwaligo meba we bidi kalabus elama odasa pali. Tama tibaso, king Ahasgo bidi meba Asiria king bidi sugi pelama, aga tau sagasomainu hanalugi pali.

Tuni Bidi Dabego Po Elalubo Buku Deli 2:15

Me badu nogo kibisa wali ogwa nogi da Osem, te nogo a naga olama, me badu nogo si wali ogwa da te Devit dao.

Josua 12:14

Horma, Arat,

Ma Dobola Sali 18:27

Te po dabe dodolobo sę tama dodolama, tama nosali Mosesgo aga wąį nogo menama, tama Jetro aga bulu tǫ pedaiba ma pai.

Ma Dobola Sali 18:12

Tama Jetrogo ofa yabo nai me deli sela asali, te siaba tigidali ulama, tama Godibolo mawai. Tama agai meba gasa ofa me te Godibolo yai. Tama Aron dali, te tigidali Israel genuai bidi dabe me aselama, tama Moses aga wąį dali te Godigo gedude nai tuai.

Ma Dobola Sali 18:7

Tama Mosesgo te po odama, tama agai Jetro tiąba tųdu pai. Tama Mosesgo mage basi gulama, tama nosali agai aga sebedi usai. Tama augwa si bidabo po dabe olama, tama nosali augwali Mosesgo ugwa be tomoba pai.

Ma Dobola Sali 18:1

Jetro aga te Midian dabego pris bidi, tama Mosesgo wąį, aga we aga aya. Tama agai Godigo tigidali sę Moses dali, me te Israel dabe dali me yali po odai. Tama me agai te Genuai Bidigo aga we bidi Israel dabe te Isipde bidibadi dobolama, odasa soainogo yali kolesaga, te po me odai.

Ma Dobola Sali 4:18

Mosesgo po God dali ola silama, tama aga te aga wąį Jetro bidibo teba ma pelama, tama agabolo te po wai, “Eno homugo nago ena te Isip tǫba ma pelama, te eno deli hani sugi painogo ebo, te nago ena pao po wabo te usu da wao. Eno koneama, augwali bidibowe, ma augwali isaliwe, te eno augwali sugi peyu pobao,” wali. Jetro agai te usu da po aga dali wai, “Te usu da, nage pao.”

Ma Dobola Sali 3:1

Tama nosali me sogo Moses agai te kibu sipsip dabe, me te meme dabe te aga wąį Jetro nai dabe tonaluai, te Jetro aga da te God dali te Midian bage tomode dolalubo pris bidi dao. Tama me sogo deli sogo Mosesgo te kibu sipsip me meme dabe odasa peyu, te wa pai bulu taga peyu, te tǫ pedai me nogi Horep, te bulu du Sainai tede elalubo, teba sabolali, te Godigo bulu du dao.

Matyu 3:1

Te nosali augwali te Nasaret hanude bididubadi te Jon, te baptais mabo bidi aga pedelai. Aga te Judia tǫ tomode te bidi meni yai bulude bidali, tama agai te po augwalibolo pusali,

Te Israel Tobolu Bidi Dabe 1:15

Tama Aksago po wei ponani, “Eno te nai me deli sabo homu ebao. Nago ena te ili meni yai wa pai tǫba muani, te tǫ nogi Negev, te megi nago ena te wę ulu meba mao,” wali. Tama Kalepgo te ulu wę ugwadu me aiyadu me elalubo tǫ me te agabolo mani.

1 Samuel 27:10

Tama Akisgo Devitba hanalu wali, “Megi da, nago mena badu hwįgi paliwe?” Tama Devitgo te Akisba tibo po ola mayu, agabolo te tiwai po weyu yali, “Eno te Juda dabeba hwįgi pai da,” weyu yali, ma “Eno te Kin dabeba hwįgi pali,” te po weyu yali. Te bidi dabe te Juda tǫ pedai te saut badu bidiba po wali.

1 Samuel 30:29

me Rakalba, me te Jeramel dabego taunba me, te taun bulu Kinba me,

Bomai Po 34:4

Te tama tialima, Genuai Bidigo Mosesbolo te po walali, “Eno te tǫ te Abraham, me Aisak, me Jekop, augwalibolo te tǫ te augwa wąį dabebolo mawaiba po eno augwali dali dąų walai dao, polobadu mu. Megi eno nago sumainu sula tagalali dao. Tiali goli, eno nage te tǫ tomoba pomainogo sula tagalogobeo,” wali.

Josua 18:21

Te Benjamingo hanu dabe te e tama elaluali, Jeriko, Bethokla, Emek Kesis,

Tuni Bidi Dabego Po Elalubo Buku Deli 2:55

Tama gasa hani dabe augwali te taun Jabesde bidaluali, tama augwali te polobadu yali sę ripot po ma asębo sę, me te gasa naide po asębo sę page konea pai bidi dabe. Te hani dabe augwa nogi e tama dao, te Tira dabe, me Simea dabe, me Suka dabe, te tama bage bidali. Te hani dabe augwali te Kingo hani dao. Te augwali bulali wąį nǫų da, te Hamat. Hamat aga te Rekap dabego wąį nǫų me dao.