Hosea 9:6 - Godigo dwagi yai po buku

⁶ Nosali te genuai sęgę yai sę, te dage dolabo sę te pedalubaso da, teda dage wi tedela paibao. Tama te Isip dabego dage suyu da, te dage selasa peyu, te Isipba kalabus iligi paibao. Tama tede dage bidaludubadi, te dage isibo siba usu nama, te augwaligo dage te Mempisde pubulaibao, te augwa genuai taun dao. Dage te duga pesage buluba ma asogobeo. Menio. Tama te duga be dabe, me mone silva, me te wiegi yai doado bage te olo bulu tomode elalubadi, te genuai bus holama, te tigidali mesegelaibao.

Hosea 9:6 Referans Kwoze

Hosea 10:8

Te Israel dabego te tibo godiba lotu weyu, te bulu du ugwadu bagede te lotu wabo pesage elaluali, tama Godigo te pesage dabe dolaibao. Tama nosai me te sesane yai bono dabe pedelama, te alta dabe mesegelaibao. Tama te sogo te boi bidi dabede geme duala sainu yali we bidi dabe, tama augwaligo te bulu du dabeba hanalu, te augwali mesega sao po waibao.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Hosea 9:3

Tama dage Israel te Genuai Bidigo mani tǫde me bidigobeo. Tama dage te Isipba kalabus ma igi peyu, te Asiria bulu tǫba me kalabus igi paibao. Tama te bulude te Godigo dageba te habu selali nai dabe tueibao.

Hosea 8:13

“Augwaligo te ofa hauwa eyu, te ofa ebo mi tubo dao. Tialima ena, Genuai Bidi, eno augwaliba te wiegi yai homu pemene me ebeo. Tibaso, megi da, eno augwa yali dwai sęde homu kone palama, te dene mawaibao,” wali. “Te eno augwali Isipba ma kalabus igi pomainu tagala palaibao,” wai.

Hosea 7:16

Ena da te Ugwadu Mu Bidibo God mu dao. Te sęgę pedalubo sogo te augwali enaba aselama, te eno augwali tau somainu ebeo. Menio. Augwa te bomo meni yai nai dabeba naga pali. Augwali te dwai enego te nai enani geda mubo tiwai yali. Te augwa polalubo tobolu bidi dabego te augwa bomogo digi te boi bidi aiyaba elalueibao tiwai po wai. Tiali goli, te menio. Te hwįbo side augwali isibaso, te Isip dabego augwali dwai gisugu mawaibao,” Genuai Bidigo te po wai dao.

Aisaia 7:23

Te sogo da, dagego gi dabe dola silaibao. Megi te dagego dwagi yai wain ni gi deli delide te 1,000 wain ni bono elalubo, tama te ni dude dagego masigi 1,000 kina te sabao. Tiali goli, te dwai sesane ni me, sesane bono si holama, te ni mesegelaibao, te dwagi yai gi dabe, tama bidi dabe olo bilibo wi yaibao. Ma, bidi dabe augwali teba poloba painu da, teda augwaligo enesigi me selama, hasa kegegi paibao.

Hosea 11:11

Te augwaligo Isip tagalama, tama te polo asesa asu, te ba bola asobo tiwai yaibao. Awe, augwali me Asiria tagalama, te ba hi dabe tiwai bola asaibao. Tama eno augwali te augwa page buluba ma odasa asaibao. Ena Genuai Bidi, eno te po wai dao,” wali.

Hosea 7:13

“Odiąo. Te augwali dolomainu yaibao. Augwaligo ena tagalama, te enaba hagoma yali. Tama tibaso, eno augwali dolaibao,” wali. “Hasia bolo eno augwali tau sainu yali, tiali goli augwaligo tibo kolesaga enaba yalio.

Aisaia 34:13

Te sesane yai bono me nosai dabego te kingo be, me gasa be dabe mesegelaibao. Te bulu uni yowi dabe bidagaselama, te badu i wagasobaso, te uni ba dabe te beba piagasaibao wali.

Aisaia 32:13

Tama dagego eno we bidigo tǫ hagede dage hobedai gela waiagameo. Magi baso meni. Te dwai sesane bono me dwai nosai dabe te bulu tǫde koliaibao. Awe, dagego duga te gana peyu ebo te be dabe homu kone elama, tama dage hobedai gela waiąo. Tama me, dage te duga te gawelama bidibo te hanu dabede me hobeda gela waiąo.

Aisaia 27:12

Tama te sogo Genuai Bidigo aga we bidi gasabulude dabe bidibo we bidi ma oda saibao. Te węYufretisdu gagalama, te Isip buluba usu nigi paibao. Agaiaugwali deli deli saibao, te bidigo aga wit dili dali bo dalisela sąnama, te du naga elalubo tiwai yaibao. Tama tewiegi yai wit du selama, te tǫgo nigai senede mubo tiwaiyaibao.

Aisaia 19:13

Te hanu Soan, me genuai hanu Mempis genuai bidi dabe, augwali te kolesaga meni yai bidi dabe naga dao. Tama me ma, te Isip bulu tobolu we bidi dabe augwaligo te bulu bugagia tolasa sę ebeo.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Bugagia Bidibo Kolesagade Po Asęai Buku 24:31

Te sesane yai bonogo, me te dwai dosago te gi mesega sai elaluai. Tama te gi bagulali masigi obo te degasa pai yalio.

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Te Israel me Juda Hani Sigo Tuni Bidigo Po Elalubo Buku Si 13:7

Tama te sogo te king Joahas agai te ami soldia bidi umabo mu meni badi, magi basowe, te Siria hani augwaligo te Israel hanigo ami soldia bidi dabe umabo mu ela muai dao. Tigidali sogo te Siria hanigo augwali dolobo sę mu yali, tialima megi te Israel hani augwaligo ami soldia bidi dabe te bidi sese si olama, nogo si, 50 tama bidi dabe naga te hos kibude dugulama, tama boi hwįbo usu elalubo. Tama tialima, augwaligo te boi hwįbo karis nai nogo si naga bidali, me te gasa ami soldia bidi dabe te 10,000 tǫdu pabo ami soldia bidi naga bidali.

1 Samuel 13:6

Tialima, te Filistia dabe dali te Israel dabe dali boi hwįani. Tiali goli, te Filistia dabego hwįbo te bomo mu ebaso, tama te Israel dabego koneani, te augwaligo bomogo te boi bidi dabe aiyaba elaluabo homu ebeo. Tama tibaso, te Israel dabe meba te tǫ dedageba geme duala sigi peyu, te genuai bulu duba duala sigi peyu yali, tama meba te genuai masigi ola be tomoba duala sigi peyu, tama meba te wę ulu pedalubo tǫ dedage tomoba pelama, duala sigi pali.

Jeremaia 2:16

Israel, nage we me deli tiwai, te taun Memfis bidi dabego, me te taun Tapanes te tǫ kantri Isip bagego nage dwai hale iliyu, te nago tobolu nisi tigidali poalama, sela sąwai.

Jeremaia 42:22

Tialima, dagego e tiwai tama dolo koneao, dage te bidigi painogo ebo badu, te boi bidi dabego dage ela mueibao, te dage nai sǫą pelama, nasigo isaibao, te dwai gasi dageba pedelama, te dage isaibao,” Jeremaiago te po wai dao.

Jeremaia 44:1

Genuai Bidigo po Jeremaiabolo mawai, te agai Isipde bidibo Juda dabeba pusumainogo yai. Augwali te taun Mikdol, me Tapanes, me Memfis, tede bidali, te saut Isip badu me bidai. Jeremaiago te tiwai po wai,

Jeremaia 46:14

“Dagego te taun Mikdol, me Memfis, me Tapanes, me te gasa Isip pedai badu, teba te po hanilama, pusao. Augwaliba te tiwai po wao, ‘Dage Isip te hwįabo sisilama, dolaluao. Magi baso meni, te boi bidi pedelama, te dage ela mubo sę yaibao.

Jeremaia 46:19

“Dage Isip dabe, dage gasa kantriba kalabus igi paibao, te duga doado bage sisi ela muao. Te boi bidi dabego te taun Memfis dolama, tama te taun olo elalu, bidi tede me bidigobeo,” te po wai.

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Hosea 2:6

Tama te homu ebaso, te eno ni sesane dabe selama, te we bidibo pesage bagulama elalueibao. Te eno aga soabo sunumide obogo togwa palama, tama aga te bidi dabeba ma pobaso, te usu me egobeo.

Hosea 7:11

Israel te kolesaga meni yai umunaluai ba hi subigila bola bilibo tiwai ebo dao,” wai. “Hasia bolo augwali pelama, te Isip dabego augwali tau sogowe weyu, hanalugi pali, tama nosali augwali pelama, te Asiria dabeba me hanalugi pai dao.

Sefanaia 1:11

Te dage te taunde odogo malu bulude bidiyu, te po dabe odobaso da, teda dage gela waibao. Magi baso meni, dagego duga tigidali bisnis bidi dabe isai subaso,” te po wai.

Pris Sę Ebo Bomai Po 26:33

Eno digi te boi bidi dabego dageba boi hwįmainogo ilaibao, te eno dage augwaligo te gasa tǫ kantriba tedela palomainogo ilaibao. Te dagego tǫde bidi meniama olo elalu, te taun dabe dolai elalueibao.

Jeremaia 44:12

Eno dage te Isipbabidagasainogo bomo yali dwasianu Juda hani te musilaibao. Te dage te Isipde bidibo sogo, dage isaibao. Teboi bidi dabego dage ela munama isibadi, te nai sǫą peyu, nasigo isibadi yaibao. Dage tigidali isaibao, te gegunaibidi dabe me, olo bidi dabe dali isaibao. Te gasa bulu webidi dabego eno dagede te yali sę po odama, te augwaliwi mu elama, midigi saibao. Te dage dolama, posobo powaibao. Te augwa boi bidi dabeba posobo po wabosogo da, augwa te tiwai po waibao, “Dage te Judadabe dolali tiwai gilama yagameo,” waibao.

Jeremaia 44:13

Enodagebolo dene mabo sę te Jerusalem dali yali sę tiwaiyaibao. Te dage boi bidigo ela muyu, te dage nai sǫąpelama isibadi, te dwai gasi selama, isibadi yaibao.